Gaano ba talaga kadalas mag-sex ang mga mag-asawa?

lead image

Kailangan ba ng araw araw na pakikipagtalik upang maging mas masaya ang mga mag-asawa? Ating alamin kung ano ang epekto ng sex sa kaligayahan ng mag-asawa

Kung tatanungin mo ang mga mag-asawa kung gaano sila kadalas magtalik sa isang buwan, siguradong iba-iba ang makukuha mong sagot. Ang iba siguro ay nagagawa pa ang araw araw na pakikipagtalik, pero ang iba siguro ay masuwerte na kung magawa ito ng isang beses sa isang buwan.

Ngunit mayroon ba talagang dalas pagdating sa pakikipagtalik? Dapat ka bang mag-alala kapag hindi na kayo nakakapagsex ng iyong asawa ng madalas?

Gaano kadalas magtalik ang mga mag-asawa?

Heto ang sagot ng ilang mga tao sa Reddit nang tanungin sila kung gaano sila kadalas makipag-sex ng kanilang asawa:

  1. Isang beses kapag weekends, at 2 beses sa isang linggo ang average sa aming mag asawa. Pero may mga pagkakataon na hindi kami nagsesex ng ilang linggo. 8 taon na kaming kasal.
  2. Ako ay 27, at ang asawa ko ay 31. Mayroon kaming 3 anak. Nagagawa pa namin ang araw-araw na pakikipagtalik, at minsan ay ginagawa namin every 2 days.
  3. Wala kaming anak, pero 5 taon na kaming kasal. 4 na beses sa isang linggo kami magtalik ng aking asawa.
  4. Isang taon na kaming kasal, at 2 beses sa isang buwan kami magtalik.
  5. 6 na taon na kaming kasal, at mayroon kaming 2 anak. Buntis ngayon ang aking asawa. Nagsesex kami ng 3-4 beses sa isang linggo kapag hindi siya buntis. Kapag buntis siya, nasa 1-2 beses sa isang linggo.
  6. 5 taon na kaming kasal ng asawa ko, at nag live-in din kami ng matagal. Nagsesex kami ng isang beses sa isang linggo.
  7. Nasa 3.5 years na kaming kasal ng asawa ko, pero 4-5 times lamang kami magsex sa isang taon. Nasira ng pagbubuntis at pagkakaroon ng anak ang sex life naming mag-asawa.
  8. Nagsesex kami araw-araw basta't magkasama kami. Minsan, kahit wala ako sa mood, ay nagagawan naman namin ng paraan.
  9. 7 Years na kaming kasal, at mayroon kaming kambal. Nasa 2 beses sa isang linggo pa kami mag-sex ng aking asawa.
  10. Kasal kami ng 8 taon, at mayroong isang anak. Nagsesex kami ng isang beses kada 2 buwan. Nagsawa na rin akong ayain ang aking asawa, dahil madalas ay tumatanggi lang siya.

Kailangan ba ang araw araw na pakikipagtalik?

Ang katotohanan ay wala naman talagang nirerekomandang dalas ng pakikipag-sex ng mga mag-asawa. Ang ibang mga mag-asawa siguro ay kayang gawin ang araw araw na pakikipagtalik, ngunit para sa iba, imposible talaga ito.

Ang dapat tandaan ng mga mag-asawa ay sabihin sa isa't-isa kung sa tingin nila ay kulang o kaya sumosobra na sila sa sex. Normal lang naman na magkaroon ng mga pagkakataon na wala ka sa mood, ngunit ang asawa mo ay gustong makipagtalik.

Sa ganitong mga sitwasyon, mahalaga ang komunikasyon at pag-unawa, para makaiwas sa mga away at gulo. Kung parehas ninyong gustong makipagtalik, pero wala talagang panahon, puwede naman itong paghandaan.

Puwedeng magplano kayo ng maaga pa lang, at maglaan ng araw para sa inyong dalawa. Mahalagang maglaan kayo ng panahon para sa isa't-isa, upang hindi mawala ang romansa sa inyong buhay.

 

Sources: Men's Health

Basahin: Ano ba ang tinatawag na “edging,” at paano ito makakatulong sa inyong sex life?

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner