Nag-viral ngayon ang video ng pang-aabuso sa baby na 1-anyos lamang. Ang insidente ay nangyari raw sa Malaysia, kung saan ito ay ikinagalit ng mga netizens na nais mahuli at makulong ang babaeng nang-abuso ng bata.

Video ng pang-aabuso sa baby, viral online

Sa video, makikitang pinapalitan ng babae ng diaper ang baby. Ngunit sa halip na dahan-dahan itong gawin, ay tila hinihila at pinapalo pa niya ang bata. Kitang-kita rin na kinakaladkad niya ang bata sa kama, at halos masakal pa niya ito nang subukang palitan ang damit.

Maririnig sa buong video ang patuloy na pag-iyak ng kaawa-awang bata. Hindi rin alam kung bakit hinahayaan lang itong mangyari ng kumukuha ng video.

Matapos ma-upload sa social media ay agad na nag-viral ang video. Napakaraming mga netizens ang naawa sa ginagawang pang-aabuso sa baby, at napakarami ring nagalit sa babae na nananakit sa kaniya.

Dahil dito, nakuha ang atensyon ng mga pulis sa Malaysia, na naglabas ng statement na humihingi ng tulong upang makilala kung sino man ang nasa video. Sa ngayon ay wala pang nagsasampa ng kaso tungkol sa insidente, pero umaasa ang mga pulis na mayroong makakapagturo sa tinitirahan ng suspek.

Heto ang video ng insidente (WARNING: SENSITIVE CONTENT)

Mga dapat malaman ng mga magulang pagdating sa child abuse

Hindi biro ang child abuse. Taon-taon, napakaraming mga bata ang namamatay dahil sa pang-aabusong sinasapit nila mula sa mga magulang, o kaya sa mga taong dapat ay nag-aalaga sa kanila. Kaya’t importanteng siguraduhin nating ligtas ang mga bata, at i-report agad ang mga kaso ng pang-aabuso.

Heto ang ilang mga senyales ng child abuse na dapat alamin ng mga magulang:

Mga nakatagong pasa
Nagsasagawa ng pang-aabuso sa paglalaro
Pag-ihi sa pagtulog
Pagkakaroon ng sobrang kaalaman sa pagtatalik
Hindi angkop na pag-hawak sa iba
Pag-iwas sa isang tao o sitwasyon
Pag-aatubili makipag-ugnayan sa iba
Hindi makapag-isip nang mabuti sa paaralan
Malaking pagbabago sa pag-uugali
Mababang kumpiyansa sa sarili
Pag-antala ng child development
Madalas na pag-sama ng pakiramdam

Source: NST

Basahin: Lalaki, isinilid sa dryer ang 13-buwan na baby

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!