5 Paraan para bawasan ang parenting stress

5 Paraan para bawasan ang parenting stress

Alamin ang mga payo ni Dr. Janet Hicks ng Belmont University at alamin ang limang mga paraan para pababain ang parenting stress.

Ang pagiging magulang ay hindi lamang puro kasiyahan, nakaka-stress din ito. Mula sa mga gawaing bahay, tamang pagpapalaki sa mga anak, at sa mga gastusin, maraming inaalala ang mga magulang. Ngunit, ang stress ay nakaka-apekto sa tao at maaaring hindi magampanan nang mabuti ang mga tungkulin dahil dito. Para diyan, inihahandog namin ang limang paraan para mabawasan ang parenting stress.

 

Alagaan ang sarili

Importante na hindi pabayaan ang sarili ngunit sa pagaalaga sa mga anak, sa asawa at sa kabahayam, madalas itong nalilimutan. Hayaan ang sarili na magpahinga rin at maglaan ng oras para sa sariling kapakanan.

Kung hindi makalabas para mamasyal, maaaring mag-meditate o mag-ehersisyo nang ilang minuto lamang. Isipin ang mga gagawin para sa araw at ipagpaliban muna ang mga hindi gaanong importante. Tandaan, mas-importanteng alagaan ang sarili para masmaayos na maalagaan ang mga mahal sa buhay.

 

Gumawa ng aktibidad

Ugaliing gumawa ng aktibidad na nakakapagtanggal sa parenting stress. Ito ang mga aktibidad na nakakapagklaro ng isip at nakakapag-parelax sa katawan. Nagdedepende ito sa bawat tao. Maaaring subukan ang mindfulness, muscle relaxation, yoga, ehersisyo, journaling, o iba pang aktibidad. Huwag kalimutan na ang layunin nito ay pabutihin ang pangkabuohang kalusugan.

 

Lumahok sa mga kinahihiligan

May mga kinahihiligan bang aktibidad bago maging magulang na kinalimutan na simula nagka-anak? Kung oo, maaaring balikan at lumahok sa mga aktibidad na ito. Hindi kailangang kalimutan ang personal na passion dahil lamang mayroon nang pamilya.

Tandaan, ang masasayang pamilya ay binubuo ng mga tao ay na binabalanse sa isa't isa ang mga kagustuhan at hilig. Kung maaari, pwedeng isama ang anak sa aktibidad o kaya naman ay humanap ng ibang maaaring gawin kasama ang bata.

 

Sumama sa iba pang mga magulang

Mahalaga ito lalo na kung ang pakiramdam ay mag-isa ka sa iyong pinagdadaanan. Kadalasan, kapag ang pakiramdam ay napakabigat na ng pinagdadaanan, nalilimutan isipin ng tao na hindi siya nag-iisa.

Maaaring makipagkita sa mga kaibigan na may anak rin at makapag-usap habang naglalaro ang mga bata. Hindi ka lamang nito binibigyan ng mapaglalabasan ng mga stress sa buhay, mayroon ka ring nabigay na kalaro sa iyong anak.

Ang ibang mga magulang ay maaaring magsilbing support group para sa kalusugan ng iyong pag-iisip. At malay mo, makakuha ka rin ng ibang tips para mabawasan ang iyong parental stress.

 

Baguhin ang pag-iisip

Kadalasan, sa pagtuon natin sa ating stress, nakikita natin ito bilang masmalaki kaysa sa kung ano talaga ito. Sa isang maliit na problema lamang, lumalaki ito dahil lamang sa stress na ikinakabit natin dito. Dahil dito, ang mga simpleng problema ay nagigign napakabigat na pinagdadaanan.

Baguhin ang ganitong pag-iisip at tignan ang mga bagay sa kung ano talaga ito. Sa susunod na may maisip na negatibong bagay, hamunin ang sarili na mag-isip ng bagay na mas positibo.

 

Ang iyong mga anak ay magiging maliit lamang nang ilang taon. Magugulat ka nalang na malaki na sila at tatawanan ang mga pinoproblema ngayon. Huwag tumuon sa stress at i-enjoy ang panahon ngayon habang maliit pa ang mga anak. Hindi sila habang buhay na ganito.

 

Source: PsychologyToday

Basahin: 6 na paraan para matanggal ang stress ng buong pamilya, ayon sa mga eksperto

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner