Marami ang nagsasabi na ang panonood ng Ordinary People o Pamilya Ordinaryo sa Netlix ay isang eye opener para sa ating mga magulang. Ano nga ba ang mga matututunan dito?
Ordinary People Netlix
Mabilis na umingay ang Ordinary People (Pamilya Ordinaryo) sa social media nitong mga nakaraang linggo lamang.
Ang kwento nito ay tumatalakay sa dalawang batang kalye na sina Jane at Aries. Sa murang edad pa lamang nila ay mayroon na silang anak na si baby Arjan. Nabubuhay sila sa pagnanakaw at pagbebenta ng kanilang mga nakaw na gamit. Sa palabas na ito ay pinapakita ang pang araw-araw na buhay ng mga taong walang tirahan at pilit na kumakayod para lang may makain ang pamilya.
Nagsimula ang problema nina Jane at Aries ng biglang may kumuha sa kanilang anak.
5 reasons why watching Ordinary Family on Netlix is worth your time | Image from Netflix
Reasons why watching pamilya ordinaryo is worth your time
Maganda ang pagkakagawa ng pelikula dahil ito ay sumasalamin sa realidad ng mga batang walang tamang gabay ng nakakatanda. Tiyak na pagtapos mong mapanood ito, masasabi mong importante sa paglaki ng bata ang tamang aral na tanging magulang lang ang makakapagturo.
Ngunit ano nga ba ang espesyal sa ‘Ordinary People’ (Pamilya Ordinaryo) at bakit kailangan mo itong panoorin bilang isang magulang?
“Ipinapakita ang katotohanan sa labas ng bahay.”
Para sa apat na sulok ng isang bahay, malaki na ito para sa isang pamilya. Ngunit kung lalabas ka pa sa inyong tahanan, marami pa ang mukha ng realidad para sa iba’t-ibang tao.
May iba na kapareho mo ng katayuan sa buhay at marami pa rin ang hindi mo inaasahang nangyayari pala sa totoong buhay.
Isa sa nakababahalang tagpo na mapapanood sa movie na ito ay, parami ng parami ang mga tao at bata ang walang bahay na naninirahan na lamang sa kalye.
5 reasons why watching Ordinary Family on Netlix is worth your time | Image from Netflix
“Kailangan ng isang bata ang kanilang mga magulang.”
Magandang halimbawa ang Pamilya Ordinaryo sa pagpapakita ng kahalagahan ng magulang sa kanilang mga anak. Hilaw pa kasi ang kanilang mga isip at bilang isang magulang, responsibilidad natin ang hulmahin ito at itama sila sa lahat ng pagkakamali.
Sa Pamilya Ordinaryo, makikita dito kung gaano kababaw ang pag-iisip ng dalawang batang sina Aries at Jane. Nangyayari ito dahil isa lang ang kanilang alam na solusyon para maresolba ang problema, ito ay ang ‘pagnanakaw’.
“Mayaman lang ang kayang bumili ng tao.”
Isa sa magandang linya ng pelikula ay ang sinabi ng nanay ni Jane na “Mayaman lang ang kayang bumili ng tao.” Ipinapakita lang nito ang katotohanan at pangit na pamamalakad na nangyayari pa rin sa panahon natin ngayon. Lahat ng may pera, tinitingala at kayang bilhin lahat ng kanilang gusto kahit na ito ay dangal ng isang tao.
5 reasons why watching Ordinary Family on Netlix is worth your time | Image from Netflix
“‘Wag basta-basta maniniwala sa ibang tao.”
Sa panahon ngayon, laganap na talaga ang mga taong ang intensyon lang sa’yo ay ipahamak ka o ang iyong mahal sa buhay. Bilang magulang, obligado tayong pangaralan ang ating mga anak habang sila ay lumalaki. Ibahagi sa kanila na ‘wag basta-bastang sumama sa hindi kilalang tao at ‘wag papansinin kung inaalok ito ng mga pagkain. Isa itong pag-iingat na kailangang malaman ng lahat bata.
“Gagawin ng lahat ng nanay na maibalik sa kanila ang kanilang anak.”
Walang magulang ang nais mawalan ng anak. Isa na ata itong tagpo na hindi nanaisin ng lahat, ang mawalay sa kanila ng hindi inaasahan. Mapapansin sa pelikulang ito ang pagiging masigasig ni Jane sa paghahanap kay baby Arjan. Gagawin ang lahat para lang maibalik ang kaniyang anak ngunit dahil walang sapat na gabay, nakakagawa sila ng padalos-dalos na desisyon na nagdalasa kanila sa kapahamakan.
BASAHIN:
5 reasons why you should watch ‘Through Night And Day’ with your husband
Paano disiplinahin ang anak nang hindi sinisigawan o pinapalo?
Madalas mo bang bigyan ng reward ang anak mo? Baka maging spoiled siya!
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
