Yaya, nag-video sa sarili habang sinasaktan ang alaga

lead image

OFW yaya ni-record ang kaniyang pag-torture sa kaniyang alaga. Ang kaniyang rason: upang ipakita sa kaniyang kalaguyo ang kaya niyang gawin kapag galit siya.

Madalas mag-viral ngayon ang mga video ng mga yaya na nahuhuling sinasaktan ang kanilang mga alaga. Kadalasan nakukuhaan sila ng hindi nila namamalayan gamit ang mga CCTV o mga hidden camera katulad ng mga nanny cam. Ngunit iba ang kaso ni Leslie Ann Belmonte Dieza, 36. Ang OFW yaya ang siya mismong nag-record ng kaniyang sarili habang tino-torture ang kaniyang alagang Australian na baby. Ang kaniyang rason: upang ipakita sa kaniyang kalaguyo ang kaya niyang gawin kapag galit siya.

Problema sa asawa

Taong 2016 nang sumunod si Leslie sa kaniyang asawa na nag-tratrabaho sa Singapore bilang logistics coordinator. Namasukan siya bilang domestic helper sa isang Australian na pamilya. Ngunit kahit magkasama sila sa isang bansa ng kaniyang mister, hindi naging maganda ang kanilang pagsasama dahil nagkaroon si Leslie ng kalaguyo—isang lalaki na nagngangalang Raymond.

Noong Abril 11, habang nasa trabaho sa condo unit ng kaniyang amo, nagkaroon ng di pagkakaunawaan si Leslie at ang kaniyang boyfriend. Magkausap ang magkasintahan via video call nang mag-away di umano ang dalawa nang dahil sa pera. Dito raw nagsimula ang pananakit ng yaya sa kaniyang alaga.

Sa isang video na tumagal ng 1 minuto at 34 seconds, ni-record ni Leslie ang pang-aabuso niya sa kaniyang inaalagaan na baby. Ayon sa pahayag ni Assistant Public Prosecutor Dillon Kok sa Straits Times, makikita raw sa video na idinapa ni Leslie ang umiiyak na bata sa kama, tinakpan ng unan ang mukha, sinabunutan, at binitbit ang bata sa buhok nito sabay hinampas ang ulo ng bata sa unan.

Noong hapon din daw na iyon, nag-record muli ng 35-second video ang OFW yaya na pinapakita na pinapalo niya ang puwet ng bata gamit ang kutsilyo. Walang magawa ang baby kundi umiyak.

Ipinadala niya ang dalawang videos ng kaniyang pag-torture sa bata sa kaniyang nobyong si Raymond gamit ang Facebook Messenger. Ayon sa mga report, ginawa raw ito ni Leslie upang diumano maipakita kung ano ang kaya niyang gawin kapag siya ay galit.

Pagkadakip

Nang makita ni Raymond ang mga video, kinontak daw nito ang kapatid ni Leslie para maisumbong ang mga ginawa nito. Kinontak ng huli ang asawa ni Leslie at ipinakita ang mga video.

Sinubukan kausapin ng asawa si Leslie ngunit nag-walk-out lamang ito. Dito na nagpasya ang asawa na tumawag ng pulis at i-report ang nangyari. Naaresto ang OFW yaya nang gabi ring iyon.

"With her state of mind, she is not in the right capacity to take care of a kid," pahayag ng asawa ni Leslie. "I am worried for the safety of the kid and also worried of losing my job here because of her."

Agad na dinala ang baby sa KK Women's and Children's Hospital kung saan nakita na may sugat siya sa paa at dalawang sugat sa likod na naghilom na.

Nag-plead ng guilty si Leslie sa kasong "ill-treating a child" at nasintensiyahan noong lamang Biyernes ng 9 na buwan na pagkakakulong.

 

SOURCE: The Asian Parent Singapore, Straits Times

 

Ano nga ba ang mga kailangan na alamin bago mag-hire ng yaya? Alamin dito.

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!