Nakakalason na halaman at ornamental plant na kung tawagin ay “dumb cane” napaglaruan at nakagat ng isang bata.
Ang dumb cane ay isa sa mga halaman na madalas nating makikita sa mga bakuran. Dahil sa magaganda at malalapad na dahon nito ay ginagamit itong pangdekorasyon para magmukhang maaliwalas ang mga tahanan.
Ngunit ang magandang halaman pala na ito kung titingnan ay mapanganib at sadyang nakakalason.
Batang nakakagat ng nakakalason na halaman
Sa isang Facebook post ay nanagawan si Husnolkhotimah Fahmi na mag-ingat sa isang nakakalasong halaman. Ito ay matapos mapaglaruan at makakagat ng dahon nito ang 4-anyos na Malaysian girl na si Nashwa.
Ayon sa kuwento ni Fahmi ay naglalaro umano sa labas ng kanilang bahay si Nashwa nang pumunit at kumagat ito ng maliit na dahon mula sa nakakalason na halaman.
Matapos nito ay agad na pumasok ang bata sa loob ng kanilang bahay at uminom ng tubig na nagsimula naring magreklamo sa sakit. Sinundan ito ng pag-iyak ng bata na hindi nila malaman ang dahilan.
Doon na nagkuwento ang bata na nakakagat siya ng dahon mula sa isang halaman sa kanilang garden.
Nang maituro ng bata kung anong dahon ang nakagat niya ay agad na i-ginoogle ito ni Fahmi. Doon niya natuklasan na ito pala ay nakakalason at kilala sa tawag na “dumb cane”.
Dagdag pa ni Fahmi maliban sa inirereklamong sakit ay hindi daw maisara ni Nashwa ang kaniyang bibig. Naninigas at namamaga din ang mga labi nito habang naglalaway ng sobra.
Kaya naman dahil sa nakakatakot na sintomas na pinapakita ni Nashwa ay agad itong itinakbo sa doktor.
Dito sinabi ng doktor na mabuti na lang at hindi nakalunok ng dahon ng dumb cane si Nashwa dahil kung sakali mas malala ang mararanasan niya. Tulad nalang ng pamamaga ng lalamunan na maaring makaharang o makabara sa respiratory tract.
Agad na binigyan ng lunas si Nashwa at niresetahan ng gamot para ma-absorb ang lason kung sakaling pumasok ito sa kaniyang tiyan.
Kaya naman panawagan ni Fahmi sa mga magulang, tanggalin na ang nakakalason na halaman sa kanilang bakuran lalo pa’t hindi mapipigilan ang mga batang mangalikot at mag-explore sa paligid nila.
Mag-ingat sa halamang “dumb cane”
Ang dahon ng dumb cane ay nagtataglay ng microscopic needle-like calcium oxalate crystals na nagdudulot ng burning sensation sa bibig kung makagat at maisubo.
Makakaranas rin ng pamamanhid, labis na paglalaway at pamamaga ng labi ang sinumang makakakagat nito.
Ang loss of speech ay isa rin sa mga side effect ng pagkakasubo ng dahon ng dumb cane ngunit hindi naman ito nakakamatay. Ligtas rin itong hawakan basta’t huwag lamang hahawak sa mata o bibig matapos mahawakan ang dahon nito.
Source: Mothership
Basahin: Your kids could be poisoned by harmful plastic toys
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
TAP Picks
Shopping
Community
Rewards
