Sipon ng bata: Sanhi, sintomas at lunas

Sipon ng bata: Sanhi, sintomas at lunas

Panahon na naman ng tag-ulan at taglamig, kaya't umaatake na naman ang sipon. Alamin ang lahat ng dapat malaman tungkol sa viral infection na ito.

Panahon ng tag-ulan karaniwan umaatake ang sipon. Mga batang 6 na taong gulang pababa ang pinakamadaling dapuan ng viral infection na ito, bagama’t ito rin ang pinakakaraniwang nagiging sakit sa kahit ano pang edad. Kadalasang tanong ng mga magulang: “Ano ang mabisang gamot sa sipon ng baby at ng bata?”  

Sanhi ng sipon

Ito ay isang viral infection ng ilong at lalamunan, partikular sa upper respiratory tract. Common colds ang tawag, at wala namang dapat ikabahala kapag dinapuan nito dahil hindi ito delikado. At dahil virus ang dahilan, madaling nakakahawa at naipapasa-pasa lalo na sa isang pamilya o sa eskwelahan.

Maraming uri ng virus ang nagiging sanhi ng sipon, pero pinakakaraniwan ang rhinoviruses. Sa bibig, ilong at mata dumadaan ang virus, papunta sa buong katawan. Nakukuha ang virus sa paghawak o pagbahing, pati pag-gamit ng mga kubyertos o gamit ng may sakit.

Mas mahina ang resistensiya sa sipon ng mga may sakit sa baga, at kung ikaw ay madalas nakakalanghap ng usok ng sigarilyo (o naninigarilyo). Ngunit ‘wag mag-aalala dahil may mga gamot sa sipon ng baby na makakatulong sa kanila.

Sintomas ng sipon

Mararamdaman nang sisipunin kapag nahihirapan nang huminga (sa ilong) at nagsisimula nang bumahing nang madalas. Pagkatapos ay lalabas na ang sipon sa ilong at mangangati ang lalamunan.

Minsan ay may kasamang pag-ubo at bihira pero nangyayari, ang pagkakaron ng lagnat. Kapag lumalala, nariyan na din ang pagbabara ng ilong, pananakit ng katawan at ulo.

Hirap sa pag-galaw kapag may malalang sipon. Sintomas din ito na papunta na sa trangkaso ang sakit.

Sa kalaunan ay magiging mas makapal at berde ang sipon na lumalabas sa ilong. Ibig sabihin nito ay may bacterial infection na.

gamot-sa-sipon-ng-baby

Gamot sa sipon ng bata | Image from Freepik

Kailan dapat kumunsulta sa doktor

Para sa mga edad 18 pataas, dapat nang magpatingin sa doktor kung ang lagnat ay higit sa 38.5°C at tumagal na ng 5 araw o higit pa, kapag hirap nang huminga at may malalang sore throat na o sinus pain.

Sa mga bata, hindi naman dapat ikabahala ang sipon, maliban na lang kung may kasamang lagnat na 38°C ang isang sanggol na hanggang 12 weeks (3 months) ang edad, patuloy na tumataas ang lagnat, at tumatagal na ng higit sa 2 araw, sumasakit ang tainga at ulo, nahihilo walang ganang kumain at lumalala din ang ubo.

Ilang komplikasyon ng sipon ay acute bronchitis at pulmoniya.

Ano gamot sa sipon ng bata?

Walang direktang gamot sa sipon ng bata para mapuksa ang virus na sanhi ng sipon.

Hindi epektibo ang anumang antibiotics laban sa virus na nagdadala ng sipon ng baby. Karaniwang tumatagal sa sistema ng katawan nang hanggang 10 araw ang sipon, bagamat may mga sintomas na hanggang 3 linggo nararamdaman.

Kung hindi buntis, makakatulong ang aspirin, acetaminophen, o ibuprofen para sa sakit ng ulo at lagnat, payo ni Apple Tagatha, RN, isang school nurse. HUWAG bibigyan ng aspirin ang batang 16 na taong gulang pababa.

Hindi rin dapat binibigyan ng over-the-counter na gamot sa sipon ng baby. Katulad ng decongestants, nang walang pahintulot ng pediatrician nito.

Bagamat walang gamot sa sipon ng baby, may mga puwedeng gawin para maibsan ang mga sintomas nito, ayon kay nurse Apple.

  • Kung breastfed ang baby, panatilihin ang pagpapasuso dito. Lubos na masustansya ang gatas ng ina at nagbibigay ito ng karagdagang antibodies para malabanan ni baby ang sakit.
  • Kapag umiinom na ng tubig ang baby (mula 6 na buwan pataas), hayaan siyang uminom ng tubig upang mapanatili siyang hydrated. Kapag dehydrated at may sipon, mas lumulubha ang mga sintomas.
  • Gumamit ng humidifier para sa gamot sa sipon ng baby.
  • Kapag barado ang ilong ng baby, gumamit ng nasal aspirator para makahinga ito ng mabuti.
gamot-sa-sipon-ng-baby

Gamot sa sipon ng bata | Image from Unsplash

Para sa mga older kids:

  • Ang mabisang gamot sa sipon ng bata ay ang pahinga. Mahiga, huwag gumawa ng mabigat na gawain, at matulog ng maayos. Ito ay para maging matibay ang immune system at malabanan ang anumang virus.
  • May mga nagpapayo ng steam therapy o pagpapausok gamit ang usong ng kumukulong tubig na may Vicks Vaporub o mint, para makatulong sa baradong ilong. Dapat lang na maging maingat na hindi mabanlian ng tubig.
  • Kumain ng mga pagkaing mayaman sa Vitamin C, na nakakapagpatibay ng immune system at nalalabanan ang mga viral infections tulad ng sipon at ubo.

Mabisang gamot sa sipon ng baby ay herbal?

Kung naghahanap ka ng mabisang natural na gamot sa sipon ng baby, narito ang listahan para dito:

1. Tubig

Isa sa pinaka old style ng paggamot ng sipon ng baby o bata ay ang pag-inom ng tubig. Nakakatulong kasi ang water therapy para mapalambot ang sipon na nakabara sa ilong ni baby.

gamot-sa-sipon-ng-baby

Gamot sa sipon ng bata | Image from Unsplash

2. Honey

Painumin lang ng honey ang bata bago matulong na maaaring maging gamot sa sipon ng baby at bata. Kilala rin itong pampagaling ng ubo.

3. Humidifier

Ang paggamit ng humidifier ay makakatulong sa bata para gumaan at lumuwag ang kanyang paghinga. Napapalmbot kasi nito ang mga plemang hindi malababas at naka-stuck lang sa loob ng katawan ng anak mo.

 

SOURCES: MayoClinic, MedinePlus; Apple Tagatha, RN

Basahin: Mga sintomas ng pulmonya sa baby na dapat bantayan

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Article Stories
app info
get app banner