Napa-react si Trina Candaza sa isang netizen na umaasang magkabalikan pa sila at maayos ang relasyon nila ni Carlo Aquino. Ito’y matapos makumpirma ang kanilang paghihiwalayan noong nakaraang linggo.
Mababasa sa artikulong ito ang mga sumusunod:
- Trina Candaza sumagot sa humihiling na maayos ang relasyon kay Carlo Aquino
- Trina hindi naging madali ang pregnancy journey
- Carlo at Trina busy sa kanilang mga career
Trina Candaza sumagot sa humihiling na maayos ang relasyon kay Carlo Aquino
Kung si Trina Candaza ang tatanungin, may ilang balakid sa posibleng pagkakabalikan nila ni Carlo Aquino.
Sa Instagram, isang netizen ang humiling na sana ay malampasan nina Trina Candaza at Carlo Aquino ang pagsubok sa kanilang relasyon. Ayon pa sa nag-comment, alam daw nito na mahal pa ng dating couple ang isa’t isa.
“Sana magkaayos na kayo ni kuya carlo alam ko mahal niyo pa isat isa pag subok lang yan malalagpasan niyo rin para kay baby kalimutan ng past at magsimula uli. God bless.”
Sinagot naman ito ni Trina Candaza at pinaliwanag kung bakit malabo nang muli silang magkabalikan at maayos ang kanilang relasyon ni Carlo. Ayon kay Trina, may mga tao raw na suportado ang pagiging single ng isang tao.
Ito’y sa kabila ng pagkakaroon nila ni Carlo ng anak na si Enola Mithi.
“Mahirap na po magkabalikan lalo na kung yung mga taong nakapaligid, support sa pagiging single ng tao na para bang walang batang nawalan ng buong pamilya.”
Matatandaan na sa panayam ng ‘TV Patrol’ kay Carlo Aquino, inamin niyang sila ay hiwalay na ni Trina Candaza makalipas ang tatlong taon na pagsasama.
Larawan mula sa Instagram account ni Trina Candaza
Hindi na idinetalye ni Carlo kung ano ang dahilan ng break-up nila ni Trina. Ngunit aniya, nagkakausap pa rin sila para sa kanilang anak na si Mithi.
Wika ng aktor, minsan ay pinupuntahan niya ang kanyang anak para maalagaan ito. Bukas din si Trina sa paghiram ni Carlo kay Mithi, at tuwing nasa poder ni Carlo ang kanilang baby ay busy si Trina sa mga gawaing bahay.
Noong pumutok ang balita tungkol sa hiwalayan ng dating couple, isang headline ng artikulo ang sinita ni Trina. Ito’y dahil posibleng ma-misinterpret ng publiko ang ilang detalye sa paghihiwalay nila ni Carlo.
Isang article ang may na headline ‘Carlo Aquino nakipaghiwalay na kay Trina Candaza’. Nakiusap naman si Trina sa pahayagan na ayusin ang headline dahil posibleng isipin ng mga netizen na si Carlo ang nakipaghiwalay sa kaniya.
“Parang wala naman po kasi sinabi si Carlo na siya ang nakipaghiwalay, sa pagkaka-alala ko po parang baligtad.”
BASAHIN:
LOOK! Paulo Avelino muling nakapiling ang anak na si Aki sa New York
Jessy Mendiola may hiling sa kanyang Lebanese father: “Please just come home with me”
Larawan mula sa Instagram account ni Trina Candaza
Trina hindi naging madali ang pregnancy journey
Hindi naging madali ang pinagdaanan ni Trina Candaza bago pa isilang ang kanyang anak na si Mithi.
Sa nakalipas na panayam ng theAsianparent team kay Trina, kinuwento niya ang ilang naramdaman niya noong pinagbubuntis niya pa ang kanyang unang baby.
Ayon kay Trina, noong nasa sinapupunan niya pa si Mithi ay madalas siyang makaranas ng antok. Sensitive din siya pagdating sa amoy ng ilang bahay.
Sa amoy raw ng bawang ay nasusuka na siya noong kanyang pinagbubuntis si Mithi.
“Tapos tuwing papasok ako ng work kahit nasa kotse lang ako nagsusuka talaga ako. Doon ako nahirapan kasi nasa work nasusuka ako. Sobrang lakas ng pang-amoy ko.”
Sa panahon ng kanyang due date ay nakaranas din ng matinding sakit si Trina. Kuwento niya, ilang araw na overdue ang kanyang panganganak kaya kinailangan siyang isailalim sa caesarian section.
“Sobrang bilis ng pangyayari. Sa CS pala mayroon pa lang feeling na kapag tinanggal na ‘yong baby sa tummy mo parang may dadagan na elephant sa chest mo. Na-feel ko na may tinanggal sa katawan ko tapos biglang bumigat.”
Kaya naman matapos ang kanyang pregnancy ay bumilib siya sa mga ina na dumaan sa parehong journey niya.
Larawan mula sa Instagram account ni Trina Candaza
Carlo Aquino at Trina Candaza busy sa kanilang mga career
Sa ngayon ay busy si Carlo Aquino sa kanyang pagbabalik sa sa aktingan. Katambal niya si Maris Racal para sa ABS-CBN series na How To Move On In 30 Days na napapanood sa YouTube.
Dumalo si Carlo Aquino sa media conference ng kanyang series at doon niya binahagi kung paano ba ang proseso ng pagmo-move on.
Ayon kay Carlo, kailangan daw ay ikuwento sa mga kaibigan ang nangyari sa failed relationship para mawala ang sakit. Nakakatulong rin daw ang nature tulad ng pagpunta sa bundok at dagat para maka-move on.
Samantala, si Trina naman ay vlogging ang pinagkakaabalahan at ilan pang commitment tulad ng mga endorsement at pagdalo sa mga events.
Mayroon nang lampas 78,000 subscribers si Trina sa YouTube. At doon mapapanood ang kaniyang mga update tungkol sa kanilang buhay ni Mithi.
Sa vlog ni Trina noong April 4, binahagi niya ang pagbabakasyon nila ni Mithi sa Batangas para ma-experience ang freediving.
Maraming fans naman ni Trina ang humihiling na sana ay patuloy na maging malakas at matatag si Trina para sa kanyang baby na 1 year and 6 months na.