Lahat naman ng babae ay may natatangging ganda. Suwerte na rin kung ang iyong mapapangasawa ay guwapo rin. Suwerte kayo sa isa’t isa.
Mababasa sa artikulong ito:
- Pag-aaral patungkol sa pagpapayat ni misis
- Ano nga ba ang unhealthy eating problem?
- Paano nga ba nangyayari ang ganitong problema?
Kapag ang asawa ay guwapo, tayo bilang babae ay hindi mapakali at laging nagseselos sa oras na marami ang lumalapit sa kanya o di kaya’y nagpa-follow sa social media. Normal naman ito para sa ating mga tao hindi ba?
Rason ng pagpapapayat ng misis ano nga ba?
Dahil dito’y nababahala tayo sa ating mga itsura. Hindi na ba maganda ang hugis ng ating katawan? Hindi na ba tayo kaakit-akit? Kuntento pa ba tayo? Naku lahat ng mga posibilidad ay pumapasok na sa ating isipan!
Ayon sa pag-aaral ng Florida State University, ang pagkakaroon ng isang kaakit-akit na partner ay nauuwi sa unhealthy eating problems at nakaaapekto rin sa mental health ng mga kababaihan.
Narito ang lahat ng mga rason kung bakit naiisip ng mga kababaihan na hindi sila kaakit-akit kumpara sa kanilang mga mister.
Rason ng pagpapapayat ng misis: Ano nga ba ang unhealthy eating problem?
Rason ng pagpapapayat ng misis. | Larawan mula sa Redaksi
Ayon sa EatingDisorders.org, ang problema sa unhealthy eating ay hindi kaparehas ng mga ibang abnormal na eating disorder.
Kasama sa unhealthy eating disorder ang sobrang pagkain (tulad ng pagnguya), pagiging obsess sa bilang ng calorie (sa kadahilanang nagnanais na mabilis na mabawasan ang timbang), maling paggamit ng mga medication diet at pagpupumilit na magsuka.
BASAHIN:
“Hindi ako LOSYANG—mas inuuna ko lang ang anak ko kaysa sarili ko”
11 home remedies kung paano magpaliit ng tiyan matapos manganak
10 signs na sumosobra na ang pagiging SELOSA mo (at ang dapat gawin kung apano makontrol ito)
Paano nga ba nangyayari ang ganitong problema?
Rason ng pagpapapayat ng misis.
Nagtataka siguro kayo, bakit nagkakaroon ng problema sa nutrisyon ang mga kababaihang ito? Ano nga ba ang kinalaman nito sa pagkakaroon ng guwapong mister?
Ang katotohanan, sa mga kababaihan na may guwapong mister, nagsisimula silang makaramdam ng pagbaba ng kanilang kumpiyansa sa sarili. Kasabay nito ang paglapit nila sa mga matitinding hakbang sa pag-asang mabawasan ang kanilang timbang.
Sa una, magiging sensitibo sila sa kanilang timbang. Pagkatapos, magkakaroon ng pressure na pababain ang calorie intake o ‘di kaya’y mag-overeat at iba pa hanggang sa tuluyan na silang humantong sa pilit na pagsusuka.
Ang problemang ito ay seryoso kaya’t naglabas ng pahayag ang doktor na si Tania Reynolds sa Medical Daily upang mas maintindihan ng husto ang epekto ng relasyon sa mga kababaihan.
Sa pag-aaral ay nakakuha sila ng data mula sa higit 113 na mga bagong kasal na mag-asawa.
Ang mga sagot na natanggap ay talaga namang mali! Hindi katumbas ng payat ang maganda, at ‘di dahil ikaw ay mataba ay nangangahulugan ito ng masama. Binibigyang-diin ng ating lipunan ang paksang ito sa paghuhusga sa mga mabilog na kababaihan o maging kalalakihan.
Pero sila ay perpekto na sa una pa lamang!
Ano ang dapat mong gawin sa oras na makitang ikaw, o ang iyong asawa at maging ang mga kaibigan ay nakararanas ng unhealthy eating problem?
If you suspect your wife or good friend is suffering from this unhealthy eating problem – the important thing you need to know: it can affect the victim physically and mentally.
Maging maingat sa pagharap sa isyung ito. Bigyang-diin ang kahulugan ng kagandahan at ang importansya nito para sa iyo. Iparamdam na sila ay mahalaga.
Sa huli, ang kagandahan ay hindi lamang nagmumula sa panlabas na kaanyuan! Maging mapagmahal at maalagang mister na hindi magsasawang purihin si misis.
Sa alternatibong paraan, maaari ding dalhin ang iyong asawa sa isang espesyalista para sa dagdag na tulong. Hindi lamang nakaaapekto ang unhealthy eating sa mental development kundi maging sa pisikal na kalusugan din.
Sa tulong ng mga eksperto, siguradong isang araw ay maaayos din ang problemang ito. Ikaw na misis, kung dumaranas sa problemang ito, i-tag kaagad si mister rito para masabing kailangan niyong masolusyunan ang problemang iyo.
Hanggang sa susunod sa ating mga sweet couple!
At sa lahat ng mga magulang. Mag-iingat kayo!
Isinalin sa wikang Filipino ni Charlen Mae Isip na may pahintulot sa theAsianparent Malaysia
Source:
Medical Daily, Psychology Today, EatingDisorders.org
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
Press Releases
Rewards
VIP Parents
