Ayon sa experts, hindi raw pareho ang experience na mararanasan ng nanay pagdating breastfeeding ng second baby. Alamin ang iba’t ibang changes na maaaring mararanasan ng mommies.
Mga mababasa sa artikulong ito:
- Breastfeeding ng second baby? Heto raw ang changes na maaaring maexperience ayon sa experts
Breastfeeding ng second baby? Heto raw ang changes na maaaring ma-experience ayon sa experts
Maraming changes pa rin daw ang kahaharapin ng mommies sa pagpapabreastfeed ng second baby. | Larawan mula sa Pexels
Breastfeeding is one of the healthiest ways to feed your little ones. Kaya nga ito parati ang suggestion ng healthcare professsionals pagdating sa mga nanay. Para sa first time mom, maraming hindi inaasahang experience ang maaaring maranasan dahil nga unang beses pa lang itong susubukan.
Sa pagkakaroon ng pangalawang anak, bagaman mayroon nang ideya ang isang nanay sa kung paano nagpapadede ng bata magkaibang-magkaiba pa rin umano ang karanasan nito.
Wala naman daw kasing parehong sanggol na eksaktong magkapareho. Kaya nga need i-expect ng parents na talaga namang mayroon pa ring pagbabago na mararanasan. Ayon sa experts dalawang bagay raw ang labis na makikitaan ng changes: physiologically at emotionally.
Physiological changes in breastfeeding
Maaari rin daw tumaas ang milk supply sa second time ng breastfeeding ayon sa experts. | Larawan mula sa Pexels
Ayon sa neonatologist at director ng feeding, nutrition, and infant development sa Pediatrix Neonatology of Florida na si Jenelle Ferry, makikita raw talaga ang pagbabago sa physical na factors.
Kung ang isang ina raw ay mayroong mababang supply ng gatas o delay sa paglabas ng kanyang milk sa unang baby, magandang balita raw ito para sa second baby naman.
Mas marami raw kasi ang maaaring mailabas na supply ng gatas sa pangalawang pagkakataon ng pagbe-breastfeed. Nakadepende rin daw ito sa agwat o pagitan ng dalawang baby pagkapanganak.
Kaya raw ganito, nai-experience raw kasi ng second-time parents ang higher milk supply dahil natatandaan ng mammary glands kung paano gumawa ng gatas.
“There is some scientific evidence that [suggests that] the mammary gland forms a sort of long-term memory of pregnancy that primes it to respond to hormonal changes with subsequent pregnancies,” Pagbibigay impormasyon ni Dr. Ferelle.
“The response to these hormones (estrogen and progesterone) cause a large increase in growth of mammary epithelial cells, forming new ducts, and overall support of milk production and transport.”
Emotional changes in breastfeeding
Hindi rin mawawala ang emotional changes sa breastfeeding. | Larawan mula sa Pexels
Dahil nga maraming pagbabago ang need asahan, hindi mawawala ang emotional changes diyan. Palaging para bang bagong experience ang pagkakaroon ng bagong anak. Of course, magkaiba sila sa maraming bagay kaya panibagong adjustment and learning na naman ang kailangang aralin.
Emotional factors na pagbabago sa breastfeeding sa pangawalang pagkakataon
Para sa experts narito raw ang ilang sa maaaring maranasan pagdating sa emotional factors ng isang mommy na magpapabreastfeed for the second time around:
1. Pagtaas ng confidence.
Marami raw sa breastfeeding parents ang nakararamdam ng pagtaas ng confidence lalo na sa pangalawang pagkakataon, ito ay ayon sa lactation consultant na si Katy Linda.
Mas lalo pa raw itong nabo-boost kung namimeet nila ang kanilang breastfeeding goals. Mayroon na raw kasi silang idea sa ilan sa need na malaman when it comes to breastfeeding kaya naman mas lumalakas na ang kanilang loob.
2. Pagkaranas ng anxiety.
Kung nakaranas naman daw ng hindi magandang experience sa unang pagkakataon na nagpabreastfeed, ay may malaking chance na makaranas ng anxiety ayon kay Dr. Ferry.
Maiisip kasi ng mommies na baka maranasan ulit nila ang hirap at stress na naranasan noong unang beses, which is common at kailangan daw unawain.
Mahalagang malaman daw ng mga nanay na hindi masamang manghingi ng tulong lalo kung nahihirapan na. Kung habang nagbubuntis pa lanag ay nag-aalala na sa maaaring maging problemang kakaharapin, mainam na kumonsulta na kaagad sa healthcare providers.
3. Mas susundin mo na ang iyong instincts.
Pinipili na raw ng mga second time parents ang kanilang instincts. Sapagkat sa experience na mayroon sila ayon kay Brittani Edds isang nurse at lactation consultant.
“With their second child, I often see parents follow their intuition a lot more,”
Sa unang baby raw kasi, maaaring humingi pa siya ng payo o ideas sa ibang tao. Kung minsan ay hindi naman ito nakakabuti both sa kanila ni baby. Kaya sa pangalawang anak ay maaaring ibase niya na lamang ito sa kung ano ang karanasan niya bilang mommy.
“With the second baby, families tend to really know what works best for their dynamic when it comes to infant feeding,” Dagdag pa ni Edds.
Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerekomenda naming magpakonsulta sa doktor upang makakuha ng mas malinaw na impormasyon.