Paano magpalit mula maiden to married name sa mga government ID?

Narito ang mga kailangan gawin para sa change name at status requirements ng iba't iba government IDs katulad ng SSS, passport, Philhealth, at Pag-ibig.

Ang pagpapalit ng apelyido pagkatapos ikasal ay isa sa mga ginagawa ng mga babae, bagamat hindi ito legally required (maaaring gamitin pa rin ang maiden name sa mga dokumento). Ngunit kung ito ay napag-usapan na ninyo ng iyong asawa at nais mong gawin ito, narito ang mga kailangang gawin para sa SSS change status requirements at sa iba pang government IDs tulad ng passport, Philhealth, at Pag-ibig. Isinama na rin namin ang pagpapalit ng bank records.

Change status requirements sa SSS, PagIBIG, Philhealth at passport

Ang pangunahing requirement upang makapagpalit ng status at apelyido sa iyong government IDs ay ang marriage certificate mula sa PSA o Philippine Statistics Authority. Ito ay magiging available mula 6 na buwan hanggang 1 taon matapos ang inyong kasal, ngunit maaari mo itong ma-expedite at makuha in one month sa pamamagitan ng electronic endorsement request.

Larawan kuha ng prostooleh mula sa Freepik

SSS change status requirements

Paano nga ba mag change ng status sa sss mula sa maiden name patungo sa married name? Kung ikaw ay ikinasal na at nais nang gamitin ang apelyido ni mister narito ang iyong dapat gawin sa sss change status requirements.

Requirements: How to change status in sss?

Kung ang tanong mo rin ay ‘how to change status in sss’ at ikaw ay employed, maaaring lumapit sa inyong HR team ukol sa pag proseso ng pagpapalit ng iyong marital status at pangalan sa SSS. Sila ang mag-aasikaso nito. Hihingian ka lamang nila ng ano mang sss change status requirements na kakailanganin tulad ng mga sumusunod:

requirements for sss change status from single to married

Marriage certificate
Member’s Data Change Request (SS Form E-4)
UMID card o 2 valid IDs
Authorization letter para sa iyong employer na siyang magha-handle ng requirements for sss change status from single to married.

SSS change status requirements

Narito ang gabay sa sss change status:

Ipaalam sa iyong employer na nais mong i-update ang iyong SSS status mula sa pagiging single patungo sa pagiging married o kasal.
I-sumite ang mga nabanggit na sss change status requirements sa inyong HR department.
Mag-follow up occassionally sa estado ng change status process.
Kung ikaw naman ay unemployed, pumunta sa pinakamalapit na SSS branch at i-submit ang mga nabanggit na requirements. Gagabayan ka ng customer service personnel sa pagpapalit ng iyong pangalan at iba pang detalye.

Larawan kuha ng freepic.diller mula sa Freepik

How to change status in sss online?

Tama, pwede nang palitan palitan ang iyong pangalan mula maiden name to married name at ang iyong marital status mula single to married sa SSS member portal online!

Magtungo lamang sa official SSS website at i-click ang “MEMBER” sa list ng portals.
Mag-log in sa iyong account at piliin ang E-SERVICES mula sa main menu at i-click ang “Request for Member Data Change”
I-click ang member data na kailangan mong palitan at i-fill out ang iba pang kailangang fields. I-upload din dito ang mga requirements na nabanggit sa itaas.
I-note at itabi ang iyong transaction number at maghintay ng email mula sa SSS.

Philhealth

Madali lang magpalit ng apilyido para sa Philhealth ID, kaya maaaring ito ang unahin dahil ang ibang kagawaran ay humihingi ng ID na mayroong married name. Dalhin ang requirements sa pinakamalapit na Philhealth office. Maaari itong matapos ng kalahating araw, ngunit maging maaga.

Marriage Certificate (original at photocopy)
Valid government ID
Printed at filled out Philhealth Member Registration Form

PAG-IBIG

Maaari itong matapos ng kalahating araw, ngunit maging maaga. Dalhin ang requirements sa pinakamalapit na Pag-Ibig branch.

Marriage Certificate (original at photocopy)
Valid government ID
Printed at filled out Member’s Change of Information Form

Driver’s License

Maaari itong matapos ng isa o kalahating araw depende sa LTO branch—kailangan LTO branch talaga at hindi satellite office (‘yong mga nasa mall). Maging maaga.

Marriage Certificate (original at photocopy)
Lumang driver’s license
Valid government ID
Printed at filled out Application Form
Medical certificate mula sa LTO-licensed physician

Larawan kuha ni senivpetro mula sa Freepik

Passport

Kailangan ang personal appearance sa inyong application. Siguraduhing mayroong confirmed online appointment bago magtungo sa anumang DFA branch. Hindi kailangan ng appointment kung buntis o kung kasamang mag-apply ang iyong baby.

Lumang passport at photocopy ng data page
Marriage Certificate (original at photocopy)
Birth Certificate (original at photocopy)
Confirmed online appointment. Mag-book dito.
Application Form
Additional requirements kung applicable. Narito ang listahan.

Postal ID

Makukuha ito pagkatapos ng 15 araw. Wala silang rush processing.

Marriage Certificate (original at photocopy)
Birth Certificate (original at photocopy) or 2 valid ID
Barangay Clearance or proof of billing/NBI Clearance/Police Clearance

Bank records

Maaari itong matapos ng isa o kalahating araw, depende sa dami ng tao sa inyong branch. (Maaaring humingi pa ng karagdagang requirements ang bangko mo kaya siguraduhing magtanong sa inyong branch na pinagbuksan ng account.)

Marriage Certificate (original)
Isang ID na may married name

Updates by Jobelle Macayan

Nuptials.ph, SSS

Basahin: Paano kuhaan ng passport si baby

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Romy Peña Cruz

Maging Contributor

Inedit ni:

Jobelle Macayan

FilipinoPhilHealthssspassport changestatus single to marriedchange surname IDpag-ibigdriver's licensedfa

Inirekumendang kwento