Kamakailan lang ay nagviral sa social media ang isang insidente na ikinamatay ng 19 na buwang gulang na sanggol. Ayon sa ulat, nakasakay daw sa motor ang lola at ina ng sanggol, at dahil sa isang malagim na aksidente, hindi sinasadyang mapugutan ng ulo ang sanggol sa motorsiklo.
Sanggol sa motorsiklo, napugutan ng ulo
Galing daw sa clinic ang mag-iina, at hawak-hawak ng ina ang sanggol sa kaniyang mga kamay. Pauwi na raw sila sa kanilang tahanan nang mangyari ang insidente.
Nakabalot raw ng malong ang sanggol upang hindi ito maarawan, ngunit hindi nila napansin na nahagip ito ng gulong ng sinasakyang motor. Dahil dito, nahila ang sanggol, at napugutan ito ng ulo nang mahulog.
Ayon sa pulisya, hindi raw nila agad nakausap ng maayos ang maglola dahil nabigla sila sa nangyari. Sinabi rin ng ilang witness na napugutan daw agad ng ulo ang sanggol. Wala na ring nagawa ang mag-ina upang sagipin ang bata.
Dahil sa nangyari, posibleng kasuhan ng reckless imprudence resulting in homicide ang ina at ang lola ng bata.
Ito na raw ang pangalawang trahedya na kinaharap ng pamilya. Dahil noong 2016 ay namatay ang panganay na anak ng ina dahil matapos malunod sa isang ilog.
Hindi dapat nagsasakay ng sanggol sa motorsiklo
Mahalagang palaging mag-ingat ang mga magulang kapag kasabay nila sa sasakyan ang kanilang mga anak. Lalong-lalo na kung nakasakay sila sa motorsiklo.
Ngunit ayon sa batas, hinding-hindi dapat isinasakay ang mga maliliit na bata sa motorsiklo. Ito ay dahil sila ang pinakaposibleng mapahamak kung sakaling magkaroon ng aksidente sa motor.
Kapag hindi pa kayang abutin ng bata ang apakan sa motor, ay hinding-hindi dapat sila pinapasakay. Kahit na hawak pa sila ng nakatatanda.
Lalong-lalo nang hindi dapat pasakayin ang mga sanggol sa motorsiklo, dahil kahit mahulog lang sila sa motor ay matinding pinsala na ang puwedeng mangyari. Kung maaari, isakay sa kotse, o sa ibang mas ligtas na sasakyan ang mga sanggol kung kinakailangang bumiyahe.
Importante rin na mag-ingat ang mga nagmamaneho ng motor, at siguraduhing walang kahit anong puwedeng sumabit o mahila sa gulong ng motor. Ugaliin ding magsuot ng helmet, at huwag masyadong mabilis magpatakbo upang mapanatili ang kaligtasan ng driver at ng pasahero.
Sana ay magsilbing aral ito sa mga magulang na mag-ingat palagi kapag nagmomotor.
Source: Express
Basahin: 6-buwan gulang na sanggol, patay matapos matapakan ang ulo
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Pandemya ng COVID-19
TAP Picks
Shopping
Rewards
VIP Parents
