Roxanne Barcelo introduces husband Jiggs and says he’s worth the wait.
Mababasa sa artikulong ito:
- Roxanne Barcelo finally shows face of her husband.
- Roxanne Barcelo and husband Jiggs love story
Actress Roxanne Barcelo and husband Jiggs
Kahapon ay ipinakilala at ipinakita na ng aktres at singer na si Roxanne Barcelo ang mister niya sa publiko. Ito ay ginawa ni Roxanne sa pamamagitan ng kaniyang Instagram account na kung saan nagbahagi ng mensahe ang aktres para sa kaniyang mister.
Image from Roxanne Barcelo’s Instagram account
Sa caption ng kaniyang Instagram post ay sinabi ni Roxanne na isang honor ang maging misis ng mister niyang nagngangalang Jiggs. Ang pagdating umano nito sa buhay niya ay ang katuparan ng pinagdasal niya.
Worth it daw ang ginawa niyang paghihintay sa pagdating nito. Pinasalamatan niya rin ito sa pag-aalaga at pagmamahal na ibinigay nito sa kaniya at sa anak nilang si baby Cinco.
“When I prayed for happiness, the heavens blessed me with true joy and love. You are worth the wait.”
“It is my honor and privilege to be your wife, Jiggs. I am forever grateful for the day you asked me to start a family with you. Thank you for your unconditional love. I love and adore you and @dababycinco with all that I am.”
Ito ang nasabi ni Roxanne sa mister na unang beses niyang ipinakita ang mukha sa publiko.
Roxanne Barcelo and husband love story
View this post on Instagram
Disyembre 25, araw ng Pasko noong nakaraang taon ng ipinaalam ni Roxanne sa publiko na siya ay ikinasal na. Ito ay ginawa ng aktres sa pamamagitan ng pagbabahagi ng aktres na larawan niya at kaniyang mister sa kanilang kasal.
Ngunit sa larawan ay nakatalikod sa camera ang mister niya at hindi nakikita ang mukha. Sa caption ng post ni Roxanne ay sinabi niyang ito daw ang best gift na ibinigay sa kaniya ng Diyos.
“My Creator’s best gift ever,” sabi ni Roxanne.
Nitong Nobyembre, sa kanilang 2nd wedding anniversary ay bahagyang ipinasilip ni Roxanne ang mukha ng mister. Habang karga nito ang anak nilang si Baby Cinco na ipinanganak ng aktres nito lamang Hunyo.
Muli sa kaniyang IG post ay may very sweet na mensahe si Roxanne sa mister.
“Happy Anniversary, aking Mahal. Thank you for the best two years of my life. You are so worth the wait. Wǒ ài nǐ.🐼”
Ito ang sabi ni Roxanne.
BASAHIN:
LOOK! Nanganak na ang actress na si Roxanne Barcelo
Rica Peralejo: “Sa dami ng saya at issues ng isang pamilya, talagang dapat one is enough na pala.”
Iwa Moto on step-son Thirdy: “Mula bata siya tuwing may injection, lagi niyang hinahawakan ang kamay ko”
Image from Roxanne Barcelo’s Instagram account
Samantala, sa isang panayam sa programang Magandang Buhay ay ikinuwento ni Roxanne kung paano niya nakilala ang mister na si Jiggs.
Kuwento niya, dumating daw ito sa kaniyang buhay noong mga panahong nais niya na muna sanang tumigil sa pakikipagrelasyon. Ito ay matapos ang traumatic breakup nila ng boyfriend for 4 years niyang si Will Devaughn noong 2017.
“Sobrang iba sa lahat ng pinagdaanan ko. I never felt this much joy, this much contentment. Sigruo ngayon nahihiya ako na i-share ng i-share pero I want to enjoy and share this hope kasi alam naman ng ibang tao ang pinagdaanan ko especially the year before I met my husband.”
Nang dumating umano sa buhay niya ang mister na si Jiggs ay marami ang nagbago. At nakaramdam siya ng contentment at saya na hindi niya pa noon nadama.
“I was able to rediscover happiness in a different way. I am a so amazed on how our creator works in mysterious ways.
Kung kelan hindi ko na iniiisip, kung kelan sabi ko ayoko na munang ma-inlove, I will just focus on myself that’s the time I met him.”
Ito ang kuwento pa ni Roxanne tungkol sa mister na si Jiggs sa nasabing panayam.
Image from Roxanne Barcelo’s Instagram account
Mas minabuti ni Roxanne na hindi agad na ipakilala ang mister sa publiko dahil sa pagnanais na manatiling pribado ang buhay nila.
Pero sa kasiyahan ngayon na nadarama lalo pa’t sila ay may anak na ay hindi na napigilan pa ng aktres na ipakita sa buong mundo ang masaya niyang buhay sa ngayon.
Sa mga post ni Roxanne tungkol sa kaniyang mister at anak ay hindi nawawala ang panda icon. Ito ay dahil ayon kay Roxanne, ang panda ay may mahalagang papel sa relasyon nilang mag-asawa.
Dahil para ipakita sa kaniya ng mister ang kagustuhan nitong bumuo ng pamilya kasama siya ay ibinigay daw nito sa kaniya ang isang panda doll na pinagmamay-ari nito mula noong siya ay bata pa.
Source:
Instagram
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
