Makabayan girl: Grade 7 na nagpakita ng pagmamahal sa bayan
Alamin ang kuwento sa kabila ng Facebook post tungkol sa isang grade 7 na estudyante na umani ng daan-daang papuri dahil sa kanyang pagmamahal sa bayan.
Isang estudyante sa Ilocos Sur National High School ang nag-viral dahil sa kanyang pagmamahal sa bayan. Makikita sa nasabing larawan ang bata na nagbibigay galang sa pambansang awit kahit pa nauulanan.
Ang nagpost ng kanyang larawan ay ang kanyang guro na si Rouenne Marie Ablog. Ayon sa kanyang post, ang estudyanteng nag-viral ay ang Grade 7 na si Chelsea Angel Rapisura. Naglalakad daw ito nang nagsimulang tumunog ang pambansang awit. Imbes na sumilong muna, huminto si Chelsea kahit pa nauulanan at nagbigay galang. Tinapos ni Chelsea ang kanta kahit pa nauulanan kahit pa tinatawag siya para sumilong.
Ayon sa caption sa post ng guro, "This young girl stopped walking and stood still under the rain during the singing of the Philippine National Anthem. Nice one, ading!”
Marami ang natuwa sa pinakitang pagmamahal sa bayan ng bata. Dahil dito, nabansagan si Chelsea ng mga netizens na 'Makabayan girl.'
Source: Abante
Basahin: Grade 1 student, nagpakita ng pagmamahal sa bayan sa simpleng paraan
