Lahat ng tao kahit sino gustong gusto magkaroon ng magandang buhay para sa pamilya. Ito naman talaga pinakarason bakit tayo nagtratrabaho di ba? Ako ay ilam sa mga gurong nakikipagsapalaran sa karera at unos ng buhay.
Ako po nga pala si Mary Nelfa Recopuerto isang Public Secondary School Teacher at halos nasa 8 taon na po akong na sa industriya ng pagtuturo at nakapangasawa din po ako ng kagaya ko ding guro.
Hindi lingid sa ating kaalaman na talagang pagsinabing guro, LOAN DITO, LOAN DOON. Saan pa nga ba kakapit? Halos naturingan breadwinner ng family ang GURO sa pamilya.
Pareho kameng nabaon sa utang dahil na rin sa kaliwa’t kanang emergencies na di mabilang. Nagkasakit ang Nanay ko ng Cervical Cancer 2years ago, at 3 beses ako na CS. Walang akong ibang nagging katuwang sa gastusin panghospital kundi ang asawa ko lamang.
Halos lahat ng bilihin ngayon ay talagang nagsitaasan na. Kaya naman sinisigaw ng mga public teachers na taasan ang sahod dahil kulang na kulang ito sa pangangailangan ng isang pamilya. Lahat na yata ng strategies at tips sa pagtitipid ay nagawa ko na.
Ang negosyo namin online
Hanggang sa dumating sa buhay namin ang isang negosyo online na unti-unting bumangon at tumutulong sa buhay naming mag-asawa. Nagbebenta kami ng mga beauty, health and wellness products.
Marami ang ayaw, maraming galit at ayaw sumporta pero kabila ng lahat, natutunan namin na kapag magsipag ka lang sa isang business, willing mapag-aralan ang pasikot-sikot at pagkatiwalaan lahat ng prosesong napagdaanan ay tiyak na makukuha mo ang minimithi sa buhay.
Nakabili kame ng lupa at sasakyan na hindi nanggaling sa loan o pangungutang kundi nakuha sa katas at sipag sa online business. Lahat ng tao at kahit kame ay naapektuhang lubos sa pandemyang ito pero hindi naman pupuwede na walang gagawin kasi “Bills are always waving.”
Pagsubok na pinagdaanan namin sa aming negosyo online
Sa puntong iyon, nakilala namin ang tunay na mga tao sa paligid namin. Ganun talaga, marami ang maiinis, marami ang magagalit at maninira kahit wala ka namang ginagawang kasalan.
Ikaw ba ay nakaranas din ng ganito? Nature yata ito ng Pinoy ang pagkakaroon ng ganitong minsdset “Crab Mentality”. Yung hindi sila natutuwa kapag alam nila na unti-unti kang tinataas ni Lord.
Sabi nga, masusuri mo ang gawa ng tao according to their fruits. Ibig sabihin kapag binabato ka ng tao nasa sa paligid mo, dahil na rin sa taglay na tamis ng bunga ng puno mo.
BASAHIN:
Mommy vlogger, nakapagpatayo ng bahay mula sa katas ng online business at Youtube
5 important steps in building an online business from home
Naghahanap ng dagdag na kita? 6 Online business na madali lang umpisahan
Iiwasan ka ng mga taong akala mo ay kaibagan mo. Lalayuan ka ng mga taong nasa paligid mo na para bang may sakit ka na nakakadiri o nakakahawa sa lahat. Takot sila bumili at pumasok sa business mo kasi baka ikayaman mo raw pagbili at pagsuporta nila sa business mo.
Naging “Talk of the Town” kame pero mas pinilit naming maging bingi, pepe at bulag sa mga taong nasa paligid naming. Ganun talaga kapag nasa ibang level ng mindset ka na. Sabi nga, dont be afraid to be different.
Mahalaga may goal ka at may vision ka para sa pamilya
Ang importante lang naman kasi sa buhay ay ang VISION na pinanghahawakan mo. Ang vision na ito ang siyang maging motivation at inspiration mo araw-araw kung paano mo makukuha ang pangarap mo.
Ngayon habang may negosyo kami online ay patuloy pa rin akong nagtuturo. Maganda na rin na marami kang pagkukunan ng panggastos. Hindi na kasi biro talaga ang gastusin ngayon lalo na ngayong pandemya.
We don’t grow when things are easy, we grow when we face challenges. Basta focus ka lang sa goal mo. Kailangan maging bulag, pipi at bingi ka sa sinasabi ng iba, kasi at the end of the day, ikaw naman aani ng lahat ng matamis na bunga ng iyong tagumpay.
Sa mga gaya kong guro, ‘di ka masamang guro kung naghahangad ka ng mas magandang buhay para sa pamilya mo. Tayo ay tao lamang na mas priority ang kalagayan at sitwasyon ng ating pamilya.
Huwag kang matakot lumabas sa comfort zone mo, baka kasi ang kinakatatakutan mong gawin, iyon pala ang sagot sa matagal mo ng panalangin.
Teachers deserve good life after all. We serve our countrymen but we should not be slaves in our own land.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Press Releases
Shopping
Rewards
VIP Parents
