Pwede pa rin bang mabuntis kahit umiinom ng pills?
Mababasa sa artikulong ito:
- Paano ba gumagana ang birth control pills?
- Uri ng mga birth control pills
- Pwede pa rin bang mabuntis kahit umiinom ng pills?
Kahit sa mga mag-asawa, importante ang family planning. At isa sa mga paraan nito ay ang paggamit ng birth control pill. Alam niyo ba na sa tamang pag inom ng pills, nasa 1% lamang ang posibilidad na mabuntis?
Ngunit sa katotohanan, may mga nabubuntis pa din, kahit na umiinom sila ng birth control pill. Paano ito nangyayari? Ibig sabihin ba nito na hindi epektibo ang birth control pill?
Paano ba gumagana ang birth control pill?
Larawan mula sa Freepik
Ang mga birth control pill ay isang uri ng gamot na naglalabas ng mga hormones upang pigilan ang pagbubuntis. Bukod dito, nakakatulong din ang birth control pills para maregulate ang buwanang dalaw, at nakakatulong din para gumanda ang balat.
Hindi pare-parehas lahat ng uri ng birth control pill, ngunit ang pinakamadalas na gamitin at madaling mahanap sa Pilipinas ay ang mga sumusunod:
Uri ng mga Birth Control Pills
Ano nga ba ang nagagawa ng pills sa katawan ng isang babae at paano ito nagpa-function. Upang malaman natin kung pwede pa rin bang mabuntis kahit umiinom ng pills.
Sa paunang ulat ni Irish Manlapaz ibinahagi niya ang tatlong uri ng pills na maaaring gamitin ng mga babae o ina na ayaw munang magbuntis.
Combination pills
Ang unang uri ng birth control pills na ginagamit ng maraming kababaihan dito sa Pilipinas ay ang combination pills. Ito ay ang uri ng pills na nagtataglay ng mga combined hormones na estrogen at progesterone.
Sa pag-inom ng combination pills ay napipigilan nito ang iyong katawan sa pag-oovulate. Nangyayari ito sa pamamagitan ng pagpigil ng pills na mag-release ng egg ang iyong ovaries.
Pinapakapal din nito ang iyong cervical mucus para mahirapan ang sperm na mag-travel sa iyong uterus at makapag-fertilize ng egg.
Pero maliban sa pagpigil ng pagbubuntis, ang mga new generation combination pills sa ngayon ay may naitalang magandang epekto sa mga babaeng gumagamit nito.
Progestin-only pills
Pero para sa mga babaeng nagpapasuso, hindi inirerekumenda ang paggamit ng combination pills. Sapagkat sa ito ay may taglay na estrogen na maaaring makaapekto sa kanilang milk supply.
Ang inirerekumenda para sa kanila ay ang tinatawag na progestin-only pills na safe rin sa kanilang pinapasusong sanggol. Bagama’t hindi tulad ng combination pills ay hindi maganda ang mga naitalang epekto sa babaeng gumagamit nito.
Pagpapaliwanag ni Dr. Dr. Arlene Ricarte Bravo, active consultant OB-Gyne sa Makati Medical Center,
“’Yung pills naman na para sa nag-breastfeed dahil hindi pwedeng ma-receive ng baby ‘yung component na estrogen, so purely progesterone so iyon walang kasamang anti-acne. Minsan may side effect na nag-spotting ka kasi purely progesterone. And then there is some kind of water retention and then the feeling ng umiinom e parang bloated ka.”
BASAHIN:
Iba’t ibang uri ng family planning method at gaano ka-epektibo ang mga ito
How Calendar-based family planning works for women with irregular periods
Kailan maaaring uminom ng pills pagkatapos manganak?
Emergency contraceptive pills
Ang pangatlong uri ng birth control pills ayon pa rin kay Dr. Bravo ay ang tinatawag na emergency contraceptive pills. Hindi tulad ng combination at progestin-only pills, ang emergency contraceptive pills ay iniinom lang matapos makipagtalik.
Subalit dapat ito ay nasa loob lang ng 72-hour window matapos makipag-sex. Sapagkat kung hindi ay hindi na eepekto at maaaring hindi na mapigilan pa ang pagdadalang-tao.
Pero ang pills para hindi mabuntis na ito ay hindi inirerekumendang gamitin dito sa Pilipinas. Ayon kay Dr. Bravo,
“Unang-una by law, hindi tayo pabor sa emergency contraceptive pill ‘yung tinatawag na plan B. So ‘yung plan B is halimbawa hindi ka umiinom ng oral contraceptive pills tapos nagkaroon ka ng unprotected sex.”
“Natatakot ka na baka bigla kang nag-ovulate, bigla kang mabuntis. Syempre iniisip mo mag-take ng emergency contraceptive pills. Iyon ay iniinom sa first 72 hours from the time na nakipagtalik ka. Within that period pwede kang uminom.”
