C-Section Mom Confession: "Hindi ko maramdaman at makontrol ang sarili ko sa pag-ihi at pagdumi."

Preeclampsia story

As a first time mom, hindi ko pa alam kung ano ang experience nang manganganak o kaya makita for the first time ang magiging anak ko.

Parating na ng parating ang araw ng aking due date. Ngunit sa huli ng check up ko sa doktor may napansin siya na hindi tama sa aking pangangatawan at blood pressure.

Hindi inaasahang preeclampsia

Nagmamanas ang aking mga paa at tumaas ng sobra ang blood pressure ko. Preeclampsia na raw ito kaya dali dali niya akong pina-ultrasound para malaman ang kalagayan ni baby sa tiyan. Kapag mataas ang blood pressure ng isang nagbubuntis, maaari makaapekto ito sa baby na nasa sinapupunan.

At ito ang naging findings, masyado daw maliit si baby sa actual gestational age ng pagbubuntis ko. 38 weeks na si baby sa tiyan ko pero ‘yung laki ni baby ay pang 34 weeks lang.

Sobrang nalungkot ako at kinabahan para kay baby. Sinisisi ko rin ang sarili ko dahil hindi ako nag-iingat sa mga kinakain ko kaya hindi lumaki ng maayos si baby sa tiyan ko.

BASAHIN:

YES! I’m Pregnant… OH NO! Its Pandemic!

Becoming a Parent Unexpectedly, the story of Shanina Villegas

Ang kwento sa likod ng aking PCOS baby “Your time will come, magiging mommy ka rin.”

Sa totoo lang ayoko talaga mag-cesarian. Gusto ko maranasan manganak ng normal at maramdaman ang sakit ng panganganak. Gusto ko rin na maka menos sa gastos. Wala pa kami sapat na pera ng aking asawa para sa cesarean delivery. Ngunit wala kaming choice. Kailangan ko na raw ilabas si baby dahil manganganib na ang kaniyang buhay kung magpapatuloy ang pagtaas ng blood pressure ko.

Wala akong choice kung hindi manghiram ng pera sa aking ina. Nahihiya ako sa mama ko pero kailangan kong gawin lahat para sa anak ko.

Isinailalim ako sa cesarean delivery

Kinabukasan, pina-schedule na ako via cs ng OB ko sa isang private hospital. Napakabilis ng pangyayari ng aking labor. Noong tinurukan ako ng anesthesia, nakaramdam ako ng kirot sa likod ko hanggang sa mahilo ako. Hindi ako nakatulog at hindi ko na alam ang nangyayari sa akin. Hindi ko alam na sinisimulan na pala nila ang operasyon.

Ilang saglit may narinig na ako pag iyak ng bata. At nilapit na sa akin ang isang baby. Sabi ko sa sarili ko “Baby ko na ito? Nandito na siya at ang healthy niya. Thank you God.”

Hanggang ako ay nawalan na malay at nakatulog.

Mahirap pala ang CS. Hindi ko maramdaman at makontrol ay sarili ko pag ihi at pagdumi. Pati paa ko hindi ko rin maramdaman. Nahihilo ako. Hindi rin ako pwedeng kumain hanggang ‘di pa nakakadumi.

Grabe higit isang araw na ko hindi kumakain. Dahil sa nakakabit sa akin, hindi ako nakakaramdam ng gutom. ‘Di rin binigay sa amin agad si baby dahil nasa ward ako naka stay. May iba akong kasama doon. Hindi pwede ipadala ang baby sa ward. Kaya ‘yung mga araw namin na nasa ospital kami, formula milk ang iniinom niya.

Breastfeeding

Niresetahan ako ng OB ko ng gamot pampababa ng blood pressure. Dahil riyan, hindi ako makapag-breastfeed kay baby. Lumabas na ‘yung colostrum ko pero hindi ko mabigay kay baby.

Sobrang nalulungkot ako. Kung kailan namang kailangan ni baby ko ang breastmilk ko, hindi ko pa siya mabigyan.

After ng dalawang linggo, naging normal na ulit ang aking blood pressure kaya nabibigyan ko na siya ng breastmilk. Hanggang ngayon ay nag a-adjust pa rin ako sa mga pagbabago sa buhay ko at sa pag aalaga kay baby. Buti na lang kasama ko sa bahay ang aking ina at ang asawa ko para tulungan ako.

Masaya ako para sa aking anak na si Sofia dahil patuloy ang kaniyang pagtaba at nabubuhay ng malusog.

Share your stories with us! Be a contributor theAsianparent Philippines, i-click here