4 na dahilan kung bakit hindi dapat uminom ng antibiotic nang walang reseta

4 na dahilan kung bakit hindi dapat uminom ng antibiotic nang walang reseta

Narito ang mga dahilan kung bakit hindi dapat umiinom ng antibiotics na walang reseta.

Pag-inom ng antibiotics ng walang reseta, bakit nga ba ito masama at ipinagbabawal? Narito ang mga dahilan.

Pag-aaral tungkol sa pag-inom ng antibiotics ng walang reseta

Ayon sa isang pag-aaral na nailathala sa Annals of Internal Medicine journal, 14 to 48% ng populasyon sa US ang nagtatabi ng antibiotics para sa kanilang future use. Ito ay dahil mahigpit na ipinagbabawal na makabili ng kahit anong antibiotics sa mga drugstores o botika ng walang reseta mula sa doktor.

At tulad sa US ay ganito rin ang patakaran ng pagbebenta ng antibiotics sa Pilipinas. Dahil maliban sa makakamura kaysa sa pagpapakonsulta pa sa doktor, marami sa atin ang nagseself-medicate o kaya naman ay ipinapaubaya kay Google ang problema. Sa pamamagitan kasi ng internet ay mas nagiging accessible sa atin ang mga impormasyon na nais nating malaman lalo na kung may kaugnayan ito sa ating kalusugan.’

Ngunit ayon sa mga ekpesto ang pag-inom ng antibiotics ng walang reseta ay masama at maaring mag-dulot na side effects sa ating kalusugan.

pag-inom ng antibiotics ng walang reseta

Image from Mayo Clinic

Dahilan kung bakit ito masama

Maari itong mauwi sa antibiotic-resistant o ang pagiging immune ng bacteria sa antibiotics na iniinom.

Ang isa pangunahing dahilan kung bakit masama sa ating kalusugan ang pag-inom ng antibiotics ng walang reseta ay dahil maaring mauwi ito sa antibiotic-resistant. O ang paglalakas sa mga “superbugs” na nagiging dahilan para ma-limatahan ang abilidad ng katawan na labanan ang mga impeksyon.

Ayon kay Dr. Alexis Halpern, isang emergency medicine physician sa NewYork -Presbyterian/Weill Cornell Medical Center, dapat daw ay walang nagiging leftover antibiotics o mga tirang antibiotic mula sa naunang reseta. Dapat daw ay inuubos inumin ang niresetang antibiotic ng doktor para tuluyang mapuksa ang mga bacteria na nagdudulot ng impeksyon. Dahil kung hindi ang bacteria na dapat ay papatayin nito ay magiging immune at resistant lang sa antibiotic. At hindi na basta-basta mapapatay pa ng antibiotics.

“Think of it like you’re killing something with a poison and you think it’s dead, but it’s not yet,” she added. “Now that it’s become exposed to that poison, or antibiotic, it can grow stronger and might not be killed by it next time. This is how resistance happens”, paliwanag ni Dr.Halpern.

Isang halimbawa nga daw ng kaso ng antibiotic resistance ay ang 2 million infections na naitala noong 2013 sa US na nagdulot ng pagkamatay ng 23,000 na katao. Ito ay ayon kay Dr. Aya Moses, isang family physician mula sa CareMount Medical sa New York.

pag-inom ng antibiotics ng walang reseta

Image from Xtalks

Maaring maling antibiotic ang iyong inumin na may kaakaibat na side effects sa iyong kalusugan.

Hindi lahat ng antibiotics ay pare-pareho, bawat impeksyon ay may angkop na uri ng antibiotics na dapat inumin. Kaya mahalaga ang pagpapakonsulta muna sa doktor at pagpapareseta ng antibiotics na angkop sa iyong sakit.

May mga sakit naman na hindi malulunasan ng antibiotics lalo na kung ito ay dahil sa isang virus at hindi dahil sa impeksyon. At higit sa lahat ang pag-inom ng antibiotics na walang reseta ay may kaakibat na side effects sa kalusugan.

“Antibiotics can cause a wide range of side effects. These can include serious allergic reactions and even other infections, as antibiotics can kill off the population of beneficial bacteria in the body”

Ito ang pahayag ni Dr.Christopher Hanifin, Chairman ng department of physician assistant, at assistant professor sa Seton Hall University sa New Jersey.

Ang mga naitago o naitabing antibiotics ay maaring hindi na effective.

Ayon parin kay Dr.Hanifin, ang mga pag-inom ng antibiotics na walang reseta o yung mga leftovers na ay maaring hindi narin maging effective.

Tulad nalang ng mga liquid antibiotics para sa mga bata na nag-eexpire kung hindi agad iinumin o i-rerefrigerate. Ganoon din daw ang mga antibiotic tablets na nadedegrade ang effectiveness lalo na kapag itinatago sa mainit o kaya naman ay sa mahalumigmig o humid area sa bahay tulad ng bathroom o paliguan.

Ang mga antibiotics na nabibili online o gray market ay madalas na expired at less effective.

Bagamat maari paring makabili ng antibiotics ng walang reseta sa mga online shops o gray market, mariing ipinapayo ng mga doktor na maaring hindi ito ligtas. Lalo pa’t walang kasiguraduhan sa kung anong ingredients ang taglay ng mga ito.

“Gray market antibiotics are often expired, less effective, unregulated, use non-standard dosing, or aren’t manufactured for human use — all of which further drives antibiotic resistance.” Ito ang paliwanag ni Dr. J.D. Zipkin, isang board-certified doctor ng internal medicine and pediatrics.

Dagdag pa niya, ang tamang gamot lang ang makakapatay sa isang partikular na sakit. Kung huhulaan ng isang pasyenteng may sakit ang gamot na dapat niyang inumin ay mataas ang tiyansa na hindi niya matatanggap ang tamang treatment na kaniyang kailangan.

Kaya naman paalala ni Dr. Zipkin, mahalaga ang pagpapakonsulta sa doktor at pag-inom ng antibiotics na may reseta. Ito ay para masiguro na mabibigyang lunas ang sakit na nararanasan at maiiwasan ang mga side effects na maidudulot nito sa kalusugan.

 

Source: Healthline
Photo: Xtalks

Basahin: Should we be worried about antibiotic-resistant bacteria?

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner