Ikinasal na ang celebrity doktor na si Dr. Geraldine ‘Ging’ Zamora, sa kaniyang boyfriend na kapwa doktor din na si Dr. Lauro ‘Sonny’ Abrahan IV! Silipin ang moments sa kanilang wedding.
Mababasa sa artikulong ito:
- Silip sa kasal nina Dr. Geraldine ‘Ging’ Zamora at Dr. Lauro ‘Sonny’ Abrahan IV
- Love story nina Dr. Geraldine ‘Ging’ Zamora at Dr. Lauro ‘Sonny’ Abrahan IV
- Engagement nina Dr. Geraldine ‘Ging’ Zamora at Dr. Lauro ‘Sonny’ Abrahan IV
Dr. Geraldine Zamora at Dr. Sonny Abrahan
Noong nakaraang taon, lumabas ang balita na engaged na sina Dr. Geraldine Zamora at Dr. Lauro “Sonny” Abrahan IV.
Si Dr. Geraldine o mas kilala bilang Doc Ging ay isang rheumatologist.
Naging tanyag siya dahil sa kaniyang pagtulong sa mga lupus patients na hindi sapat ang pinansyal upang makapagpagamot. Dahil dito, pinarangalan siya bilang The Outstanding Young Men (TOYM) noong 2016. Madalas din siyang host ng Facebook health webinars dito sa theAsianparent.
Kagaya ni Doc Ging, nagtapos din ng medicine si Doc Sonny sa University of the Philippines. Pinili nito na mag-specialize sa interventional cardiology sa Philippine General Hospital (PGH). Advocate rin siya na magkaroon ng public awareness tungkol sa heart attack at congenital heart disease.
Sa isang post ni Doc Ging, pabiro nitong sinabi na hindi lamang gumagamot ng puso si Doc Sonny. Si Doc Sonny umano ang nag-hilom ng puso ni Doc Ging. (Nagkaroon ng unang asawa si Doc Ging kung saan mayroon siyang anak na babae.)
Photo: Nice Print Photography
Engagement shoot nina Doc Ging at Doc Sonny
Nito lamang nakaraang Valentine’s Day 2021, ibinahagi ng dalawa ang kanilang prenuptial photo shoot. Kinunan ito ng Nice Print Photography na siya ring nagsilbi na wedding photographer nila.
Napili nina Doc ang The Old Grove Farmstead sa Lipa, Batangas bilang kanilang engagement shoot location. Popular na wedding at events destination ang The Old Grove dahil sa kanilang farm-style setting. Mayroon itong maliit na pond, mga alagang sheeps, at isang malaking red barn.
Photo: Nice Print Photography
Makikita sa mga litrato nina Doc Ging at Doc Sonny na na-enjoy nila ang mga amenities ng lugar katulad ng boating at sheep-feeding. Sa kaniyang post tungkol sa shoot, inilarawan ni Doc Sonny ang kaniyang misis.
“The antithesis of a bridezilla, maintaining her calm composure while paddling furiously beneath the water.”
BASAHIN:
Marriage license at iba pang mga dapat mong ihanda bago magpakasal
Date Night: Reasons bakit kailangan niyong mag-date kahit kasal na
Wedding nina Dr. Geraldine ‘Ging’ Zamora at Dr. Lauro ‘Sonny’ Abrahan IV
Noong February 19, ginanap na ang wedding nina Dr. Geraldine Zamora at Dr. Lauro Abrahan IV. Sa harap ng kanilang pamilya at mga kaibigan, nag-“I do” ang dalawa sa San Pedro Calungsod Parish sa Antipolo Rizal.
Naging kakaiba ang wedding ng dalawa dahil naisipan nila Doc na imbis na tradisyunal na traje de boda sa babae at barong o Amerikana naman sa lalaki, puting PPE (personal protective equipement) suit ang napili nilang suotin!
Ayon sa PPE designer ng kasal na si Adrian Pe (na isa ring nurse), ideya raw ng malapit na kaibigan ni Doc Ging na si Kris Aquino ang pag-gamit ng PPE bilang wedding garment ng dalawa.
“As suggested by Ms @krisaquino, they chose to wear scrubs as their wedding garments as it touches the very core of their service; doing God’s work in healing. As a cardiac nurse, I can only say that matters of the heart transcends the unconquerable.”
Naka-embroider sa kanilang mga PPE ang kanilang mga pangalan.Photo: Nice Print Photography & Exige Weddings
At dahil na rin mayroon pa ring pandemya, mayroong mga kuha ang bagong kasal na may social distancing sa isa’t isa at nakasuot din ng mask!
Karaniwang sinusuot ng dalawa ang PPE kapag humaharap sa kanilang mga pasyente upang ma-protektahan sila sa COVID-19. Photo: Nice Print Photography & Exige Weddings
#maGingSonnykaman ang naging hashtag ng kanilang kasal. Ibinahagi ni Doc Ging na nakuha nila mula sa isang komento sa kaniyang Instagram account at suhestyon din ng isang kaibigang duktor ang pinanggalingan ng kanilang hashtag.
Hindi rin siyempre nawala sa kasal ng dalawa ang anak ni Doc Ging. Ibinahagi niya ang kanilang unang litrato bilang pamilya sa kaniyang Instagram account.
Naging makahulugan naman ang naging caption nito na, “What matters most.”
Photo: Nice Print Photography
Congratulations Doc Sonny at best wishes Doc Ging!
Wedding photos: Nice Print Photography & Exige Weddings
Source: Preview