Breastfeeding mom at advocate na si Jessa Tandayu ay isa sa mga kinikilalang inspirasyon ng mga ina pagdating sa breastfeeding. Bukod sa pagiging hands-on mommy kay baby Tyler, mas kilala rin siya bilang isang masigasig na breastmilk donor at tagapagtaguyod ng breastfeeding advocacy sa bansa.
Kilalanin si Mommy Jessa Tandayu
Breastfeeding Mom Share Tips on How to Improve Breastmilk Supply | Larawan mula sa Facebook
Si Mommy Jessa ay ina ng isang cute na baby boy na si Tyler, na magtatalong taong gulang na ngayong taon. Bagama’t abala sa pagiging ina, matagumpay niyang naibahagi ang kaniyang breastmilk sa higit 70 na sanggol. Ayon sa kanya, hindi lamang ito tungkol sa pagpapakain kundi sa pagbibigay ng kalusugan at proteksyon sa mga sanggol na nangangailangan.
“Nakita ko po kasi yung pamangkin ko na breastmilk baby siya, hindi siya nagkakasakit,” kuwento ni Mommy Jessa. Doon nagsimula ang kanyang adbokasiya na palaganapin ang kahalagahan ng breastfeeding.
Breastfeeding Mom Share Tips on How to Improve Breastmilk Supply | Larawan mula sa Facebook
Kahit si Mommy Jessa mismo ay nahirapan sa simula. “Noong una wala, pero pinilit ko talaga. Yung pag-pump regularly para lumakas yung breastmilk, saka paglalatch kay baby, yun ang ginawa ko,” pagbabahagi niya.
Tips ni Mommy Jessa Para Palakasin ang Gatas
Breastfeeding Mom Share Tips on How to Improve Breastmilk Supply
Pero paano nga ba nagawa ni Mommy Jessa na magkaroon ng enough breastmilk para sa anak niyang si Tyler at makapagdonate pa sa ibang babies?
“Noong una wala, pero pinilit ko talaga. Yung pag-pump regularly para lumakas yung breastmilk, saka paglalatch kay baby yun ang ginawa ko. Continue po natin yung latching at breast pump. Ituloy natin yung 2-3 hours interval para magbigay po ng signal sa ating katawan na kailangan natin.”
Ito ang sabi pa ni Mommy Jessa na panayam.
May isang mahalagang payo rin siya sa mga mommies na malaki rin daw ang maitutulong para magkaroon ng malakas na breastmilk supply.
“Yung rest po napaka-importante. Tayong mga mommies kapag po nakapapagpahinga nakakatulong sa mood natin. Kapag masaya tayo, mas nakakapag-produce tayo ng breastmilk.”
Ito ang sabi pa ni Mommy Jessa.
Si Mommy Jessa ay isa ring mom influencer. Para sa dagdag na breastfeeding tips mula sa kaniya ay maaring bisitahin ang kaniyang Instagram page: https://instagram.com/michaellajessa?igshid=YmMyMTA2M2Y=.
Iba Pang Tips Para Mapalakas ang Breastmilk Supply
Maliban sa mga ibinahagi ni Mommy Jessa, narito pa ang ilang praktikal na hakbang para matulungan kang mapanatili ang milk supply mo:
- Magpasuso o mag-pump nang regular
- Siguraduhing tama ang latch ni baby
- Uminom ng maraming tubig at kumain ng masustansyang pagkain
- Magpahinga at bawasan ang stress
- Panatilihin ang skin-to-skin contact kay baby
- Uminom ng mga aprubadong herbal supplements tulad ng malunggay
- Iwasan ang formula hangga’t maaari
- Kumonsulta sa lactation consultant kung may alinlangan
Ang breastfeeding journey ay hindi laging madali, pero posible. Ang kwento ni Mommy Jessa ay patunay na sa tiyaga, tamang kaalaman, at suporta, kayang-kaya mong maabot ang iyong breastfeeding goals. Ito ay hindi lang para sa iyong anak, kundi para rin sa ibang sanggol na nangangailangan.
Tandaan, Mommy: Hindi ka nag-iisa. Maraming katulad mong nagsusumikap araw-araw para sa kalusugan ng kanilang anak. Kaya mo ‘yan!
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
