Indoor Easter games at activities ba na maaring gawin sa loob ng bahay ang hanap mo para iyong pamilya? Puwes, narito ang ilang family Easter games ideas na maaari ninyong subukang gawin.
Indoor Easter games at activities
Matapos ang pagninilay-nilay sa Semana Santa o Holy Week ay sunod namang ipinagdiriwang ang Linggo ng Muling Pagkabuhay ni Hesus. Ito ay kilala sa tawag na Easter Sunday na kung saan iba’t-ibang makukulay na activities ang ginagawa. Partikular na ang may kaugnayan sa mga Easter eggs na hindi lang nai-enjoy ng mga bata kung hindi pati narin ng matatanda.
Marahil sa ngayon, dahil sa lockdown, ang pinoproblema mo ay kung paano ninyo ito maipagdiriwang ng buong pamilya. Hindi ka na dapat mag-alala dahil may mga indoor Easter games and activities ang maari ninyong gawin. Para nga mabigyan ka ng idea ay narito ang ilang family Easter games na inyong magagawa sa loob lang ng inyong bahay. Hindi lang nito bibigyang saya ang muling pagkabuhay ni Hesus kung hindi mas pasisiglahin rin nito ang pagsasama ng inyong pamilya.
Family Easter games
1. Easter Egg Hunt
Sino nagsabing sa labas lang ng bahay puwedeng gawin ang Easter egg hunt? Puwede ninyo rin itong gawin sa loob ng bahay ninyo na kasing exciting rin kung sa labas gagawin.
Kaysa magkalat ng mga eggs sa mga sulok ng inyong bahay, ay magbigay ng trail clues kung saan matatagpuan ang natatanging Easter egg na may katumbas na premyo. Puwedeng, gumamit ng bugtong o logic questions sa mga trail clues papunta sa Easter egg. Sa ganitong paraan ay hindi lang nag-ienjoy ang mga bata sa laro kung hindi may natutunan rin silang bago.
Kung gusto naman ng dagdag na thrill ay gawin ang Easter egg hunt sa gabi. Bumili lang ng mga glow in dark eggs o accessories na mag-guguide sa mga chikiting papunta sa hinahanap nilang itlog.
2. Egg and Spoon Race
Kung may malaking space naman kayo sa inyong bahay ay subukan ang Egg and spoon race. Hatiin sa dalawang grupo ang inyong pamilya. Maghanda ng itlog o hindi kaya naman ay plastic eggs upang hindi maging makalat kapag nahulog. Ipatong ito sa kutsara at saka magpaunahan ang dalawang grupo na maihatid ang itlog sa finish line ng hindi nahuhulog. Para mas magkaroon ng thrill ay maaring maglagay ng obstacle course na nadadaanan ng kada grupo papunta sa finish line.
3. Easter Egg Toss
Pagpares-paresin ang miyembro ng pamilya. Sa una ay dapat magkalayo muna ang bawat pares ng isang metro ang sukat. Kung gagamit ng hilaw na itlog sa larong ito ay mas mabuting lumang damit ang suot ng bawat isa. Maari rin namang gumamit ng lutong itlog para hindi masyadong makalat kapag nahulog.
Simulan ang laro sa paghagis ng itlog ng bawat pares sa isa’t-isa ng hindi nahuhulog. Mas magiging exciting kung magpapatutog ng upbeat music habang ito ay ginagawa. Magbigay ng oras kung gaano katagal magpapasahan ang mga pares ng itlog. Ang sinumang matagumpay na matapos ang oras ng hindi nahuhulog ang itlog ay tutuloy sa susunod na round na kung saan madadagdagan ng isa pang metro ang layo ng bawat pares sa isa’t-isa.
Ang huling pares na hindi nakabasag ng itlog ang panalo sa laro. O kaya naman imbes na magpares-pares, ay gumamit ng mga basket na kung saan dapat matagumpay na mai-shoot ang mga itlog ayon sa mga kulay nila.
4. Easter Egg Scrabble
Maglaro ng scrabble na may Easter twist. Hatiin muli ang miyembro ng pamilya sa dalawa. Ihanda ang scrabble board na kung saan ang bawat team ay dapat makabuo ng mga salita na may kaugnayan sa Easter o Linggo ng Pagkabuhay. Kung sinong pinakamaraming mabuong salita sa dalawang team ang siyang mananalo sa laro.
5. Easter Egg Matching Game
Ang Easter egg matching game ay isang laro na siguradong mai-enjoy ng mga maliliit na bata. Maghanda ng mga plastic eggs. Saka sulatan ang kalahating parte ng bawat itlog ng kada isang letra sa alphabet. Ang isang kahalati ay dapat puro malalaking letra o upper case letter ang nakasulat. Habang ang isa pang kalahati ay mga maliliit na letra o lower case letters naman ang nakasulat.
Ilagay sa isang basket ang mga itlog at saka i-instruct ang iyong mga anak na i-match ang mga maliliit na letra sa malalaking letra na kapareha nito upang mabuo ang mga itlog.
6. Easter Charades o Easter Pinoy Henyo
Isang exciting na laro rin para sa buong pamilya ay ang charades o kaya naman ay Pinoy Henyo. Lagyan lang ito ng Easter touch na kung saan ang mga pahuhulaang character o items ay may kaugnayan sa selebrasyon.
7. Easter Eggs-ercises
Gawin namang egg-citing ang isang Question and Answer game. Maghanda ng mga tanong na may kaugnayan sa Easter. At maghanda rin ng isang basket ng mga plastic eggs na may nakasulat na exercise o consequence sa loob. Ang sinumang makakasagot ng tanong ay makakatanggap ng premyo. Habang ang magkakamali ay kukuha ng isang itlog sa basket at gagawin ang exercise o consequence na nasa loob nito.
8. Easter Egg Puzzles
Maglagay ng bawat piraso ng jigsaw puzzle sa loob ng plastic eggs. Saka ito paunti-unting pabuksan hanggang sa ang puzzle ay mabuo.
9. Easter Egg Painting
Puwede rin kayong magpaligsahan sa pagpinta o decorate ng mga Easter eggs. Dito ay maari kayong humingi ng tulong ng mga friends ninyo sa social media upang magdecide kung sino ang mananalo.
I-celebate ang inyong Easter Sunday na puno ng sigla at saya kasama ang buong pamilya gamit ang indoor Easter games na nabanggit.
Source:
Stuff, Country Living, Featured photo
ALSO READ: Throw a last-minute Easter party in 4 easy steps!
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
