X
theAsianparent Philippines Logo
theAsianparent Philippines Logo
EnglishFilipino
Product GuideSign in
  • Building a BakuNation
  • Para Sa Magulang
    • Nagplaplanong Magbuntis
    • Pagbubuntis
    • Pangaganak
    • Nawalan ng baby
    • Project Sidekicks
  • Anak
    • Newborn
    • Sanggol
    • Toddler
    • Pre-Schooler
    • Bata
    • Pre-Teen At Teen
  • Pagpapalaki ng anak
    • Gabay ng Mga Magulang
    • Balita
    • Relasyon
  • Kalusugan
    • Mga sakit
    • Allergies at mga kundisyon
    • Mga Bakuna
  • Edukasyon
    • Preschool
    • K-12
    • Edukasyon ng special children
  • Lifestyle
    • Mga kilalang tao
    • Contest at promotions
    • Bahay
    • Bakasyon
    • Fashion
    • Fitness
    • Wellness
    • Pinansyal
  • VIP Community
  • Pandemya ng COVID-19
  • Press Releases
  • TAP Picks
  • Shopping
  • Awards
    • Parents' Choice Awards 2023

Paksiw na Bangus Recipe, Pinasarap at Pina-level Up

4 min read
Paksiw na Bangus Recipe, Pinasarap at Pina-level Up

Subukan na ang Paksiw na Bangus recipe na ito na pina-level up na tiyak na magugustuhan ng buong pamilya!

Mahilig ka ba sa maasim? Subukan ang Paksiw na Bangus recipe na ito!

Ano bang ibig-sabihin kapag sinabihan kang, “Amoy paksiw ka!” Ibig-sabihin lang naman nito ay maasim ang amoy mo.  Pero huwag ka nang magalit. Magluto ka na lang ng masarap na Paksiw na Bangus gamit ang recipe na ibabahagi namin sa’yo.

Mababasa sa artikulong ito:

  • Mga sangkap na kailangan sa Paksiw na Bangus
  • Mga dapat tandaan sa pagluluto ng Paksiw na Bangus
  • Paksiw na Bangus recipe na magpapakilig sa buong pamilya

Sinigang o Paksiw?

Pagdating sa ulam, mahilig tayong mga Pinoy sa maasim. Kaya nga marami tayong iba’t ibang klase ng sinigang na ginagamitan ng sari-saring paampaasim.

Pero alam niyo ba na kapag suka ang ginamit na pampaasim sa isang ulam, hindi na ito pwedeng tawaging sinigang. Paksiw na ang tawag dito.

Meron ring iba’t ibang klase ng paksiw, depende sa kung ano ang sahog na ginamit. Merong paksiw na baboy, pusit, pero ang pinakamadalas na pinapaksiw ay iba-ibang klase ng isda.

Bakit mas sumasarap ang Paksiw habang tumatagal?

Kadalasang inuulam ang paksiw sa tanghalian o hapunan, pero meron ding mga taong gustung-gusto itong kainin sa almusal kapares ang sinangag.

Masarap ito kainin kapag bagong luto, pero masarap pa rin kinabukasan. Kapag itinabi ito sa ref ng ilan pang araw, mas kumakapit ang lasa ng suka, luya at paminta kaya mas malinamnam ito.

Paksiw na Isda

Ang pinakasimpleng bersyon ng paksiw ay meron lamang apat na sangkap – isda, luya, suka at pamintang buo. Pero pwede rin itong lagyan ng mga gulay tulad ng ampalaya, talong, sibuyas na puti o bawang. Tapos may siling haba—‘yung berdeng sili na tinatawag ring siling pangsigang.

 

paksiw na bangus recipe

Masarap ipares ang paksiw sa mainit na kanin. Larawan mula sa iStock

Dapat tandaan sa pagluluto ng Paksiw na Bangus

Importanteng tandaan na sa pagluluto ng paksiw: kapag inilagay na ang suka, huwag itong hahaluin agad. Pakuluin muna ito ng ilang mga minuto nang hindi ito hinahalo.

