Maaaring magtaka at malito ang mga new mom kung sakaling makaramdam sila ng pagkawalang gana sa pag-aalaga sa kanilang anak. Ang excitement na ito ay mapapalitan ng anxiety at pagkawala ng pag-asa. Pagkatapos manganak, makakaramdam ang mga nanay ng pagka-overwhelm dala ng naranasang pagod at mood swings. Sa pagkakataong ito, magsisimula na nilang pagdudahan ang sarili sa kanilang pagiging ina dahil sa depression sa buntis.
Mababasa sa artikulong ito ang:
- Pag-aaral tungkol sa postpartum depression pagkatapos mag buntis
- PPD screening
- Sintomas ng baby blues at postpartum depression
Depression sa buntis, maaaring tumagal ng 3 years ayon sa pag-aaral | Image from iStock
Depression, pwedeng tumagal ng 3 years pagkatapos mag buntis ng babae
Nasa 15% ng mga new mom ang nakakaranas ng postpartum depression. Ito ay may pagkakaiba sa baby blues. Ang kondisyon na ito ay maaaring maging mild hanggang severe depression kung saan dadating na sa punto na mawawalan ka ng interes sa mundo pati na rin sa iyong baby.
Mayroon naman tayong gamot laban sa mga nanay na nakikipaglaban sa postpartum depression. Pinaniwalaan na tumatagal lang ito ng halos tatlong linggo. Ngunit ayon sa bagong pag-aaral mula sa National Institutes of Health (NIH), ang depression ay maaaring tumagal ng tatlong taon pagkatapos mag buntis ng babae.
Matagal na PPD Screenings
Nalaman ni Diane Putnick isang staff scientist sa National Institute of Child Health and Human Development (NICHD) at ang kaniyang grupo na tumatagal ang extension ng postpartum depression ng halos dalawang taon pagkatapos manganak ng buntis.
Dagdag pa niya na,
“These long-term data are key to improving our understanding of mom’s mental health, which we know is critical to her child’s well-being and development,”
Kabilang sa pag-aaral na ito ang 5,000 na nanay at ang mga sintomas nila ng tatlong taon pagkatapos manganak. Ang mga nanay na ito ay dumaan sa screening questionnaire, na may limang katanungan tungkol sa depression. Nilinaw nilang hindi sila clinically diagnose ng naturang kondisyon.
Depression sa buntis, maaaring tumagal ng 3 years ayon sa pag-aaral | Image from iStock
Ayon sa resulta ng screening, nagpapakita na isa sa apat na kababaihan ay mayroong mataas na lebel ng depression pagkatapos magbuntis sa loob ng tatlong taon. Habang ang natitira naman ay mayroong mababang lebel ng depression.
Nakita pa sa pag-aaral na ang mga nanay na mayroong mood disorder o gestational diabetes ay, “to have higher levels of depressive symptoms” at matatas ang tiyansa na magkaroon ng postpartum depression.
Dagdag pa ni Dr. Putnick, “Future studies should include a more diverse, broad population to provide more inclusive data on postpartum depression,”
Ano ang postpartum depression?
Ang postpartum depression ay nararanasan ng mga nanay na pagkatapos nilang manganak. Ito’y halo-halong matinding emosyon katulad ng anxiety, mood swings, labis na pagiging emosyonal o kaya naman hirap sa pagtulog. Sa madalas na pagkakataon, ito ay mahirap pigilan.
Nagsisimula ang baby blues tatlong araw pagkatapos manganak ng isang babae at umaabot ng ilang linggo.
BASAHIN:
Postpartum recovery: 8 tips sa pagdumi para sa mga bagong panganak
STUDY: General anesthesia sa c-section sanhi ng postpartum depression
6 na hindi dapat sinasabi sa mga ina na nakakaranas ng postpartum depression
Saka lang nagiging postpartum depression ito kapag tumagal ang nararanasang kondisyon ng isang nanay na halos tumatagal ng taon. Nararanasan ang postpartum depression bago, habang at pagkatapos manganak ng isang babae.
Ayon sa isang pag-aaral na pinublish sa British Journal of Psychiatry sa National Institute for Health Research, nasa 25% ng mga kaso ng postpartum depression ay nagsisimula sa pagbubuntis.
Sintomas ng baby blues
Nararanasan ito ng ibang nanay pagkatapos nilang manganak. Kadalasan tumatagal ito ng 2 linggo. Narito ang sintomas:
- Hirap sa pagtulog
- Pagiging malungkutin
- Pag-iyak
- Sobra-sobrang emosyon
- Iritable
- Hirap sa pagkain
- Pagkawala ng concentration
- Anxiety
- Mood Swings
Depression sa buntis, maaaring tumagal ng 3 years ayon sa pag-aaral | Image from Unsplash
Sintomas ng postpartum depression
Napagalaman din na mataas ang rating ng depression sa 8th month ng pregnancy. Mahirap malaman kung ang nararanasan mo ba ay matatawag mo ng depression. Ngunit kapag nakita mo na ang mga sintomas ng postpartum depression, kailangan mo nang magpatingin sa iyong doktor.
Kadalasang napagkakamalang baby blues ang postpartum depression. Pero malalaman mong postpartum depression ito dahil mas malala at mas matagal na mararanasan ito. Mararanasan ito bago, habang o pagkatapos manganak. Kadalasan itong tumatagal ng taon.
Narito ang sintomas ng postpartum depression na dapat mong bigyang pansin:
- Malalang mood swings
- Sobra-sobrang pag-iyak
- Hirap makihalubilo sa baby
- Pagiging malungkutin o miserable sa araw-araw
- Sobra-sobrang magalit
- Umiiyak palagi kahit sa maliit na bagay
- Iritable at galit sa halos lahat ng bagay
- Pagkawala ng interes sa mga bagay na dati ay nag eenjoy ka
- Hirap sa pagtulog o sobra sobra ang pagtulog
- Labis na pagkain o pagkawala ng appetite
- Sobrang pagkapagod
- Lack of concentration
- Nawawala ang connection sa baby at nakakapag isip ng malulungkot na mga bagay
- Pagkawala ng connection sa asawa at pamilya
- Thoughts of self harm
- Suicidal thoughts
Translated with permission from theAsianparent Singapore
Translated in Filipino by Mach Marciano