Isa ka ba sa mga nangangailangan ng tulong para sa darating na School Year? Narito ang Big Heart PH ni Heart Evangelista! Ito ay ang kanyang proyekto para tumulong sa mga estudyante sa kanilang online learning.
Big Heart PH Heart Evangelista
Sa Instagram post ni Heart, inanunsyo niya ang launch ng kanyang passion project na Big Heart PH. Nasa kanilang Instagram page na rin ang mechanics kung paano makakasali at makakakuha ng free tablet at data allocation.
View this post on Instagram
A post shared by Heart Evangelista (@iamhearte) on
Mechanics na kailangang sundan
Mula sa kanilang Instagram page na kaka-launch pa lang, narito ang mga kailangang gawin upang makatanggap ng libreng tablet at data.
- I-like ang official Facebook page o i-follow ang Instagram page ng BIG Heart PH.
- Mag-send ng direct/private message sa FB o IG at ilagay ang name, age, gender, educational attainment, mobile number at kung bakit mo kailangan ng tablet.
- Pagkatapos gawin ang dalawang steps, ihanda ang mga sumusunod na requirements: Kopya ng Valid School ID, Certificate of Registration mula sa iyong school o kahit anong proof of enrolment, latest payslip ng iyong parent/guardian o Certificate of Indigency mula sa inyong Barangay Office.
- I-submit ang mga ito sa [email protected]. Iyon lamang mga kumpleto ang requirements ang mapa-process.
- Maghintay na i-approach ng representative mula sa BIG Heart PH para sa phone interview.
- Ang mga shortlisted na aplikante naman ang makakasali sa computer-generated raffle draw.
- Kung ikaw ang napili sa draw, makakakuha ka ng Flare Tablet na may libreng CMSURF 50 promo na may 900MB na mobile internet for 15 days!
- Ang mga mananalo ay ino-notify sa text message/ Facebook Messenger o Instagram direct message.
- May chance din ang mga mananalo na makausap si Heart Evangelista mismo!
Heart Evangelista helping out on Twitter
Image from Heart Evangelista’s Instagram
Matatandaan na noong Agusto pa lang ay nagsimula nang magbigay ng tulong ang dating host at aktres sa kanyang Twitter followers.
Umabot ng 550 tablets ang naibigay ni Heart sa mga estudyanteng nangangailangan ng gagamiting gadget para sa online class ngayong darating na pasukan.
Sa kuwento ni Heart, noong una ay hindi alam ng kanyang client kung saan niya gagamitin ang halos 500 piraso ng tablet. Hindi nila alam na ito ay gagamitin ng aktres para maipamahagi sa mga mag-aaral.
Sa kanya pang tweet, ito ang pahayag niya:
“The time, hardwork and love that I put out in this artwork was well worth it. As the proceeds have allowed me to purchase 550 tablets for angels.”
Kilala rin si Heart Evangelista bilang isang aktres na laging nagpapaabot ng donation para sa iba’t iba nating mga kababayan na nangangailangan ng tulong.
Image from Heart Evangelista’s Instagram
Ngayong COVID-19 outbreak nga, naghatid din siya ng tulong sa ating mga kababayan. Nag-donate siya ng maraming washable PPEs at 500 face shields.
Source: GMA News
Basahin: Heart Evangelista sa kanyang baby: “Know that mama thinks of you”
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
