Bilang isang ina nasasaktan talaga tayo kapag may sinasabing hindi maganda sa ating mga anak. Isa na dyan ang aktres na si Sylvia Sanchez. Hindi na lingid sa ating kaalaman ang mga pamba-bash na natatanggap ng kaniyang pamilya lalo na ang anak na si Arjo Atayde.
Mga mababasa sa artikulong ito
- Sylvia Sanchez sa mga bashers ng mga anak at pamilya nila
- Kagustuhang magkaroon ni Sylvia
Sylvia Sanchez sa mga basher ng mga anak at pamilya nila
Sa isang panayam ni Ogie Diaz kay Sylvia Sanchez, ibinahagi niya ang mga pinagdaanan niya noon sa mga pamba-bash sa kanilang pamilya noon.
Sinasabi kasi noon ng mga bashers sa kanila noon ay ginagamit umano nila si Maine Mendoza na karelasyon ni Arjo para sa kanilang career. Matatandaang si Maine Mendoza ay sumikat sa love team nila noon ni Alden Richards na ‘AlDub’ na marami talaga ang fans.
Pahayag ni Sylvia tungkol rito,
“Wala naman kaming pakielam kung sikat kami o hindi, basta ang mahalaga ay may trabaho kami. Iyong nakakatawa lang sinasabi nila na wala raw career si Arjo, wala raw akong career.”
Nagkwento rin ang aktres sa naging reaksyon ni Maine sa mga pamba-bash sa kanila,
“Sa totoo lang hiyang-hiya si Maine. Sabi niya, ‘Tita I’m sorry’, kasi iyon nga sinasabi ginagamit (namin si Maine). Kasi raw ang habol namin kay Maine ay ‘yong milyon niya, ‘yong pera niya.”
Kwento pa ng aktres, natatawa sila kasi alam naman nila ‘yong totoo. Okay lang naman sa kanila kasi alam ni Maine ang katotohanan. Sabi pa niya kay Maine na,
“Maine, hindi ikaw ‘yong namba-bash, hindi ikaw ang naninira.” pahayag ng aktres.
Nang tanungin naman ni Ogie si Sylvia patungkol sa nararamdaman nito sa mga pamba-bash sa anak sinabi niya na,
“Nanay ako, nasasaktan mare. Hindi ako pwedeng mainis, magalit ‘di ba?”
Dagdag pa ng aktres, kahit na ganun ay alam naman nila ang totoo na hindi nila ginagamit si Maine.
Larawan mula sa Instagram post ni Sylvia Sanchez
Sa isa namang press conference noon ibinahagi rin ni Sylvia ang nararamdaman niya patungkol sa mga bashers ng kanilang pamilya lalo na ang anak na si Arjo.
“Sobrang mahal ko ‘yong pamilya ko, sobrang mahal ko ang mga anak ko, ang asawa ko, ang buong Atayde family, ang pamilya ko, sobrang mahal ko…,
Ngayon, ako bilang ina, sabihin mo na sa akin lahat ng masasakit na salita, laitin mo na pagkatao ko, halughugin niyo na ang nakaraan ko, sabihin niyong patayin niyo na ako, okay lang…,
Ina ako na nagtitimpi, ina ako na nasasaktan para sa mga anak ko. Kahit sinong ina na lalaitin ang anak mo, masakit ‘yon. Pero tiniis ko ‘yon.”
Ito ang pagbabahagi noon si Sylvia Sanchez noon.
Kagustuhang magkaroon ni Sylvia
Larawan mula sa Instagram post ni Sylvia Sanchez
Pagbabahagi rin ng aktres nagnanais na rin siyang magkaroon ng apo mula sa kaniyang mga anak. Pahayag niya,
“Fifty na ako Mare, gusto ko nang magka-apo ‘di ba? Sa totoo lang.”
Pero hindi pa ata umano ito mangyayari dahil marami pa umanong gustong maabot ang mga anak lalo na ang kaniyang anak na si Arjo. Kaya naman kahit anong gusto niyang apo ay doon na lamang umano siya magpopokus sa kaniyang mga alagang aso.
Pagbabahagi pa niya tanggap umano nilang mag-asawa na darating talaga ang panahon na bubuo ang kanilang mga anak ng isang pamilya. Basta umano ang sinasabi niya sa kaniyang mga anak ay bigyan sila ng maraming apo.
“Bigyan niyo ako ng maraming apo. Ako ang bubuhay.” saad pa ng aktres.
BASAHIN:
Alden Richards reveals that he wants to have kids with Maine Mendoza
Alden Richards should start dating Maine already, says his dad
ALDUB Wedding and Prenup Shoot: Check out their super kilig moments!
Larawan mula sa instagram account ni Sylvia Sanchez
Sa isa pang Instagram post ibinahagi niya ang kagustuhan niyang magkaroon ng apo dahil umano lumalaki na rin ang bunso nilang anak.
“Bigla akong nalungkot hahaha Xavikok my baby no more! Hintay nalang talaga ako ng apo koehem, ehem, ehem hahahaha.” Ang nakakaaliw na sa caption ni Sylvia Sanchez sa Instagram post nito.
Sinabi ng aktres na nakikita niya na raw na mas matangkad na ang bunsong anak kaysa sa kanya. Nagbiro rin siya na gusto niya na talagang magka-apo dahil nga malalaki na ang dating inaalagaan niya lang.
“But in the meantime, habang wala pa ehem ehem! Sila Soji, Zola, Lulu, Ellie, Callie, Georgie, Hailey, Matilda and Bucky muna ang mga babies ko.”
Dagdag pa ng aktres, masaya naman daw siyang alagaan ang kanyang mga “fur babies” sa ngayon.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
