Mga dahilan at lunas ng pamamaga ng gilagid

Mga dahilan at lunas ng pamamaga ng gilagid

Alamin kung ano ang sanhi at gamot sa pamamaga ng gilagid na nagpapahirap sa iyo sa pagkain. Kabilang na ang paraan upang ito ay maiwasan.

Narito ang mga gamot sa pamamaga ng ngipin at gilagid na maaring gawin sa inyong tahanan.

Maliban sa ngipin, importante rin na pangalagaan natin ang ating gilagid. Dahil kapag ito ay nasugat o namaga ay mahihirapan tayong kumain at gamitin ang ating bibig.

gamot sa pamamaga ng gilagid

Gamot sa pamamaga ng ngipin at gilagid | Image from Freepik

Sanhi ng pamamaga ng gilagid

Bago malaman ang mga gamot sa pamamaga ng ngipin at gilagid, atin munang alamin kung ano ba ang mga sanhi o pinagmumulan nito.

1. Gingivitis

Ang gingivitis ay isang gum disease na nagdudulot ng iritasyon at pamamaga sa gilagid.

Ito ay dulot ng poor oral hygiene na nagiging dahilan para magkaroon ng plaque build-up sa gilagid at sa ngipin.

Ang plaque ay ang film na bumabalot sa ngipin na binubuo ng bacteria at food particles na hindi naalis sa ngipin. Kapag ang plaque ay nanatili sa ngipin ng ilang araw, ito ay nagiging tartar. Dito na nagsisimula ang pagkakaroon ng gingivitis.

Bagamat marami sa atin ang hindi aware na mayroon na silang gingivitis dahil sa mild lang ang sintomas nito. Ang napabayaan at hindi nalunasan na gingivitis ay maaring mauwi naman sa seryosong kondisyon na kung tawagin ay periodontis o ang tuluyang pagkawala ng ngipin.

2. Malnutrition

Ang kakulangan sa vitamins gaya ng B at C ay maari ring magdulot ng gum swelling. Lalo pa’t ang vitamin C ang tumutulong sa maintenance at repair ng ating ngipin at gilagid.

Kung masyadong mababa ang vitamin C ng katawan ay maaring magkaroon ng scurvy na nagiging dahilan naman ng anemia at gum disease.

3. Impeksyon

Ang pagkakaroon ng impeksyon dulot ng fungi at viruses ay nagdudulot rin ng pamamaga ng gilagid.

Tulad ng herpes na maaring mauwi sa kondisyon na kung tawagin ay acute herpetic gingivostomatitis.

4. Pagdadalang-tao

Ang pamamaga ng gilagid ay maaring dulot din ng pagdadalang-tao. Ito ay dahil sa hormone rush sa katawan ng buntis na nag-iincrease ng blood flow sa gilagid. Ang increase blood flow na ito ang nagiging dahilan para mas madaling ma-iritate ang gilagid at mauwi sa pamamaga.

Dahil din sa hormonal changes na nangyayari sa katawan ng buntis ay humihina ang katawan nito sa paglaban sa mga bacteria na nagdudulot ng gum infections. Isang dahilan na nagpapataas ng tiyansa ng buntis na magkaroon ng gingivitis.

gamot-sa-pamamaga-ng-gilagid

Gamot sa pamamaga ng ngipin at gilagid | Image from Freepik

Gamot sa pamamaga ng gilagid at ngipin

Ang gamot sa pamamaga ng gilagid at ngipin ay kailangang malaman agad lalo na kung halos dalawang linggo na ang pamamaga nito.

Depende sa naging dahilan ng pamamaga ang ireresetang gamot ng iyong dentista.

Ngunit madalas ang gamot sa pamamaga ng gilagid at ngipin ay mga oral rinses na makakatulong para makaiwas sa gingivitis at mabawasan ang plaque sa ngipin.

Kung malala naman na ang kaso ng gingivitis ay maaring kailanganin na ng surgery. Ang treatment option na karaniwang ginagawa ay scaling at root planning. Sa procedure na ito ay kinakayod ng dentista ang dental plaque, tartar at diseased gums na bumabalot sa ngipin.

gamot-sa-pamamaga-ng-gilagid

Gamot sa pamamaga ng ngipin at gilagid | Image from Freepik

Ngunit maliban sa medikal na paraan ay may mga paraan at gamot sa pamamaga ng gilagid at ngipin na maaring gawin sa loob ng bahay. Ito ay ang sumusunod:

  • Para hindi mairita ang gilagid ay i-brush ito at i-floss ng dahan-dahan.
  • Magmumog ng tubig na may asin para mapatay ang mga bacteria sa iyong bibig.
  • Uminom ng maraming tubig. Ito ay para ma-istimulate ang production ng saliva at mapahina ang disease-causing bacteria sa loob ng bibig.
  • Iwasan ang mga matatapang na mouth wash, alcohol at sigarilyo para hindi ma-iritate ang namamagang gilagid.
  • Maglagay ng warm compress sa affected area sa mukha para mabawasan ang pananakit ng gilagid, Ang cold compress naman ay makakatulong sa pagpapahupa ng maga.

Para naman maiwasang magkaroon ng namamagang gilagid ay dapat panatilihin ang proper oral care at kumain ng masusustansiyang pagkain.

Kailangan ring regular na bumisita sa dentista isang beses kada anim na buwan para magpalinis ng ngipin at magpakonsulta.

Paano ko ito maiiwasan?

Mahalaga na ugaliin ang proper oral care katulad ng paglilinis lagi ng ngipin. Isa ring importanteng kasama nito ang pagkain ng masustansya at mayaman sa nutrisyon napagkain. Mapapatibay nito lalo ang iyong ngipin kasabay ang palagiang paglilinis ng ngipin. Komunsulta sa iyong dentista para matutukan ng maigi ang pag-aalaga sa ngipin.

Ang tamang pag-aalaga ng ngipin ay mas maganda kaysa sa mag gamot pa sa pamamaga ng gilagid at ngipin.

 

Sources: Healthline , Stonebridge Dental

Basahin: Nana sa gilagid at ngipin: Sanhi, sintomas at lunas

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Article Stories
app info
get app banner