Heart Evangelista may class na sinagot ang basher niyang tinawag siyang gold digger.
Mababasa dito ang sumusunod:
- Sagot ni Heart Evangelista sa basher na tinawag siyang gold digger
- Pagsasama ni Heart at Chiz at ang take nila tungkol sa isyu ng pera sa pagitan ng mag-asawa
Sagot ni Heart Evangelista sa basher na tinawag siyang gold digger
Isang basher na naman ang hindi pinalampas na sagutin ng fashion icon na si Heart Evangelista. Kahapon sa Twitter ay minention ng Twitter user na si Basher Ng Bayan si Heart at sinabing ito raw ay gold digger.
“Si [Heart Evangelista] is a gold digger is a fact.”
Ito ang sabi ng Twitter user.
Si Heart agad namang sinagot ang naturang basher na may class na lagi niya namang ginagawa. Ang sagot niya ay may kasamang pangi-empower sa mga kababaihan.
“I don’t need anyone to survive. I am a woman and a woman can be or do anything she wants if she wills it. Remember I said that.”
Ito ang diretsahang sagot ni Heart sa basher na tinawag siyang gold digger.
Ang mga netizens agad rin namang to the rescue kay Heart. May sagot din sila sa paratang ng basher ng kilalang fashion icon sa ngayon.
Pagtatama ng isang netizen sa tweet ng basher ay baka nagkakamali lang ito. Dahil hindi tulad ng paratang niya si Heart ay hindi umaasa sa bigay ng kaniyang asawa.
“Baka goal digger. Heart never asked anything from any man but if she asks from his husband, thats because they are husband and wife not because she’s a gold digger.”
Payo naman ng isa pang Twitter user kay Heart, deadma sa mga nega niyang basher. Dahil si Heart ay isang incredible woman na hinahangaan niya.
“Don’t pay any attention to hate. You’re an incredible woman and I admire & love you so much. You have done and continue to do so much, don’t let the haters get to you.”
Ito ang sabi naman ng isa pang Twiitter user.
Ang sabi naman ng ibang netizen, malamang very happy ang basher dahil pinansin ito ni Heart. Kasunod ng pagtatanggol kay Heart na rich naman daw na bago pa makapangasawa.
“Saya nyan napansin sya hehe. Heart is already rich even before she married his husband.”
Iba pang hateful comments at pangba-bash kay Heart
Image from Heart Evangelista Instagram
Maliban sa kaniyang nagagandahan at nagmamahalang outfit, kilala rin si Heart sa pagsagot sa mga basher niya. Nito ngang nakaraang buwan ay hindi niya pinalampas na sagutin ang isang netizen na nagkomento na para siyang baliw sa pagdadamit dahil walang anak na pinag-aabalahan.
“Para ka ng nababaliw, wala kasing anak na pagkaabalahan.”
Ito ang komento ng isang netizen sa Instagram video ni Heart na nagbibigay ng fashion tips sa kaniyang followers. Si Heart hindi pinalampas ang negative comment na ito ng naturang basher. Ito ang may class ngunit may hagupit na sagot ni Heart sa kaniyang basher.
“UL*L. The only word your vocabulary can attain.”
Samantala, hindi lang ito ang pangbabash na natanggap ni Heart mula sa mga netizens.
Sa kaniyang YouTube channel kung saan ipinakita niya ang naging mini honeymoon nila ng mister na si Chiz Escudero noong nakaraang taon ay may isang netizen na may alegasyon na wala raw umanong kakayahang magkaanak si Heart Evangelista.
Sa kaniyang Twitter account ay minsan naring nagbigay si Heart ng statement niya tungkol sa hindi matapos-tapos na komento ng mga netizens sa hindi niya pagkakaroon ng anak. Ayon sa aktres, nasasaktan siya sa tuwing nakakabasa ng comments tungkol sa pagbubuntis. Sa ngayon ay kontento siya sa buhay niya at ang pagkakalooban ng anak ay bonus nalang.
“Ok na sana lahat, stop telling me to get pregnant unless you really want to hurt me. Nobody knows the real struggle. Also may I add, life is good. People I love are fine and everything else in between is ok so bonus na lang if I do conceive again. It’s my body.”
Ito ang sabi ni Heart tungkol sa isyu ng pagbubuntis at pagkakaroon niya ng sariling anak.
BASAHIN:
Heart at Chiz pagdating sa usaping pera
Larawan mula sa Instagram account ni Heart Evangelista
Pagdating naman sa usaping pera, ay minsan naring binigyan linaw ni Heart at Chiz ang isyung ito sa kanilang pagsasama. Si Chiz aminadong kumikita ng sarili niyang pera si Heart pero hindi ito isyu sa kaniya at sa pagsasama nila.
“By tradition, usually men provide pero sa mundo ngayon hindi na rin kasi may mga sitwasyon na mas maraming kinikita ‘yong babae tulad mo. Hindi naman masama, kawalan o sampal sa lalaki.”
Ito ang sabi ni Chiz kay Heart sa isa sa mga adulting vlogs nila.
Sa parehong vlog episode ay sinabi rin ni Chiz na binibigyan niya pa rin ng allowance si Heart kahit ito ay kumikita ng sarili niyang pera. Ito ay para naman daw sa basic needs ni Heart at hindi para sa mga luxuries o luho niya.
“A lot of people asked this. Even if I’m earning my own money, do you still give me allowance?”
Ito ang tanong ni Heart kay Chiz.
“Yes. For basics, not for the luxuries.”
Ito naman ang sagot ni Chiz na agad sinundan ni Heart.
“Yes, he does give me allowance. For essentials, like food, especially when I travel with a lot of people ganyan, and gas. Tsaka may konting leeway naman siya, pang-Zara Zara lang ba so happy tayo diyan.”
Ito ang natatawang sabi pa ni Heart.