Sciatica sa buntis: Sanhi, sintomas, at lunas

Sciatica sa buntis: Sanhi, sintomas, at lunas

Alam mo ba kung bakit madalas masakit ang hita ng buntis? Basahin ang mga sintomas ng sciatica sa buntis at kung ano ang maaaring gawin upang maibsan ito.

Ang sciatica ay kilala rin sa tawag na lumbosacral radicular syndrome. Ito ay dulot ng pagkairita sa iyong sciativ nerve na matatagpuan mula sa iyong lumbar o lower spine hanggang sa iyong hita. Ang sciatica ay pananakit ng puwet at balakang na bumababa hanggang hita. Maraming sanhi ang sciatica, at maaari ring mangyari ang sciatica sa buntis. Ito ang isa sa mga dahilan kung bakit masakit ang hita ng buntis.

Sanhi ng sciatica sa buntis

Ang sciatic pain ay kadalasang dulot ng lumbar spine problems, gaya ng bulged o herniated disc. Maaari din itong mangyari dahil sa pagbabago sa buto, gaya ng osteoarthritis o degenerative disc disease, pagnipis ng spine o stenosis, o isa pang kondisyon sa spine na tinatawag na spondylolisthesis. Ang mga ganitong kondisyon ay naglalagay ng pressure sa sciatic nerve, na nagreresulta sa sintomas.

Ang sciatica dulot ng herniated disc kung buntis ay madalang. Ngunit malimit ang sciatic-like symptoms sa pananakit ng lower back sa pagbubuntis. Katunayan, nasa pagitan ng 50 at 80 porsiyento ng mga babaeng buntis ay nakararanas ng back pain. Ang sciatic pain din ay bumababa kaya may mga pagkakataong masakit ang hita ng buntis.

Ang mga sintomas ng sciatica ay puwede ring dahil sa muscle tension at unstable joints.

Ang pagsakit ng iyong pelvic bone, sacroiliac (SI) joint problems, at ang kondisyong tinatawag na piriformis syndrome (problema sa isa sa mga muscles sa pwet), ay maaaring magdulot ng sciatica sa buntis.

Ito ay dahil sa karagdagang hormones mula sa iyong pagbubuntis tulad ng relaxin, na dahilan upang ang iyong mga litid—na siyang nagdurugtong sa iyong buto at kasu-kasuan—ay nababatak at lumuluwag, lalo na sa iyong pelvic area.

Ang timbang ni baby sa loob ng iyong tiyan ay maaari ring makadagdag sa SI joint trouble o priiformis sundrome dahil naglalagay ito ng karagdagang pressure sa iyong pelvis at hip joints. Kung minsan, ang posisyon ni baby ay nakakadagdag sin sa pressure ng iyong sciatic nerve.

Sintomas ng sciatica sa buntis

Kabilang sa mga sintomas ng sciatic pain habang buntis ang:

  • Madalas o palagiang sakit sa isang parte ng iyong puwet to binti.
  • Masakit ang puwet, masakit ang hita, hanggang sa paa. Ito ay daanan ng sciatic nerve path.
  • Kung ang sakit ay sharp, shooting, o burning.
  • Pamamanhid, parang tinutusok ng karayom, o panghihinga sa apektadong binti o paa.
  • Hirap sa paglalakad, pagtayo, o pag-upo.

Kumonsulta sa iyong doktor tungkol sa sakit na iyong nararamdaman.

Paraan upang malunasan ang sakit ng sciatica sa buntis

Kabilang sa lunas para sa sciatica sa buntis ay masahe, chiropractic care, at physical therapy.

Maaari ding mag-stretching upang mabatak ang muscles sa iyong binti, puwet, at balakang upang mabawasan ang pressure sa iyong sciatic nerve.

Nakakatulong din sa iba ang nonweight-bearing activities tulad ng swimming, ito ay dahil nakakatulong ang tubig sa pagsuporta kay baby.

Malaki ang maitutulong ng stretching upang maibsan ang pananakit dulot ng sciatica sa buntis dahil nababawasan nito ang muscle tension at dinaragdagan ang paggalaw sa balakang, lower back, at binti.

Ang sciatic pain ay maaaring lumala kung ikaw ay laging nakaupo o nakatayo nang matagal, kaya siguraduhing magbago ng posisyon sa sa kabuuuan ng araw, sa bahay man o opisina.

Pakiramdaman din ang iyong katawan, at ihinto ang mga gawain na nagpapalala sa pananakit.

Laging kumonsulta sa iyong doktore bago simulan ang anumang ehersisyo. Kung makaranas ng sintomas gaya ng pananakit ng ulo, pagkahilo, o pagdurugo, ihinto agad ang pag-eehersisyo at humingi ng tulong.  

 

Source: Healthline

Basahin: Bakit sumasakit ang balakang ng buntis?

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner