Regine Velasquez hindi napigilang sumagot sa isang netizen na nanghimasok sa pagsasama nila ng mister na si Ogie Alcasid.
Mababasa dito ang mga sumusunod:
- Sagot ni Regine Velasquez sa netizen na nagmamarunong sa relasyon nila ni Ogie Alcasid.
- Pagsasama ni Regine Velasquez at Ogie Alcasid.
Sagot ni Regine Velasquez sa netizen na nagmamarunong sa relasyon nila ni Ogie Alcasid
Larawan mula sa Facebook account ni Ogie Alcasid
Nitong Miyerkules ay naging usap-usapan sa social media ang pagkatumba ni Asia’s songbird Regine Velasquez habang nag-peperform sa birthday ng ama ng TV host na si Jhong Hilario.
Ang Asia’s songbird ibinahagi ang video clip ng kaniyang pagkatumba sa Instagram. Ito ang caption niya sa naranasang aksidente.
“It’s a good thing God has blessed me with a great sense of humour.#sigepagtawanannyonaako. I guess what I’m trying to say here is that when you fall down, tay0 agad teh!”
Ito ang natatawang pahayag ni Regine sa naging karanasan.
Sa video ay maririnig rin siyang may sinasabi na kahit anumang sikat niya ay hindi lalaki ang ulo niya dahil laging may mga bloopers siyang nararanasan tulad nalang ng kaniyang pagkatumba.
View this post on Instagram
Maliban kay Regine ay nag-post din ang mister niyang si Ogie Alcasid tungkol sa naranasan niyang light accident. Ayon kay Ogie ay safe naman si Regine mula sa naranasang light na aksidente.
“Ty lord!!! Glad wifey is safe. She lost her balance while we were doing a spiel during a performance for the bday of the Father of @jhongsample. She is ok and safe.”
Ito ang post ni Ogie sa Twitter tungkol sa naranasang light accident ng misis.
Marami sa mga netizens at fans ni Ogie at Regine ang nagpasalamat sa update na ito ng singer. Pero may isang netizen ang tila hindi natuwa at sinabing pinabayaan ni Ogie ang misis niyang si Regine na matumba.
“If he acted faster, he could’ve caught her before she fell into the ground. He could’ve dropped the things he was holding, and rushed to her.”
Ito ang bahagi ng pahayag ng galit na netizen tungkol sa pagkatumba ni Regine.
Si Regine, hindi natuwa sa komento na ito ng netizen sa post ng kaniyang mister na si Ogie. Bagamat nag-alala daw ito sa kalagayan niya, hirit niya ay walang kasalanan ang mister sa kaniyang pagkakatumba.
“Wait ano ba akala mo sa asawa ko si SpiderMan? Everything happened so fast at pano niya ma-anticipate na mahuhulog ako eh [nakatayo] lang naman ako.”
“You guys have to STOP blaming him and yes YOU are blaming him.”
Ito ang bungad na pahayag ni Regine sa sagot niya sa netizen na sinisisi si Ogie Alcasid sa naranasan niyang aksidente.
Pagpapatuloy pa ng singer, dapat itigil na ng mga nagsasabing nag-mamalasakit sa kaniya ang tila paghiling na maghiwalay na sila ng asawang si Ogie. Dahil sabi pa ng singer nakakapagod na. Kaya naman ang aksyon ni Regine sa nanghihimasok na netizen ay ang i-block nalang ito.
“By the way [nakakapagod] na yung mga taong nagpapanggap na ‘we care about her’ and yet continues to wish my relationship with MY HUSBAND to fail, I don’t understand anymore. Well I guess block, block na lang ako.”
Ito ang sabi pa ni Regine.
Pagsasama nina Regine at Ogie
Larawan mula sa Faceboook account ni Ogie Alcasid
Naging usap-usapan nitong Hulyo na may problema sa pagsasama nina Regine Velasquez at Ogie Alcasid.
Si Ogie Alcasid agad na tinuldukan ang isyu na may problema sa pagsasama nila ng Asia’s songbird at misis niyang si Regine Velasquez. Sa kaniyang Twitter account ay diretsahang sinagot ni Ogie ang mga usap-usapan ng mga netizens ukol sa kanilang pagsasama ni Regine.
Sabi ni Ogie Alcasid, in love na in love pa rin sila ng kaniyang wife sa isa’t isa at walang araw na nabawasan daw ang pag-ibig sa bawat isa na kanilang nadarama.
“I have read some tweets about my wife and I having marital problems. For the record, wifey and I are so much in love and there has not been a day where that love has for each has ever diminished.”
Ito ang sabi ni Ogie sa kaniyang Twitter account.
Dagdag niya pang mensahe sa mga bitter sa masayang pagsasama nila ni Regine ay ito.
“Guys, I wish you would really experience great love. It truly is a blessing,” sabi pa ni Ogie.
Sa isa pang IG post ni Ogie noong siya ay magka-COVID ay ibinahagi niya kung gaano siya ka-proud sa misis na si Regine Velasquez. Makikita sa larawan na ibinahagi ni Ogie na si Regine natutulog sa sala. Sabi ni Ogie ito ang sakripisyong ginawa ng misis noong siya ay naka-isolate matapos magpositibo sa sakit na COVID-19.
Sabi pa niya, ang kaniyang misis ang nagpumilit na doon ito matulog para maalagaan rin ang nag-iisang anak nilang si Nate.
Larawan mula sa Faceboook account ni Ogie Alcasid
“Flex ko lang ang asawa ko. While I was in isolation, she stayed here in the living room despite having no real space to herself. Sabi ko, diyan na lang ako but she insisted to stay here because she had to take care of Nate too.”
Ito ang pahayag ni Ogie na sinundan pa ng pagbibida niya dito na tinawag niyang super mom at wife.
“Ganyan siya kasimple at ka maalagain. Super Mom and Super Wife. Salamat mahal”, sabi pa ni Ogie.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
