Isa siguro sa mga tanong na mahirap sagutin ay kung ano ang lasa ng tamod o semilya. Ito ay una, hindi naman lahat ng mga babae ay gustong bigyan ng oral sex ang kanilang asawa. Minsan naman ay hindi na ito namamalayan.
Pero alam niyo rin ba na ang lasa ng tamod o semilya ay may kinalaman din sa kalusugan ng isang lalake? Isa rin itong paraan upang malaman kung mayroong reproductive problems ang isang lalake.
Ano ba ang dapat na lasa ng tamod o semilya?
Posibleng maging iba-iba ang lasa ng tamod. Ito ay dahil maraming iba't-ibang mga chemical compounds ang nakahalo dito, at nababago rin ito depende sa kinakain ng isang lalake.
Ngunit ang madalas na lasa nito ay mayroong kaunting alat, at mainit. Pagdating naman sa pagkain, iba iba ang magiging epekto nito sa lasa ng semen.
Ang mga sumusunod na mga pagkain ay posibleng magbigay ng mapait na lasa at kakaibang amoy sa tamod:
- bawang
- sibuyas
- broccoli
- cabbage
- mga dahong gulay
- asparagus
- karne at gatas
Ang mga pagkain namang ito ay sinasabing nakakatulong raw upang maging mas "masarap" ang lasa nito:
- pinya
- celery
- parsley
- wheatgrass
- cinammon
- nutmeg
- papaya
- orange
Ngunit hindi naman nito ibig sabihin na kapag kumain ang isang lalake ng maraming papaya ay magiging lasang papaya ang tamod niya. Nakakatulong lang ang ganitong mga pagkain upang mabawasan ang hindi kaaya-ayang lasa ng semilya.
Hindi mabuti sa lasa ng tamod ang alak at paninigarilyo
Kung ang isang lalaki ay madalas na uminom ng alak, o kaya ay naninigarilyo, siguradong may epekto rin ito sa lasa ng kaniyang tamod.
Posible raw magbigay ng mapait o maasim na lasa ang beer sa sperm ng isang lalake. Ang mga hard drinks naman ay puwedeng magkaroon ng mas matinding epekto sa lasa, kaya mas mapait pa raw ang magiging lasa kumpara sa beer.
Ang paninigarilyo naman ay nakakadagdag raw ng pait, asim, at magiging mas matapang o mabaho ang amoy nito.
Bukod dito, may epekto rin ang paninigarilyo at alak sa quality at kalusugan ng semilya, kaya't mabuting umiwas sa mga ganitong bisyo upang malusog palagi ang sperm.
Nakakatulong ang proper hygiene sa lasa ng sperm
Ang pagiging malinis rin ay may malaking naitutulong sa lasa ng tamod. Mahalagang panatiliing malinis ang genital area, at sabunin ito ng maigi upang makaiwas sa mga impeksyon at kung anu-anong bacteria.
Nakakatulong rin ang pag-trim o pagbawas ng pubic hair dahil pinamumugaran rin ito ng mga bacteria na posibleng magbigay ng masamang amoy o lasa sa sperm.
Mahalaga rin ang pagiging malusog at ang pag-ehersisyo upang manatiling malusog at malakas ang sperm.
Tandaan, kapag mas malusog ang sperm, ay mas fertile rin ang isang lalaki. Kaya't kung gusto ninyong magkaroon ng anak ng iyong asawa, mahalaga ang pagkakaroon ng malusog na sperm, pati na rin malusog na pangangatawan.
Source: Healthline
Basahin: Here’s how to know if your partner’s sperm is healthy just by LOOKING at it
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
