Ngayong may anak na ang singer na si Angeline Quinto, ayaw niya raw muna rin itong ipasok sa showbiz. Alamin dito kung anong dahilan ng singer
Mga mababasa sa artikulong ito:
- Tungkol sa posibleng pagpasok sa showbiz ng kaniyang anak
- Angeline Quinto aalagaan ang anak tulad ng pag-aalaga ni Mama Bob
Larawan mula sa Instagram ni Angeline Quinto
Tungkol sa posibleng pagpasok sa showbiz ng kaniyang anak
Labis na kasiyahan ang dinala ng singer na si Angeline Quinto sa kanyang fans at followers nang tagumpay niyang naisilang ang kanyang first baby na si Sylvio sa pamamagitan ng Caesarean delivery. Healthy naman sila both ng kaniyang anak kaya nga sa ngayon ay balik showbiz at trabaho na rin ang singer mula sa pagpapahinga dahil buntis siya.
Sa isang bagong video na uploaded niya na ‘Mommy Pamper + Answering IG questions’ sa kanyang YouTube channel ay sinagot niya ang ilang mga tanong ng fans tungkol sa kaniyang buhay. Isa sa kaniyang sinagot ay kung may balak ba siyang ipasok din ang anak niya sa parehong larangan na naroon siya — ang showbiz.
“Kung sakali pong gusto ni Baby Sylvio na pumasok sa showbiz, papayagan niyo po ba at bakit?”
Tanong ng isang follower ni Angeline Quinto.
Para kay Angeline Quinto, ayaw niya raw muna ito ipasok dahil saksi siya mula sa personal na karanasan kung gaano nga ba kahirap ang buhay sa loob ng showbiz. Ayaw niya rin kasing maranasan ng anak ang parehong hirap na naranasan niya sa larangang ito,
“Kung ako ‘yung tatanungin ngayon? Baka pwedeng huwag na lang muna kasi alam ko po kung gaano na kahirap ang buhay sa mundo ng showbiz. Alam na alam ko kung gaano kahirap.”
Larawan mula sa Instagram account ni Angeline Quinto
Sa kabila ng pagtanggi ni Angeline Quinto na ipasok ang anak sa showbiz, bukas pa rin naman daw siya kung sakaling ito talaga ang gusto ni baby Sylvio na ito ang tahakin. Ang tanging gagawin lamang niya ay suportahan at gabayan ang anak sa mga kailangan i-expect sa buhay artista.
“Siguro later on kung ‘yon talaga gusto ng anak ko. Siguro baka pwedeng i-guide ko na lang siya ng mga pwedeng alam mo ‘yong pwedeng mangyari. Ano ‘yong pwede niya harapin sa buhay ng showbiz. Parang huwag muna po.”
Sa ngayon ay nagpapalakas na muli si Angeline Quinto upang magtuloy-tuloy muli sa pagtatrabaho. Mapapanood na muli siya sa telebisyon at nagpe-perform na rin sa stage.
BASAHIN:
LOOK: Jennylyn Mercado and Dennis Trillo finally shows the face of Baby Dylan!
Angeline Quinto aalagaan ang anak tulad ng pag-aalaga ni Mama Bob
Marami ang naku-curious kung paano nga ba ang magiging parenting style ng singer na si Angeline Quinto lalo ngayon na siya ay first time mom. Sinagot niya ang tanong na ito sa pamamagitan ng pagbabahagi sa isang advice na iniwan sa kanya ng adoptive mother niyang si Mama Bob.
Pagbabalik-tanaw ni Angeline, pinayuhan pa raw siya nito na huwag iwanan parati ang kanyang anak dahil alam ni Mama Bob na madalas siyang umaais nang umalis.
“Sinasabi niya sa akin palagi na kapag nagka-anak daw ako, huwag ko daw iwan-iwan. Kasi alam ni Mama Bob kung saan-saan ako rumarampa.”
Larawan mula sa Instagram account ni Angeline Quinto
Hindi niya rin daw malilimutan na isa sa iniwang pagpapaalala ng kanyang ina, ay mag-iiba raw ang mundo niya kung sakaling lumabas na si Baby Sylvio. Pagbabahagi pa niya sa ngayon daw ay halos hindi na niya iniisip ang sarili dahil ang anak na niya ang laging priority sa lahat ng gagawin niya.
“Ang pinakanaalala ko rin kay Mama Bob, na kapag nagkaanak ako talaga daw mag-iiba ang mundo ko. Ayun ang lagi ko naririnig kay mama, ‘Kapag nagkaanak ka mag-iiba ‘yung mundo mo, makakalimutan mo ‘yung sarili mo.'”
“Which is totoo po, talagang nag-iba mundo ko nang dumating ang anak ko sa buhay ko, dumating si Sylvio. Hindi mo na naiisip kung ano ‘yong para sa sarili mo kundi kung ano ‘yong para sa kanya lahat.”
Dagdag pa ni Angeline, ngayong ina na raw siya ay mas naa-appreciate niya ang oras dahil noon daw ay kung saan-saan nga siya pumupunta kasama ang kanyang mga kaibigan. Mas nakikita pa raw niya ngayon ang halaga ng oras lalo na sa pag-aalaga ng kanyang anak.
“Hindi lang pala pera ang kailangan tipirin, pati oras kasi para sa sarili ko, paano ko maalagaan ‘yung anak ko kung ang oras ko ay hindi balanse? Kung lahat para sa ibang bagay?”