6 na paraan para matanggal ang stress ng buong pamilya, ayon sa mga eksperto

6 na paraan para matanggal ang stress ng buong pamilya, ayon sa mga eksperto

Ayon sa mga eksperto may 6 na puwede mong gawin bilang gamot sa stress, mga mommies at daddies. Alamin kung anu-ano ang mga ito. | PHOTO: Putri Firtria

Madalas sa isang pamilya na laging abala ang mga nanay at tatay sa trabaho para laging may pangtustos sa kanilang mga pangangailangan. Minsan sa sobrang subsob sa trabaho ng mga magulang, nakararanas na sila ng pagkabahala at depresyon. Bukod pa dito, hindi rin maganda ang epekto nito sa mga bata. Kaya narito ang ilang puwedeng gawin bilang gamot sa stress na araw-araw ninyong nararamdaman:

Gamot sa stress ng pamilya

Hindi kailangan ng literal na gamot sa stress o ‘yung nabibili sa mga botika. Ito ay dahil may mas maganda at maayos pang paraan para mawala ang stress na nararanasan ng pamilya. Narito ang mga gamot sa stress na makakatulong sa’yo upang ngumiti ulit.

gamot sa stress

Gamot sa stress ng pamilya | Image from Freepik

1. Laging maglaan ng 20 minuto para sa inyong mga anak

Ang pakikipaglaro sa inyong mga anak ay makapagpapabuti ng relasyon nila sa inyo bilang magulang, nakatutulong din ito upang mabawasan ang anxiety at depression na kanilang nararamdaman. Subukang gumawa ng mud pies, magtakbuhan habang umuulan, tumalon-talon sa trampoline, maglaro ng bahay-bahayan o kaya’y water gun, gumawa ng palobo, at marami pang ibang masasayang gawain kasama ang inyong anak.

2. Mag-karaoke sa kotse

Isang rin itong magandang gamot sa stress dahil nababago nito ang brain chemistry ng isang tao, napapababa ang nararamdamang stress at anxiety, at nakatutulong gumawa ng endorphins o tinatawag na happy hormones.

Hayaan ang inyong mga anak na pumili ng kanilang paboritong kanta at mag-enjoy lang sa pakikipag-jamming sa kanila. Pagkatapos nito, bigyan ng munting reward tulad ng ice cream o chocolate kung sino ang may pinakamagaling na performance.

gamot sa stress

Gamot sa stress ng pamilya | Image from Dreamstime

3. Maging kwela

Ang pagiging masaya ay isang magandang gamot stress na di kinakailangang gumastos. Mabilis nitong napapababa ang depression, anxiety, pain, at anu-ano pang problemang pang-medical. Nakatutulong din ito upang maging mahimbing ang pagpapahinga ng isang bata. Subukang makipagkuwentuhan, makipagbiruan, at makipagtawanan sa inyong mga anak, tiyak na mas madali mo silang makukumbinsing matulog sa gabi.

4. Paminsan-minsang umayaw sa mga imbitasyon sa mga okasyon

Hindi kailangan na lahat ng imbitasyon ay pupuntahan. Paminsan-minsan o kapag alam mong hindi mo kailangang pumunta, umayaw na lang muna sa imbitasyon. Makakaulong rin ito para mas dumami pa ang iyong oras para sa pamilya.

Sa ganitong pagkakataon, may mga pagkain na nakakawala ng stress at maaari niyo itong subukan sa inyong bahay.

Ayon sa ilang research, kapag ang mga magulang na malapit sa kanilang anak, mababa ang tiyansang makararanas ang mga bata ng depresyon at pagkabahala. Ang mga alaalang makukuha nila sa kasama ang mga magulang ang mahirap na makalimutan hanggang pagtanda.

gamot sa stress

Gamot sa stress ng pamilya | Image from Unsplash

5. Gawing katawa-tawa ang iyong sarili

Marahil ito ang pinakamabilis na paraan upang mabuhayan muli. Magsuot ng mga statement T-shirts at proud na irampa ito sa publiko. Hindi dapat masyadong seryoso sa buhay at huwag mabahala sa kung ano ang sasabihin ng ibang tao. Ayon sa ilang pag-aaral, ang masayang mga magulang ay mas mabuting magulang.

6. Humanap ng pagkakaabalahan na gustung-gusto mo

Ang mga taong may mga hobby o may pinagkakaabalahan bukod sa trabaho ay mas masasayang tao. Maghanap ng mga gawain na mas makapaglalapit sa inyo at inyong mga anak. Isa rin itong magandang solusyon upang maging balanse ang buhay sa trabaho at sa pamilya.

Ayon nga sa kasabihan, “Life is like a box of chocolates, but it is also like a glass of water.” May mga pagkakataon na mapupuno tayo dahil sa stress at tila hindi na ito kakayanin. Huwag hayaang maging miserable, agad na tanggalin ang di kaaya-ayang dahilan ng stress sa buhay para mapanatili ang matiwasay na pamumuhay.

Mga pagkain na nakakawala ng stress

Hindi natin maikakaila na ang pagkain ay isang way ng pag-aalis ng stress. Ang pag-kain ng mga paboritong pagkain ay nakakatanggal ng pagod o kung ano mang bumabagabag sa isip. Narito ang ilang stress reliever foods:

  • Dark chocolate
  • Yogurt
  • Carrots
  • Fatty Fish
  • Tea
  • Seaweed
  • Walnuts
  • Blueberry
  • Milk
  • Eggs
  • Pumpkin seeds
  • Banana
  • Avocado

 

SOURCE: Psychology Today

BASAHIN: Gaano ka ka-stressed? Mga paraan kung paano malaman

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Article Stories
app info
get app banner