“Ang ginagawa noon may affect siya sa doon sa bahay bata, may effect siya doon sa ovary. Halimbawa ininom mo siya tapos nauna na ‘yung pagme-meet ng sperm saka egg.”
“Ang ginagawa noon ay pinapabagal ‘yung pag-travel ng fertilized egg and sperm pwede kang magkaroon ng ectopic pregnancy, so kung nalate ang pag-inom ng morning after pill ayan ang posibleng mangyari.”
“High dose kasi ito ng progesterone yung Levonorgestrel na component. So single dose is 3 grams. ‘Yung 3 grams mataas ‘yun so ang side effect noon pwede kang magsuka, pwede kang mahilo, headache, mga ganoon. ‘Yung iba pagkatapos uminom ng morning after pill napupunta sa emergency room.”
Basahin ang kabuang ulat ni Irish Manlapaz kung paano ang tamang pag-inom ng pills. I-click dito!
Mga brand at pills na mabibili sa Pilipinas
Ang mga ingredients ng Trust pill ay ethinylestradiol, levonorgestrel, at Fe fumarate. Bukod sa pagiging isang contraceptive, nakaktulong din ito para maibsana ang sintomas ng dysmenorrhea, premenstrual syndrome, at menorrhagia.
Pagdating naman sa mga side effects, ay posibleng magkaroon ng pagkahilo, sakit ng ulo, pagsusuka, at pagbabago sa mood. Ngunit hindi naman lumalabas ang mga sintomas na ito sa lahat ng umiinom ng Trust.
Nordette
Ang Nordette naman ay isang uri ng contraceptive na mayroong active ingredients na ethinyloestradiol at levonorgestrel. Ibig sabihin, kaparehas din ito ng Trust na pill.
Ang Diane pill naman ay may active ingredients na cyproterone acetate at ethinyloestradiol. Ginagamit rin ito upang gamutin ang iba’t ibang hormonal imbalance sa mga babae bukod sa pagiging isang contraceptive.
Nakakatulong rin ito para gumanda ang balat at buhok para sa ilang mga umiinom nito.
Bago uminom ng kahit anong birth control pill, mahalagang magpakonsulta muna sa doktor. Mas mabuti na malaman mo kung anong uri ng pill ang pasok sa pangangailangan mo upang masiguradong walang masamang side-effects galing dito.
Hindi rin mabuti na pagsabayin ang 2 uri ng contraceptive, dahil ito ay makakasama sa kalusugan.
Ang Althea pills ay isa sa kilalang contraceptive pills na ginagamit ng mga kababaihan. Ito ay may taglay na Cyproterone Acetate at Ethinyl Estradiol na hindi lamang para pigilan ang pagbubuntis ngunit para rin controlin ang pagdami ng acne at hirsutism o unwanted hair growth sa katawan.
Pwede pa rin bang mabuntis kahit umiinom ng pills?
YES! May posibilidad na mabuntis ang babaeng umiinom ng pills kung hindi niya masusunod ang tamang pag-inom ng pills.
Mahalaga na inumin araw-araw ang mga birth control pills. Dahil mabilis mawala ang epekto nito, lalo na kung hindi ito inumin sa tamang oras.
Ito ay dahil time-sensitive o limitado lamang ang epekto ng mga birth control pills. Kung iniinom mo ito araw araw pagkatapos mag almusal, kailangan tuloy tulog na ganito ang pag-inom mo kung gusto mo na 99% ang bisa nito.
Kung inumin mo ito ng hapon, o kaya tanghali, posibleng maapektuhan ang bisa ng gamot. Ibig sabihin, may posibilidad na mabuntis ka. Lalong-lalo na kung makalimutan mo ito kahit isang araw lang!
Kaya dapat basahing mabuti ang instructions na kasama ng iyong pills, at siguraduhin na inumin mo ito araw-araw. Kung kinakailangan mo mag alarm o mag set ng reminder sa iyong cellphone, ay gawin mo ito upang siguradong hindi mo makakalimutang uminom ng pills.
Mainam rin na bumili ng dagdag pills para kung sakaling makalimutan mong bumili, o kaya maubusan sa botika. Mabuti na ang may extrang pills na nakatabi kung kinakailangan.
Bukod dito, nirerekomenda din ng mga eksperto na kahit umiinom ka ng birth control pills, ay mayroon kayong mga condom o ibang paraan ng emergency birth control. Ito ay para siguradong hindi ka mabubuntis.
May ilang gamot din tulad ng antibiotics na puwedeng makaapekto sa birth control. Kaya magpakonsulta palagi sa doktor kapag iinom kayo ng bagong gamot habang nasa birth control.
Source:
Women’s Health, WebMD, Healthline
Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
