Bawat linggo ng iyong pagbubuntis: Ikaw at si baby sa ika-10 linggo
Your baby may be a size of a prune but he is starting to toughen up thanks to his now hardening bones. His fingers and toes are also developing along with fingernails. As for you, find out what type of food and activities you should avoid to reduce pregnancy risks.
Gaano na kalaki ang iyong sanggol?
Ang development ng iyong sanggol
Dito sa aming guide sa pagbubuntis, matututunan mo ang mga sumusunod:
- Napakabilis ng development ng utak ng iyong sanggol: halos 250,000 na neurons o brain cells nag nabubuo kada minuto!
- Lahat ng kaniyang organs ay buo na, at nagsisimula nang gumana.
- Naghihiwalay na ang kaniyang mga daliri sa kamay at paa, at tumutubo na rin ang kaniyang mga kuko.
- Nagsisimula na ring tumigas ang kaniyang mga buto buto.
- Tumutubo na ang mga buds para sa kaniyang ngipin.
- Kung lalaki ang iyong sanggol, nagsisimula nang gumawa ng testosterone ang kaniyang katawan.
Sintomas ng pagbubuntis
- Kung nakakaranas ka ng morning sickness, malaki ang posibilidad na hindi pa rin ito nawawala.
- Madalas kang nagkakaroon ng kabag, at minsan, kahit nakakahiya, ay baka mapadighay o mapa-utot ka.
Pag-aalaga sa sarili
- Para makaiwas sa pagkahilo at pagsusuka dahil sa morning sickness, sumubok ng iba't-ibang pagkain. Nakakatulong sa ibang mga ina ang pagkain ng crackers at hindi gaanong malasang mga pagkain. Nakakatulong rin daw ang pag-inom ng vitamin B6 at B12 upang labanan ang pagkahilo.
- Umiwas muna sa mga sushi, sashimi, o kaya mga pagkain na hilaw. Ito ay dahil hindi mabuti sa mga buntis ang magkaroon ng food poisoning, dahil maaapektuhan nito ang iyong sanggol.
- Kung may nakikita kang spotting, o kaya discharge, magpunta kaagad sa iyong gynecologist. Ito ay dahil pinakamataas ang posibilidad ng miscarriage sa unang trimester ng pagbubuntis.
- Umiwas sa pagbubuhat ng mga mabibigat. Ito ay dahil posibleng makadagdag ito sa panganib ng miscarriage.
Ang iyong checklist
- Kumain ng pagkain na mataas sa folate, vitamins, at calcium, tulad ng spinach, prutas, at dairy products.
- Maglakad-lakad upang ma-exercise ang iyong katawan at makalanghap ng sariwang hangin. Mahalaga ang iyong kalusugan sa panahong ito, kaya't mabuting gumawa ng light exercise para mapanatili ang lakas ng iyong katawan.
- Nakakatulong din ang prenatal massage upang ikaw ay marelax at mawala ang mga sakit ng katawan na iyong nararamdaman.
Isinalin sa Filipino ni Alwyn Batara
Basahin: Bawat linggo ng iyong pagbubuntis: Ikaw at si baby sa ika-9 linggo
Kung ano mang opinyon o ideya ang naibahagi dito ay sariling opinyon at ideya ng may katha; at walang kinalaman at hindi nagsasaad ng posiyon ng theAsianparent at ang mga cliente nito.
Article Stories