Mayroon kasing naniniwala na kapag hinalo agad ito pagkalagay ng suka, mahihilaw ang suka. Kaya kapag hinalo mo ito agad, mangingibabaw ang matapang na lasa ng suka kahit kumulo na ito.

Gayundin, sa hindi ko maunawaang dahilan, hindi kinakaliskisan ang isdang ginagamit sa pagluluto ng Paksiw na Bangus. Kaya kung bibili ka sa palengke, tatanungin ka ng tindero o tindera kung pangsigang o papaksiwin mo ang isda. Kapag sinabi mong paksiw, hindi niya aalisin ang kaliskis.

Isang posibleng dahilan ay pinoprotektahan ng kaliskis ang laman ng isda ng bangus para hindi ito madaling madurog kahit pakuluan pa ito sa suka ng matagal.

May iba’t ibang klase ng isda na pinapaksiw. May paksiw na tawilis, paksiw na galunggong, paksiw na tulingan at iba pa. Pero ang pinakamadalas na niluluto ay Paksiw na Bangus. Ito ituturo namin sa’yo ngayon.

BASAHIN:

Easy to make Beef Mechado recipe na mae-enjoy ng buong pamilya!

Lechon Paksiw: Ang masarsang recipe para sa Lechon leftover (with homemade lechon sauce)

Inihaw na bangus: Pinasarap na version ng classic inihaw recipe

Paksiw na Bangus Recipe:

Mga sangkap sa pagluluto ng Paksiw na Bangus:

paksiw na bangus recipe

Siyempre ang pinakamahalagang sangkap sa Paksiw na Bangus recipe na ito ay ang Bangus na isda. | Larawan mula sa iStock

  • 1 buong Bangus, nilinis at hiniwa sa 4 hanggang 5 piraso
  • 1 ampalaya
  • 2 pirasong talong
  • 1 ½ tasang tubig
  • ½ tasang suka
  • 1 pinitpit na luya, isang hinlalaki ang sukat
  • ¼ kutsaritang pamintang buo
  • 2 pirasong berdeng siling haba

Mga hakbang sa pagluluto ng Paksiw na Bangus:

paksiw na bangus recipe

Ang sari-saring lasa ng luya, suka at paminta ang bumubuo sa masarap na sabaw ng paksiw. Larawan mula sa iStock

  1. Hiwain ang ampalaya sa kalahati ng pahaba. Alisin ang puting bahagi at ang mga buto. Hiwain uli ng maninipis at ibabad sa tubig na may asin para maalis ang pait. Isantabi muna ito.
  2. Hiwain ang talong ng pahaba tapos hiwain uli ng maliliit (1 inch ang haba). Ibabad rin ito sa tubig na pinigaan ng kalamansi o lemon at isantabi.
  3. Ilagay ang tubig at suka sa isang kaldero. Huwag itong hahaluin. Hayaan lang itong kumulo ng ilang minuto. Ilagay ang luya at pamintang buo at pakuluin ito.
  4. Ilagay ang bangus. Takpan. Hayaang maluto sa loob ng 8 hanggang 10 minuto.
  5. Banlawan ang ampalaya na binabad sa tubig na may asin. Alisin rin ang talong sa pinagbabarang tubig. Ilagay ang mga gulay na ito sa kaldero at takpan.
  6. Hinaan ang apoy. Ilagay ang siling haba at pakuluan uli ng 5 minuto.
  7. Ihain ng may kasamang patis na sawsawan. Pwede mong lagyan ng sili kung gusto mong maanghang.

Napakadali ng Paksiw na Bangus recipe na ito diba? Subukan mo na, mommy at balitaan mo kami kung may asim ka pa sa kusina!

