5 na pagkain na pumipigil sa pagtangkad ng iyong anak

5 na pagkain na pumipigil sa pagtangkad ng iyong anak

Naghahanap ka ba ng pampatangkad na pagkain para sa iyong anak. Siguraduhing huwag silang sumosobra sa pagkain ng mga ito.

Naalala mo pa ba noong bata ka pa at sinasabi ng nanay mo na hindi ka tatangkad kung umiinom ka ng kape? Alam mo bang hindi ito totoo para sa lahat. Pero mayroon talagang mga pagkain na nakakabagal sa pagtangkad, kung sobra sobra nito ang kakainin. Narito ang isang listahan ng mga pagkain na dapat iwasan kung gusto mong maabot ng anak mo ang height potential niya. 

Bawasan Ang Mga Pagkain Na Ito Kapag Naghahanap ng Pampatangkad na Pagkain Para sa Iyong Anak

keep your child healthy

1. Chichirya o Junk Food

Maraming rason kung bakit dapat hindi hayaan mahilig sa junk food ang iyong anak. Marahil ang isang pinaka-importante ay dahil kakaunti lamang ang nutritional value ng mga ito. Oo, masarap at pansamantalang nakakabusog ito, ngunit pinapataas nito ang risk ni diabetes at obesity. Siguraduhin paminsan lamang nagja-junk food ang iyong anak.

2. Softdrinks o Soda

Ang mga carbonated drinks ay hinahaluan ng mineral na phosphorus. Hindi naman ito nakakasama pero kapag ito'y madalas na naiinom o nakakain, maaaring makaapekto ito sa calcium sa katawan.

Ayon sa mga eksperto, ang phosphorus ay maaaring magpababa ng bone density ng mga bata. Kapag madalas kumain ng junk food o uminom ng softrinks ang bata, mas kakaunti ang pagkakataon nilang makakuha ng sapat na sustansiya. 

3. Kanin

Hindi naman masama ang kanin, paborito nga natin itong mga Pilipino, ngunit ang diet na sobra sa carbohydrates at protina ay maaaring magpabagal sa pagtangkad ng iyong anak. Ang importante ay balanse ang diet ng iyong anak, may carbohydrates at protein, para lubusan silang tumangkad.

4. Soy 

Mayaman sa protina ang Soy, na natatagpuan sa soy milk, yogurt, at tokwa. Nakakabagal daw ito ng pagtangkad dahil pinapahina nito ang calcium absorption. Ang calcium ay importante para sa bone development, ang pag-consume ng sobrang unfermented soy ay maaaring maging balakid din sa pagtangkad ng iyong anak. 

5. Asukal 

Ang mga batang mahilig sa matatamis ay karaniwang mas maliit kaysa sa mga batang hindi masyado kumakain ng matatamis ng pagkain. Tulad ng carbohydrates, pinapataas ng sugar ang insulin sa katawan, na nakakapagpatumal ng pagtangkad. Siyempre hindi naman puwedeng alisin ang sugar sa diet ng iyong anak dahil may benefits pa rin naman ito, tulad ng pagbibigay ng energy at brain health. 

Pero importanteng ma-kontrol ito upang hindi sumobra sa sugar ang iyong anak. 

 

Isinalin mula sa orihinal na Ingles na article na mababasa dito

BASAHIN: 5 Senyales na tatangkad ang iyong anak

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner