Alam mo ba na marami kang malalaman tungkol sa iyong kalusugan sa pamamagitan lamang ng pagtingin sa iyong katawan? Isang halimbawa ay kapag mainit ang pakiramdam pero hindi nilalagnat. Madalas, maraming mga nakatagong senyales ng sakit ang napapabayaan dahil hindi agad ito napapansin.
Kaya’t mabuting mag-ingat at alamin kung anu-ano nga ba ang mga ito.
Image from Freepik
Mainit ang pakiramdam pero hindi nilalagnat: Anu-ano ang mga nakatagong senyales ng sakit?
Pagkakaroon ng ‘bloated’ na tiyan
Maraming dahilan ang pagkakaroon ng ‘bloated’ o punong pakiramdam sa iyong tiyan. Minsan, ito ay dahil sa isang food allergy, o kaya naman ay dahil naparami ang iyong kinain, at hindi kayang ma-digest ng iyong tiyan ang pagkain.
Minsan, ang pag-inom ng softdrinks, alak, o pagkain ng maraming matatamis na pagkain ay nagiging sanhi ng ganitong pakiramdam sa tiyan.
Kung madalas mo itong nararamdaman, at hindi ka naman malakas kumain, baka mayroon kang food allergy, o kaya irritable bowel syndrome. Kapag ganito, mabuting magpakonsulta na sa doktor.
Mapulang balat at acne
Image from Freepik
Madalas, dahil sa mga hormones ang pagkakaroon ng mapulang balat at acne. Kadalasan itong nangyayari sa mga kababaihan bago sila datnan.
Madalas din itong nangyayari sa mga lalakeng nasa puberty, dahil epekto ito ng testosterone sa katawan.
Minsan, ito rin ay dahil sa liver imbalance, o kaya hindi magandang mga kinakain. Ito rin ay puwedeng maging epekto ng stress, kaya ugaliing mag-relax at huwag masyadong magpaka-stress sa buhay.
Mayroong puti sa dila
Ang pagkakaroon ng mga puti-puti sa dila ay posibleng epekto ng microbiome imbalance, iron o B vitamin deficiency o kaya diabetes.
Kung ito ay dahil sa iron o vitamin B deficiency, madalas kang makakaramdam ng paghina o matinding pagod.
Kapag naman makapal ang mga puti-puti at parang mayroon itong nana, posible itong maging leukoplakia. Madalas din itong nakikita sa gums at sa loob ng bibig. Kadalasan mga naninigarilyo ang mayroong ganitong kondisyon.
Mga linya sa kuko
Siguradong nakakita ka na dati ng mga linya sa iyong kuko at inakalang malala itong sakit. Ang totoo nito ay hindi mo naman ito dapat ipag-alala dahil normal lang na nagkakaroon ng ganito.
Minsan naman, kapag mayroong mga vertical na linya ang iyong mga kuko, posibleng senyales ito ng anemia, at mabuting magpatingin sa doktor, lalong lalo na kung nakakaramdam ka din ng pagkahapo.
Singaw at mga ‘cold sores’
Ang mga cold sores, o mga mapupulang sugat sa iyong labi, ay posibleng senyales ng mahinang immune system.
Ang cold sores ay epekto ng isang virus na nakakahawa. Kapag humihina ang iyong immune system, lumalabas ang mga ito.
Pagdating naman sa mga singaw, posible rin itong senyales ng mahinang immune system, pero hindi naman ito nakakahawa.
Madalas, kailangan mo lang uminom ng vitamin C at palakasin ang iyong immune system upang makaiwas sa ganitong mga kondisyon.
Paninilaw ng balat at mata
Ang paninilaw ng balat at mata, o tinatawag na jaundice, ay kadalasang senyales ng sakit sa atay.
Minsan, epekto rin ito ng pag-inom ng sobrang beta-carotene, o pagkain ng mga gulay na mataas sa beta-carotene. Ngunit mas madalas na ito ay dahil sa problema sa iyong atay.
Kung nakakapansin ka ng paninilaw, o kaya naman napapansin ng ibang tao ang paninilaw sa iyong katawan, mabuting magpakonsulta na sa doktor upang maagapan ang kung ano mang posibleng maging sakit.
Pagkibit ng mga mata
Image from Freepik
Ang pagkibit o ‘twitch’ ng mga mata ay posibleng senyales ng problema sa iyong nervous system.
Madalas, ang mga mata ang unang nagpapahiwatig ng problema sa nervous system. Kaya’t kung napapansin mo na madalas ang pagkibit ng iyong mga mata, mabuting magpakonsulta sa neurologist upang malaman kung mayroon bang problema.
Source: The Sun
READ: Ang inakalang “colic” baby, may mapanganib na sakit sa puso pala
6 Natural na paggamot sa lagnat ng bata
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
