Kasama sa development ni baby ang paggapang niya, ayon sa mga eksperto nakapagpababa rin daw ito ng tsansa na siya ay magkaroon ng childhood asthma. Bukod pa ito sa iba’t ibang positive effects ng crawling lalo sa early stages ng isang sanggol.
Mga mababasa sa artikulong ito:
- Ano ang childhood asthma?
- Pag-crawl ni baby makatutulong para makaiwas sa asthma, ayon sa pag-aaral
Ano ang childhood asthma?
Larawan kuha mula sa Pexels
Halos walang pinagkaiba ang childhood asthma sa asthma ng maraming adults. Nangyayari ito sa tuwing ang lungs at airways at nati-trigger dahil sa iba’t ibang bagay katulad na lang ng pollen o anumang alikabok.
Hindi pa lubos na nalalaman kung paano nga ba nakukuha ang childhood asthma ngunit ang ilan sa factors na maaaring involved ay maaaring namamana, airway infections, at exposure sa polluted na kapaligiran.
Kadalasang nararananasan ng bata ang walang humpay na pag-ubo, pagkakaroon ng tunog ng whistle sa tuwing humihinga, kahirapan sa paghinga, at ang chest tightness. Maaari ring maranasan ng bata ang hirap sa pagtulog o malala ay respiratory infection.
Sa kasamaang palad, hindi nagagamot ang asthma. Maaaring mag-develop pa ang sintomas nito hanggang sa adulthood. Ang ilan sa maaaring makapagpalala nito ay ang mga sumusunod:
- Pagkakaroon ng allergic reactions kasama ang skin reactions at food allergies.
- Pagkakaroon ng history ng pamilya na may asthma.
- Pagtira sa kapaligirang polluted.
- Pagkakaroon ng labis na timbang o obesity.
- Pag-exist ng iba pang respiratory conditions.
Sa tamang pag-aalaga sa baby ay maaari naman itong ma-control at maiwasan. Mahalagang maagapan kaagad ang sintomas na mapapansin sa inyong babies para maiwasan ang pagkakaroon ng labis na damage sa lungs.
BASAHIN:
Put an end to your annoying allergy symptoms
Skin asthma: Sanhi, sintomas, at gamot para sa eczema
STUDY: Babies, toddlers who take antibiotics may develop into asthma and allergies later on
Pag-crawl ni baby makatutulong para makaiwas sa asthma, ayon sa pag-aaral
Larawan kuha mula sa Pexels
Marami ang stages na pagdadaanan ang baby bago tuluyang masabing siya ay fully developed. Nariyan ang pag-unlad niya mentally, emotionally, psychologically at syempre ang pisikal niyang pangangatawan. Sa simula ang unang magagawa ng kanyang munting katawan ay tumawa, matulog, isubo ang daliri, at gumulong.
Kalaunan magiging matibay na ang mga bones niya sa katawan kaya naman magkakaroon na siya ng kakayahang gumulong at gumapang.
Ang paggapang na ito ay makakatulong sa kanya sa maraming aspeto. Kabilang dito syempre ang paghahanda na siya ay matutong maglakad. Sa bagong pag-aaral ng mga eksperto, napag-alaman nilang hindi lamang sa motor skills may benepisyo ang paggapang maging sa health din ni baby.
Sa isang pag-aaral na published sa journal ng Environmental Science and Technology, inalam nila ang inhalation process ng baby sa paggapang. Lumikha ng isang robotic baby ang mga researchers mula sa Purdue University. Kung saan pinaggapang nila ito sa mga carpet na galing sa mga tahanan.
“Our goal was to study how the crawling motion of a baby stirs up microbes [the tiny bio particles] and dust from carpets, and to evaluate the resulting inhalation exposures.”
“This is the first study to show that crawling infants are exposed to significant concentrations of re-suspended biological particles, and that many of these particles deposit in the lower airways of their of respiratory systems.”
“Their exposures are amplified due to the close proximity of their breathing zones to the floor.”
Ayon sa author ng pag-aaral na si Boor.
Dito rin nila nalaman na ang concentration ng particles sa cloud of dust ay mas mataaas nang higit 20 beses kumpara sa iba pang lugar sa bahay. Binubuo ang mga particles na ito ng skin cells, pollen, fungal spores, at maging bacteria. Ano kinalaman nito sa childhood asthma?
Larawan kuha mula sa Pexels
Dagdag ni Boor may magandang epekto rin daw ang pag-inhale ng mga baby ng mga dust particles. Sa isang pag-aaral kasi sa Johns Hopkins Children’s Center noong taong 2014, nakitaan nila na maaari nga maging immune ang baby kung madalas exposed sa dust.
Marami na raw pag-aaral ang nakitang ang exposures ng mga bata sa airborne microbes tulad nga ng bacteria, fungi at iba pa man ay maaaring makapagpataas ng kanilang immunity. Ang immunity na ito ay nakatutulong sa kanila na maprotektahan sila sa mga sakit tulad ng lagnat, allergies, at ang childhood asthma.
Payo pa ng mga eksperto, huwag daw masyadong panatalihin ang tahanan na sterile. Ito ang tinatawag na “hygiene hypothesis” kung saan tumutukoy ito na huwag masyadong gawing sterile ang environment na ginagalawan ng bata dahil hindi niya mapauunlad ang immune system niya kung hindi exposed sa mga dust.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
