Isang retired soldier binaril sa QC. Ano nga ba ang buong pangyayari at bakit kinailangang barilin ang kinilalang biktima na si Winston Ragos?
Retired soldier binaril sa QC
Si Winston Ragos ay isang retired soldier na nagserbisyo ng mahigit sampung taon. Siya pa nga ay kabilang sa mga lumaban noong giyera sa Marawi ngunit na-dismiss pagkatapos dahil sa war shock.
Marami ang mga naka-deploy na pulis at militar sa mga checkpoints ngayon sa iba’t ibang lugar dahil mas pinaiigting ang pagpapatupad ng Enhanced Community Quarantine. Ito ay dahil sa patuloy pa ring pagtaas ng kaso ng COVID-19 sa bansa.
Kaya naman sa video na kung saan nakita si Ragos na tumatawid, agad siyang sinundan ng mga pulis at tinutukan ng baril. Ayon sa police report, nanghamon umano si Ragos at tangkang bubunot sa kanyang bag ng baril. Naitala rin sa report na mayroong nakitang hand gun sa sling bag niya.
Giit naman ng mga saksi, walang baril na dala si Ragos. Ilang beses pa nga raw nilang sinabihan ang mga pulis na mayroon lang itong sakit sa pag-iisip kaya tila nanghahamon.
Criminal probe para sa pulis
Image from Freepik
Under probation naman ngayon si Police Master Sergeant Daniel Florendo Jr. dahil sa pagbaril nito sa quarantine violator. Depensa naman ng kanyang hepe, judgment call ni Florendo ang nangyari. Ilang beses din daw kasi nila itong sinabihang dumapa, ngunit hindi siya sumunod at nagtangka pa ngang manlaban.
Dinala pa sa Commonwealth Hospital si Winston matapos mabaril, ngunit namatay din ito. Hindi naman makapaniwala ang ina ni Winston Ragos sa nangyari. Aniya, sana man lang ay binaril na lamang sa parte ng katawan na hindi niya ikamamatay kung talagang hindi siya matinag.
Patuloy naman ang imbestigasyon sa nangyari, pero pansamantalang inilipat muna si Florendo sa ibang lugar.
New quarantine protocol
Image from Freepik
Samantala, kinumpirma naman ng AFP ang memo na nagsasabing magkakaroon ng martial law-type quarantine sa Luzon. Ang ibig sabihin nito ay tutulungan ng mga militar ang mga pulis na magpatupad ng lockdown protocol. Bagama’t na-leak lamang ang military memo na ito, inamin naman ni Defense Secretary Delfin Lorenzana na maaring mangyari ito.
Isa sa mga puwedeng mangyari sakaling matuloy ito ay mang-aaresto na ng mga lalabag sa quarantine ang kapulisan. Hindi na rin umano mag-i-issue ng warning para sa mga lalabag.
“Siguro dapat magpakita ang publiko na magbehave sila para hindi ito matuloy. Kung ito matutuloy it will be the full implementation of the law. Wala na tayong warning, diretso na tayo sa aresto,” pahayag ni PNP chief Gen. Archie Gamboa.
Kasabay ng mga ito, naghahanda pa ang gobyerno ng ilang intervention measures para patuloy na mapigilan ang pagkalat ng COVID-19.
Kasama na rin nga diyan ay ang pagdedesisyon kung kailangan bang i-extend ang ECQ sa buong Luzon.
Ano ang ibig sabihin ng ECQ o Enhanced Community Quarantine?
Ang Enhanced Community Quarantine ay nararanasan ng buong Luzon simula noon pang March. Under ECQ, bawal umabas ang mga sumusunod:
- Below 21 years old
- 60 years old and above
- Mga buntis
- Mga taong may malubang sakit o iba pang health issue katulad ng liver disease, asthma, heart disease, high blood
Maaari lang lumabas ang iba kapag bibili ng grocery o gamot kasama na ang paggawa ng iba pang essential sevices.
Nananatili namang nakabukas ang mga grocery, pharmacy, bangko, at ospital. Available rin para sa delivery ang mga pagkain, gamot, essential goods, veterinary supplies, school supplies, clothes, accessories, housewares at hardware.
Image from Freepik
Ano naman ang GCQ o General Community Quarantine?
Anong ibig sabihin ng General Community Quarantine?
Para naman sa mga lugar na nasa ilalim ng General Community Quarantine, narito ang mga dapat at mahalagang tandaan:
Under GCQ, bawal umabas ang mga sumusunod:
- Below 21 years old
- 60 years old and above
- Mga buntis
- Mga taong may malubang sakit o iba pang health issue katulad ng liver disease, asthma, heart disease, high blood
Maaari lang lumabas ang iba kapag bibili ng grocery o gamot kasama na ang paggawa ng iba pang essential sevices. Magpapatuloy na rin ang full operation ng mga government offices sa ilalim ng General Community Quarantine.
Magbubukas na rin ang mga mall at shopping center ngunit mananatiling nakasarado ang mga leisure establishments. Ang mga papasok na tao sa mall ay limited capacity lamang. Hindi rin mawawala ang pagtingin ng temperature sa kanila at proper sanitizing.
Source:
GMA News, Rappler, CNN
Basahin:
ECQ hanggang August, makakatulong sa hindi pagkalat ng COVID-19
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
