Isa ka rin ba sa mga hindi makatulog? Narito ang mga paraan para madaling antukin at makatulog. No sleepless nights na mga moms!
Mababasa sa artikulong ito:
- Benepisyo ng pagtulog sa kalusugan
- 3 remedies sa madaling pagtulog ayon sa science
Ang pagtulog ay maganda para sa ating kalusugan. Maaaring negatibo ang maging resulta sa mood, cognitive function at immune system ng isang tao kapag sila ay walang sapat na tulog at nakasanayan na ang magpuyat.
Maaaring maapektuhan ng stress ang ating pagtulog. Kasama na rito ang anxiety na dala rin ng COVID pandemic. Ayon sa survey, ang 2,555 mula sa 63 bansa (47%) ay kasalukuyang nakakaranas ng hindi magandang pagtulog. Kumpara sa pattern ng kanilang pagtulog bago ang pandemic (25%)
BASAHIN:
Mga maling paniniwala sa pagtulog na nakakasama sa iyong kalusugan
Tamang oras ng tulog ng mga bata: Kahalagahan sa kanilang kalusugan
Paraan para madaling antukin at makatulog: 3 remedies ayon sa science
Bukod pa rito, ang stress ay may kaugnayan sa poor dietary habits ng isang tao. Ang mga taong stress ay mahilig uminom ng energy drinks at caffeinated beverages. Dahil ang caffeine at energy drinks ay kayang gisingin ang ating diwa.
Katulad lang nito ang ang pag-inom ng alak ng mga taong stress. Iinom ng alak bago matulog. Kaya naman nakakaapekto ito sa sleeping pattern ng mga tao.
Ano nga ba ang dapat inumin para mapabuti ang pagtulog?
Paraan para madaling antukin at makatulog | Image from iStock
1. Chamomile
Ang chamomile tea ay kilala bilang isang tradisyonal na medisina noon na siyang panggamot sa mga taong may problema sa pagtulog katulad ng insomia.
Mayroon itong plant extract na kung tawagin ay apigenin. Ang chemical compound na ito ay mayroong parehong receptor sa utak habang ang benzodiazepines (drugs na tumutulong para mapagaling ang anxiety and insomnia) ay may sedative effect.
Ayon sa pag-aaral, ang chamomile ay nakakatulong sa pagtulog ng isang tao.
Gayunpaman, kahit na positibo ang mga nakuhang ebidensya, kinakailangan pa rin ng malawakang pag-aaral tungkol rito.
Paraan para madaling antukin at makatulog | Image from iStock
2. Gatas
Ang mainit-init na gatas ng kalabaw ay sikat na inumin bago matulog sa Western culture, partikular na sa mga bata.
Ang gatas ay pinanggagalingan ng amino acid tryptophan. Sapagkat ang ating katawan ay kailangang gumawa ng compound na naglalaman ng seretonin at melatonin sa utak. Ang compound na ito ay nakakatulong sa pagtulog ng isang tao.
Ilang dekada na rin ang pag-aaral ng mga scientist tungkol sa magandang epekto sa pagtulog ng pag-inom ng gatas sa gabi. Kasama na rin dito ang ilang produktong gawa sa gatas katulad ng keso at yogurt. Ngunit ang ebidensya ay nananatili pa ring walang katiyakan.
Simple lang kung maituturing ang pag-inom ng mainit na gatas bago matulog sa gabi. Kinakailangan pa natin ng malalim at malawakang pag-aaral tungkol sa epekto ng gatas sa pagtulog ng tao.
Paraan para madaling antukin at makatulog | Image from iStock
3. Cocoa
Isa pang nakitang mabisang inumin para makatulog ay ang hot cocoa. Ang cocoa bean na ito ay mayaman sa madaming kemikal kasama na ang compound na kung tawagin ay flavonoids.
Malawak ang benepisyong taglay ng flavonoids sa kalusugan. Nakakatulong ito sa neurodegenerative disorders.
Mayroong limitadong research tungkol sa epekto ng cocoa sa pagtulog ng isang tao. Subalit nakita sa pag-aaral na ginamitan ng daga na ang natural cocoa ay nakakatulong sa stress at insomia.
Para naman sa mga tao, ang pag-inom ng hot cocoa ay may kaugnayan sa pagpapababa ng dugo. Nagagawa nitong ma-relax ang muscle sa ating artery. Kaya naman pagkalma ang epekto nito na siya ring dahilan kung bakit nakakatulog ang isang tao.
Ang mga sleep remedy na ito ay hindi delikado. Subalit ang kabuuan ebidensya pag-aaral ay mahina pa at kinakailangan ng malawakang pag-aaral. Maaari namang subukan ito ngunit ‘wag itong ituring na gamot na siyang makakalunas agad ng iyong problema.
Sa huli, isang nakakaapekto rin sa kalidad ng ating pagtulog ay ang sarili nating lifestyle. Katulad ng screen time, physical activity, stress at diet.
Kung may problema ka sa pagtulog, mas mabuting kumunsulta sa iyong doktor.
Written by: Nenad Naumovski, Associate Professor in Food Science and Human Nutrition, University of Canberra; Amanda Bulman, PhD Candidate, University of Canberra; Nathan M D’Cunha, PhD Candidate, University of Canberra, and Wolfgang Marx, Postdoctoral research fellow, Deakin University
This article is republished from The Conversation under a Creative Commons license. Read the original article.
Translated with permission from theAsianparent Singapore
Isinalin sa wikang Filipino ni Mach Marciano
Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.