Partner Stories
#SarapNaNasaPusoKo: Batang Zest-O—Mula Noon, Hanggang Ngayon!
#SarapNaNasaPusoKo: Batang Zest-O—Mula Noon, Hanggang Ngayon!
Immunity for All Kids: Join Ceelin® in giving back through Caritas Philippines
Immunity for All Kids: Join Ceelin® in giving back through Caritas Philippines
Ibinahagi ng Isang Nanay ang Kanyang Trick Kung Paano Niya Pinapainom ng Supplements Ang Kanyang Anak, At Magugulat Kayo!
Ibinahagi ng Isang Nanay ang Kanyang Trick Kung Paano Niya Pinapainom ng Supplements Ang Kanyang Anak, At Magugulat Kayo!
Sisimulan mo na bang pakainin si baby ng solid foods? Subukan siyang pakainin ng 'Organic baby food'
Sisimulan mo na bang pakainin si baby ng solid foods? Subukan siyang pakainin ng 'Organic baby food'

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

img
Sinulat ni

Divine Enya Mesina

Maging Contributor

  • Home
  • /
  • Pagkain at nutrisyon
  • /
  • Paksiw na Bangus Recipe, Pinasarap at Pina-level Up
Share:
  • Inihaw na bangus: Pinasarap na version ng classic inihaw recipe

    Inihaw na bangus: Pinasarap na version ng classic inihaw recipe

  • Sinigang na Bangus sa Bayabas: Healthy Sinigang Dish ng mga Kapampangan

    Sinigang na Bangus sa Bayabas: Healthy Sinigang Dish ng mga Kapampangan

  • This amazing baby saves her family's life

    This amazing baby saves her family's life

  • 10 parenting mistakes kung bakit lumalaking hindi close ang bata sa magulang

    10 parenting mistakes kung bakit lumalaking hindi close ang bata sa magulang

  • Inihaw na bangus: Pinasarap na version ng classic inihaw recipe

    Inihaw na bangus: Pinasarap na version ng classic inihaw recipe

  • Sinigang na Bangus sa Bayabas: Healthy Sinigang Dish ng mga Kapampangan

    Sinigang na Bangus sa Bayabas: Healthy Sinigang Dish ng mga Kapampangan

  • This amazing baby saves her family's life

    This amazing baby saves her family's life

  • 10 parenting mistakes kung bakit lumalaking hindi close ang bata sa magulang

    10 parenting mistakes kung bakit lumalaking hindi close ang bata sa magulang

Makakuha ng regular ng payo tungkol sa pagbubuntis at paglaki ni baby!
  • Pagbubuntis
    • Unang trimester
    • Pangalawang trimester
    • Pangatlong trimester
  • Gabay ng Mga Magulang
    • Safety ng bata
    • Payo sa pagpapalaki ng anak
    • Payo para sa mga magulang
    • Gamit ng sanggol
  • Relasyon
    • Mag-asawa
    • Biyenan
    • Kasambahay
  • Pagpapasuso at formula
    • Tamang pagpapasuso
    • Pag-pump at pag-imbak ng gatas
    • Formula
  • More
    • TAP Community
    • Advertise With Us
    • Contact Us
    • Maging Contributor


  • Singapore flag Singapore
  • Thailand flag Thailand
  • Indonesia flag Indonesia
  • Philippines flag Philippines
  • Malaysia flag Malaysia
  • Sri-Lanka flag Sri Lanka
  • India flag India
  • Vietnam flag Vietnam
  • Australia flag Australia
  • Japan flag Japan
  • Nigeria flag Nigeria
  • Kenya flag Kenya
© Copyright theAsianparent 2023. All rights reserved
About Us|Team|Privacy Policy|Terms of Use |Sitemap HTML
  • Tools
  • Articles
  • Feed
  • Poll

Gumagamit kami ng cookies upang matiyak ang iyong magandang karanasan. Matuto paOk, nakuha ko

Gumagamit kami ng cookies upang matiyak ang iyong magandang karanasan. Matuto paOk, nakuha ko

theAsianparent heart icon
Nais naming magpadala ng notification sa'yo tungkol sa latest news at lifestyle update.