Baby, iniwan ng ina sa basurahan dahil akala niya ay patay na ito

lead image

Nagnanais mag-ampon o magpa-ampon? Narito ang mga ahensiyang maaring tumulong sayo.

Para maiwasan ang kaso ng pang-aabandona ng mga kaawang-awang sanggol at bata, narito ang mga bahay ampunan sa Manila na makakatulong sa mga single parent na namomoblema sa pagpapalaki ng anak nila.

Kaso ng pang-aabandona

bahay ampunan sa Manila

Image from GMA Balitambayan

Isang kasambahay na ina ang nag-iwan sa bagong panganak niyang sanggol sa isang basurahan sa Mandaue City, Cebu.

Ayon sa ina, ay inakala niyang patay na ang sanggol matapos daw bigla lang lumabas ito mula sa kaniya ng umihi siya. Kaya naman naisipan niyang itapon nalang ito.

Sa hindi inaasahan may nakakita sa sanggol sa basurahan. Ayon sa nakakita sa sanggol, ito ay mahina ngunit humihinga pa ng natagpuan niya. Kaya naman dinala agad ito sa ospital upang matingnan at magamot.

Sa ospital ay napasuso pa ang sanggol ng isa sa mga bagong panganak na pasyenteng ina. Ngunit makalipas ang ilang oras ay pumanaw rin ang sanggol.

Natunton naman kung sino ang ina ng sanggol at inaresto dahil sa ginawa nito. Nahaharap siya ngayon sa kasong abandonment.

Ang ganitong mga balita ay tila hindi na bago sa ating bansa. Lalo pa’t ang madalas na itinuturong dahilan ng mga magulang na gumagawa nito ay ang kahirapan. At ang bigat ng responsibilidad na hindi nila kayang gampanan.

Sa ganitong pagkakataon, ay may mga ahensya at mga bahay ampunan sa Manila na maari nilang puntahan. Ito ang makakatulong sa kanila para hindi na mang-abandona at masiguro ang kinabukasan ng anak nila. Ang mga sumusunod ang makakatulong sa mga single parent o magulang na naiisip na ipaampon o ipa-adopt ang kanilang anak.

Ahensya at bahay ampunan sa Manila na bukas sa adopsyon

1. DSWD o Department of Social Welfare and Development

Ang ahensya ng gobyerno na maari ninyong lapitan kung nais ninyong mag-ampon at magpa-ampon ng bata ay ang DSWD o Department of Social Welfare and Development. Mabibigyan nila kayo ng impormasyon sa tamang proseso ng pag-aampon at ang mga requirements na kailangang ihanda para maisagawa ito. Ang mga opisina ng DSWD na maari ninyong tawagan o puntahan ay ang sumusunod:

DSWD- Central Office IBP Road, Batasan Pambansa Complex, Constitution Hills, Quezon City Tel. No. 951-7438 (Protective Services Bureau-Child Protection and Placement Division) Email: [email protected] Website: adoption.dswd.gov.ph

DSWD-Field Office- NCR 289 San Rafael Street, Legarda, Manila Tel. # 488-2754 (Adoption Resource and Referral Unit) Email: [email protected]

DSWD Field Office –IV-CALABARZON Alabang Zapote Road, Muntinlupa Tel. # 850-8380; 387-2632 Email: [email protected] 10 ADOPTION CONSCIOUSNESS CELEBRATION 2018/Fact Sheet

DSWD-Field Office-IV-MIMAROPA 1680 F.T. Benitez corner, General Malvar St. Malate, Manila Tel. # 523-6077 loc. 205 Email: [email protected]

2. Kaisahang Buhay Foundation, Inc. (KBH)

Ang Kaisahang Buhay Foundation ay isang pribado at non-profit child and family welfare organization. Isa ito sa mga bahay ampunan sa Manila na accredited ng DSWD.

Maliban sa pag-aampon ay may programa rin ang Kaisahang Buhay Foundation para sa mga buntis o batang kababaihan na nahaharap sa crisis situation. Nag-ooffer sila ng tirahan, pagkain, pre-natal care, delivery at post-natal care. Nagbibigay din sila ng work therapy, values and spiritual formation, financial assistance, skills training, personality developmeny at family reunification. Pati na ng counseling na nag-fofocis sa family preservation at pagpaplano sa pagkakaroon ng anak.

Ang opisina ng Kaisahang Buhay Foundation o KBH ay matatagpuan sa No. 56, 10th Avenue, Cubao, Quezon City. Ang kanilang telephone number ay 912-1159/60 at ang email nila ay [email protected]

3. Norfil Foundation, Inc. (Norfil)

Ang Norfil Foundation ay isang non-government organization na tumutulong sa mga gustong mag-ampon at magpa-ampon. May mga programa rin sila para sa mga batang may disabilities para sila ay mabuhayan ng loob pati na ang kanilang mga pamilya.

Ang kanilang opisina ay makikita sa No. 16 Mother Ignacia Avenue, Cor., Roces Avenue, Quezon City. Matatawagan sila sa mga numerong 372-3577/79 o 373-2169. Makokontak rin sila sa email na [email protected].

4. Inter-Country Adoption Board (ICAB)

Ang Inter-Country Adoption Board ay ang ahensya na tumutulong sa mga magulang na gustong ipaampon ang kanilang anak sa mga Pilipino na nasa ibang bansa.

Ang kanilang opisina ay makikita sa No. 2 Chicago Cor. Ermin Garcia Streets, Barangay Pinagkaisahan, Cubao, Quezon City. Matatawagan sila sa mga numerong 721-9782; 726-4551; 727-2026. Ang email naman nila ay [email protected].

 

Sources: Philippine Information Agency, Norfil, KBH, ICAB, GMA News

Photo: Pexels

Basahin: Sanggol na inabandona sa tambakan ng basura, naampon dahil sa social media

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!