Google sheet cheating, panibagong paraan ng pangangaliwa nabisto ng isang misis.
Mababasa dito ang sumusunod:
- Pangangaliwa ng mister nabisto ng isang misis.
- Google sheet cheating.
Pangangaliwa ng mister nabisto ng isang misis
Hindi naman na bagong kuwento ang may mahuling mister na nangaliwa. Sa panahon ngayon maraming mag-asawa ang biktima ng pagsubok na ito sa pagsasama. Maaring ang pangangaliwa ay dahil sa isang bagong kakilala, kaibigan, kapamilya o kaya naman ay katrabaho. Tulad nalang ng kuwento ng isang netizen sa nahuling pangangaliwa ng kaniyang supervisor sa misis nito. Ang 3rd party nga sa naturang kuwento ay kaniya namang ka-trabaho.
Ayon sa netizen, naisip niyang ibahagi ang kuwento sa social media bilang warning narin sa mga misis. Lalo na ang may nararamdamang kakaiba sa mister pero hindi mahuli-huli kung totoo ba ang hinala nila.
Pagbabahagi ng netizen, high tech narin ang pangangaliwa ngayon. Hindi lang basta text at tawag ang komunikasyon ngayon ng mga may hiwagang ginagawa. Mayroon naring iba’t-ibang social media app na maaring gamitin. Pero hindi niya akalaing mas may bago pa palang paraan ng cheating. Ito nga ang technique na ginawa ng supervisor niya na hindi nakalagpas sa mala-detective na talent ng misis nito.
Larawan mula sa Shutterstock
Google sheet cheating
“Gusto ko lang ito i-share dahil sobrang TALINO ng cheater na isa sa mga supervisor namin. Sumugod kasi ang asawa niya dito sa office namin at pinakita sa HR namin ang convo ng asawa niya at kabit na sales staff namin gamit ang google sheet file ng company. Ang file name “SALES REPORT”. Paano mo yan paghihinalaan di ba? Iba na pala ang nirereport.”
Ito ang pagbabahagi ng netizen sa kaniyang post sa isang page.
Ang google sheet ay isa sa office platform na ginagamit ng maraming kumpanya ngayon. Dahil dito puwede mag-upload ng mga reports at documents na puwedeng ma-edit at ma-access ng kahit sinumang may link nito. Sa madaling salita, puwedeng magusap dito ang dalawang tao na parang nag-tetext pero mas discreet at maari lang mabuksan ng sinumang may link. Ito ay unique at bagong paraan ng cheating na hindi agad mahuhuli ni mister o ni misis lalo na kung hindi naman siya techy.
Larawan mula sa Shutterstock
“Kahit anong paraan na talaga kung talagang cheater wala kang magagawa.”
Ito ang sabi pa ng concerned netizen na ibinulgar ang google cheating technique.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
