Base sa bagong pag-aaral ng experts nakita nila ang negative effects ng social media sa parents pagdating sa kanilang parenting style.
Mga mababasa sa artikulong ito:
- Negative effects ng social media at gadgets sa mga parents
- How to lessen your social media use
Negative effects ng social media at gadgets sa mga parents
Larawan mula sa Pexels
Siguro ay narinig na natin ang iba’t ibang negative effects ng social media para sa mga bata. Nakaka-distract ito para sa kanilang pag-aaral, nakakabago ng sleeping pattern, at nakasisira rin sa health ng kanilang mga mata.
Ngunit alam mo rin bang mayroong masamang epekto ang social media at mga gadgets sa parents lalo na sa usapin ng pagpapalaki sa kanilang anak? Iyan ang bagong nalaman ng mga eksperto.
Sa isang bagong research sa University of Waterloo, sinubukan nilang tignan ang relasyon sa pagitan ng digital media at mental health para sa parents. Sinubukan nilang alamin ito sa time frame kung kailan nagsimula ang pandemic ng COVID-19.
Inalam nila ito mula sa 549 na participants. Ang mga lumahok na ito ay mga magulang na mayroong dalawang anak na may edad na limang taong gulang hanggang 18 taong gulang.
Ilang factor ang inalam nilang detalye, kabilang na diyan ang detalye sa kanilang anak, paggamit ng digital devices, mental health status, function sa family, at maging parenting style.
Nalaman nilang gumugugol din pala ng halos tatlo hanggang apat na oras ang mga parents upang gumamit ng digital media | Larawan mula sa Pexels
“It’s not just children who are often on devices. Parents use digital media for many reasons, and these behaviors can impact their children.”
Ayon kay Jasmine Zhang na lead author ng pag-aaral at isang master’s candidate sa clinical psychology sa University of Waterloo, nakita niyang hindi lang bata ang parating nasa mga devices nila. Nalaman nilang gumugugol din pala ng halos tatlo hanggang apat na oras ang mga parents upang gumamit ng digital media.
Napag-alaman din nila mula sa participants na ang mga lumahok na may mataas na levels ng distress ay mas nagi-engage sa devices upang mabawasan ito, in short ginagawa nila itong way of relaxation. Dito na rin nila nakita ang negative effect na kasama ng paggamit ng mga ito: nagging at yelling. Ang dalawang ito ay nangangahulugang:
- Nagging – Ang consistent o parating paghahanap ng mali sa isang tao sa pamamagitan ng paulit-ulit na pagsabi ng bagay na ikaiinis niya.
- Yelling – Ang act naman ng pagkausap sa isang tao nang may malakas na boses o pasigaw.
Bagaman walang pokus na partikular na application o website sa naturang research, nakita pa rin nila kung gaano katagal ang ginugugol ng parents para lang maaliw sa devices. Lalo raw lumilitaw ang negative effects na ito kung nagiging interruption na siya sa dapat ay oras para sa interaction ng pamilya.
How to lessen your social media use
Tips to lessen social media usage | Larawan mula sa Pexels
Mahirap naman talagang iwasan na hindi pansinin ang cellphone. Lalo na sa modern times na halos lahat ng nangyayari sa paligid ay nakikita na sa social medias. Maraming tao na nakikita ang entertainment dito habang ang iba naman narito na rin kasi ang kabuhayan o trabaho nila.
Hindi maikakailang marami na ang benefits na dala ng social media ngayon. Pero sa kabilang banda, ang sobra ay nakasasama rin.
Kung isa ka na rin sa gustong mabawasan na ng oras ng paggamit ng iyong digital devices, baka kailangan mo na ang ilang sa mga tips na ito:
Alisin ang applications sa madali mong makita.
Little step but it’s a big help. Subukang alisin ang applications na tingin mo ay madali kang madi-distract sa iyong home screen. Mas madali kasing naa-access ay mas madali ring itong nagagamit agad. Sa huli ay maguguluhan ka at hindi mo mamamalayang nakakailang oras ka na pala dito.
Maglaan ng oras araw-araw para sa offline hobbies.
Magandang practice para hindi parating nasa gadgets ang pagkakaroon ng hobbies offline. Mainam na mag-set ng partikular na oras at haba kung kailan mo maaaring gawin ang hobby na nais mong gawin.
Kung mahilig ka maglaro ng virtual games na tungkol sa pagtatanim ng halaman, why not gawin ito in real life? Mas maraming benefits pa ito for you dahil talagang therapeutic ang pag-aalaga ng halaman at maaari pang magamit sa bahay.
Iwasang dalhin ang phone kung magkakasama ang pamilya.
Isa sa nakalulungkot na epekto ng cellphone ay ang disconnection sa pamilya kahit sa loob ng bahay. Kung magdidinner o lunch together, tiyaking mayroong rules na nagtatakdang hindi magdadala ng phone sa hapag-kainan. Mabibigyan kasi nito ng time ang pamilya together para magkuwentuhan at magbonding.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
