Sa pangalawang pagkakataon, namatayan muli ng anak ang former The Clash contestant na si Mirriam Manalo. Sumakabilang-buhay ang baby ng singer dahil sa sakit na spinal muscular atrophy.
Mga mababasa sa artikulong ito:
- Mirriam Manalo nagdalamhati sa pagpanaw ng kanyang anak
- Operasyon ng anak ni Mirriam
Mirriam Manalo nagdalamhati sa pagpanaw ng kaniyang anak
Larawan kuha mula sa Facebook post ni Mirriam Manalo
Kakaiba ang sakit na masaksihang mawala sa mga bisig ng isang ina ang anak niya dahil sa pagkamatay nito. Ano pa kaya kung ito ay nangyari sa pangalawang pagkakataon?
Ganito ang pinagdaraanan ngayon ng dating contestant ng television show na The Clash na si Mirriam Manalo. Ika-24 ng Abril noong pumanaw ang anak nitong si Lila Emilia dahil sa kaliwa’t kanang kumplikasyon dala ng kanyang genetic disease na spinal muscular atrophy.
Nakakadurog ng puso ang Facebook post na larawan ang video ni Mirriam Manalo kasama ang anak. Sa unang larawan makikitang hinahagkan niya si Lila Emilia. Sa video naman ay mangiyak-ngiyak niyang niyayakap ito habang wala nang buhay at inaawit ang kantang ‘Sa Ugoy ng Duyan.’
Ayon kay Mirriam, bago raw mamayapa ang anak ay maganda pa ang kalagayan nito. Malubha ang pighating pinagdaraanan ng inang si Mirriam dahil sa nangyari ito sa kanya dalawang beses na.
“Iniwan moko anak, ang sakit naman sobra! Okay na okay ka pa kahapon baby ko.. nothing is more painful than this! 2 times in a row…
Fly high my angel! You’re with ate na..”
Matatandaang ang una niyang sanggol na si Layla Elleina o tinatawag niyang ‘Baby Clasher’ ay namatay rin sa parehong taon kung kailan siya pinanganak, taong 2019. Katulad ng naranasan ni Lila Emilia, spinal muscular atrophy rin ang kinamatay ng sanggol.
“No more pain anak, doon makakapaglakad kna, makaka dance, makakakain kana lahat ng gusto mo, makaka sing ka na with Jesus.
Till we meet again. I love you Emilia ko!”
Bukod sa Facebook post niyang ito, sa Instagram account ay nagbahagi rin siya ng story na nakalagay ang mga salitang “Ang sakit-sakit naman.”
Larawan kuha mula sa Instagram account ni Mirriam Manalo
Operasyon ng anak ni Mirriam
Unang sumailalim sa operasyon si Emilia noong Abril 16, 2022 at kinakailangan muling operahan matapos ang sampung araw para sa tracheostomy at PEG. Dahil sa tuloy-tuloy na medikasyon at mag-iisang buwan na silang nasa ospital mula nang ma-admit ang bata noong Marso 19, 2022, nanghingi na ng tulong si Mirriam.
Sa kanyang Instagram post ay humingi siya ng pinansyal na donasyon upang mabayaran ang hospital bills para sa kanyang anak, na umabot na ng ilang milyong piso.
“I am very sorry that I have to ask again for your help, kasi hindi na po talaga namen kaya bayaran yung bills ni baby ng ma-gisa millions of pesos na po ang bill ni Emilia ngayon, It is very frustrating for us parent to see our daughter in a very difficult situation at the same iniisip din namen kung saan pa po kmi pwede humugot para mabayarn yung mga bills niya.
Every cent is important to us, lahat po ng paraan ginagawa na namen para ma save po ang buhay ng aming anak’ I never want to bury another child kaya kinakapalan ko na po yung mukha ko para humingi ng tulong sa inyo.”
Larawan kuha mula sa Instagram account ni Mirriam Manalo
BASAHIN:
Nanay ng namatayan ng 1-year-old na anak: “Wag balewalain ang COVID dahil totoong-totoo siya”
REAL STORIES: My husband lost his mother and grandmother within 9 days
Isang liham mula sa isang ina na namatayan ng dalawang babies
Dagdag pa niya, natatakot na raw ulit siyang mag-anak dahil parati niyang nasasaksihan ang hirap nito sa sakit. Buong akala niya raw ay hindi na muli niya itong mararanasan. Ang Diyos na lang daw ang tanging kinukahanan niya ng lakas para hindi tuluyang mabaliw sa ganitong sitwasyon.
“Being a mom is a very difficult task to do lalo na kung may mga sakit pa po yung mga anak naten, I am now afraid to have another child kasi ang hirap po makita na may sakit yung mga anak namen, I never even expected to be in this situation again…”
“If not to GOD nabaliw na cguro ako kasi walang kasing sakit yung makita mo yung anak mo na nasa hospital’ buti na lang po may diyos na nagpapalakas ng loob ko, my faith to him gives me strength to face this most difficult trial in my life. Pls help me save my daughters life.”
Sa mga nais magbigay ng donasyon maaaring magpaabot o mag-send sa parehong detalye na pinost niya sa kanyang
Instagram account.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Shopping
Rewards
VIP Parents
