Dati-rati ay itinatago pa ng 18 taong gulang na si Shannon Clifton ang kaniyang pinagdaanan sa pedophile na ama. Ngunit nagdesisyon siyang ibahagi ang kaniyang kuwento upang makatulong sa iba pang mga batang nakaranas ng pang-aabuso.
Paulit ulit siyang ginahasa ng pedophile na ama
Ang ama ni Shannon na si Shane Ray Clifton ay nagsimula raw siyang gahasain noong 6 na taong gulang pa lamang siya. Simula noon ay naging paulit-ulit na ang pang-aabusong ginagawa sa kaniya ng ama.
Dagdag pa ni Shannon, may mga pagkakataon raw na umaabot pa ng 4 na beses sa isang araw ang pang-aabuso ng pedophile na ama.
Ngunit hindi pa dito nagtatapos ang naging karumal-dumal na pinagdaanan ni Shannon. Aniya, nabuntis raw siya dahil sa ginawang pang-aabuso, hindi lang isang beses kundi dalawa.
Una raw siyang nabuntis noong 11-taong gulang siya, at nang malaman ng ama, siya ay binugbog nito upang malaglag ang bata. Nabuntis raw siya ulit noong 13-taong gulang siya. Sa pagkakataong ito, pinilit daw siya ng ama na gumawa ng kung anu-anong exercise para malaglag ang bata.
Noong 9 na buwan na siyang buntis ay napansin daw ng nurse sa kaniyang paaralan na buntis si Shannon. Pinilit niyang kumuha ng pregnancy test ang teenager, ngunit tumanggi ito.
Dahil sa takot na mahuli at makulong, itinakas ng pedophile na ama si Shannon, at pinaghahanap sila ng pulis. Di nagtagal ay natagpuan din sila, at matapos ng 2 araw ay nanganak si Shannon ng isang sanggol na lalaki na parehas niyang anak at kapatid.
Na-brainwash si Shannon ng kaniyang ama
Di nagtagal ay ikinulong ang ama ni Shannon sa kasong rape. Binigyan siya ng life sentence ng korte dahil sa ginawang panggagahasa sa sariling anak.
Nang basahan ng sakdal ang kaniyang ama, napasigaw pa raw siya ng “I love you Dad, I miss you,” sa kaniyang ama. Naging epekto raw ito ng matinding brainwashing na ginawa sa kaniya.
Sabi ni Shannon, nagsimula daw ang pang-aabuso ng kaniyang ama mula nang nagkahiwalay ang kaniyang mga magulang. Madalas din daw siyang binubugbog at sinasaktan ng ama.
Bukod dito, inilayo pa ng kaniyang ama si Shannon sa iba nilang mga kamag-anak. Tinuro niya kay Shannon na siya lang ang puwede nitong asahan. Sinabi pa ng kaniyang ama na normal lamang daw ang ginagawa nito sa kaniya, at lahat daw ng ama ay ganito sa kanilang mga anak.
3 taon simula nang makulong ang kaniyang ama, ay nagsimula nang magkwento si Shannon tungkol sa kaniyang naging karanasan. Gusto niyang makatulong upang makapagbigay ng awareness tungkol sa mga babaeng nagiging biktima ng pang-aabuso.
Dahil sa nangyari, nagdesisyon si Shannon na ipaampon ang kanilang anak. Mahal na mahal daw niya ang bata, ngunit hindi raw niya maibibigay sa kaniyang anak ang pag-aaruga na kailangan nito. Umaasa daw siyang sana ay nasa mabuting pamilya ang anak niya, at lumaki ito ng maayos.
Sa ngayon, nag-aaral siya ng criminal psychology. Nais raw niyang malaman kung bakit nagawa ng kaniyang ama ang pang-aabuso, at gusto niyang makatulong sa ibang biktima.
Sources: The Sun, Mirror
Basahin: 4-taong gulang na batang babae, hinipuan in public
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
TAP Picks
Community
Rewards
VIP Parents
