Maraming benefits na bitbit ang pagkain ng mga prutas at gulay, ayon sa pag-aaral ng isang eksperto ay nakatutulong din daw ito para sa mga batang may Attention Deficit Hyperactivity Disorder o ADHD.
Mga mababasa sa artikulong ito:
- Prutas at gulay makatutulong para sa mga batang may ADHD, ayon sa research
- Kahalagahan ng healthy diet sa sakit na ADHD at meal plan na maaaring ibigay sa kanila
Prutas at gulay makatutulong para sa mga batang may ADHD, ayon sa research
Ang Attention Deficit Hyperactivity Disorder o ADHD ay isa sa pinakakaraniwang neurodevelopment disorder na unang nada-diagnose sa childhood ng isang tao. Tumatagal ito hanggang sa pagtanda ng na-diagnose ng naturang kondisyon.
Hindi pa batid kung ano ang mga risk factors at sanhi ng ADHD, ngunit ayon sa mga eksperto, malaki ang parte ng genetics kaya nakukuha ito ng isang tao. Ang ilan daw sa maaaring cause rin nito ay brain injury, premature delivery, low birth weight, o kaya naman ay bisyo sa panahon ng pagbubuntis.
Para sa mga batang may ADHD, nahihirapan silang mag-focus at madalas na hindi mapalagay. Ang mga sintomas na ito ay maaaring maging continuous at severe.
Ang ilan pa sa mga maaaring maranasan ng batang may ADHD ay ang mga sumusunod:
- Madalas na pagkakaroon ng day dream
- Pagkalimot sa maraming bagay
- Pagiging madaldal
- Pagkakaroon ng maraming careless mistakes
Ginagamot ang ADHD sa pamamagitan ng behavior therapy at medication. Isa pang maaaring makatulong ay ang pagkakaroon ng healthy living para sa mga bata.
BASAHIN:
STUDY: Pag-exercise habang buntis, nakakababa ng risk ng Type 2 diabetes sa baby
New research says taking paracetamol while pregnant may increase risk of baby having autism, ADHD, and low IQ
STUDY: Mga napapabayaang bata mas malaki ang chance magkaroon ng ADHD at mababang IQ
Sa isang pag-aaral na inilathala sa Nutritional Neuroscience, tinanong ng mga researchers ang mga magulang ng 134 kids na may sintomas ng ADHD upang kumpletuhin ang questionnaire tungkol sa pagkain ng mga bata sa loob ng 90 na araw.
Tinanong din ng mga mananaliksik ang mga magulang na i-rate ang mga sintomas ng inattention ng mga bata. Kasama ang hindi pagsunod sa instructions, hirap sa emosyon, at hirap sa pag-focus.
Sa pag-aaral, lumabas na ang mga batang kumakain ng maraming prutas at gulay ay mayroong mas less severe na sintomas ng inattention. Ayon sa co-author ng study at associate professor ng human nutrition sa The Ohio State University na si Irene Hatsu, posibleng may positibong epekto ang pagkain ng gulay sa may mga ADHD.
“Eating a healthy diet, including fruits and vegetables, may be one way to reduce some of the symptoms of ADHD.”
Sa isang pag-aaral pa na kasama rin ang parehong mga batang pinag-aralan na na-publish naman sa journal na Nutrients, nakita naman na ang mga batang nagmula sa pamilyang may problema sa food security ay mas nagpapakita ng severe na sintomas ng emotional dysregulation gaya ng labis na pagkagalit.
“A healthy diet that provides all the nutrients that children require can help reduce the symptoms of ADHD in children.”
“What clinicians usually do when kids with ADHD start having more severe symptoms is increase the dose of their treatment medication, if they are on one, or put them on medication,”
Kahalagahan ng healthy diet sa sakit na ADHD at meal plan na maaaring ibigay sa kanila
Ayon sa mga eksperto malaki raw epekto ng food insecurity sa paglala ng mga sintomas ng ADHD. Kung hindi raw sila nakakatanggap nang tamang pagkain mas lalala pa raw ito kalaunan.
Kahit kasi sa normal na bata, may tendency na mag-tantrums o kaya naman magbago ang mood sa tuwing kumakalam ang tiyan. Hindi rin naman naiiwasan ito kahit sa mga matatanda na, kaya malamang ay mas malala ito sa mga batang may ADHD.
“Everyone tends to get irritated when they’re hungry and kids with ADHD are no exception. If they’re not getting enough food, it could make their symptoms worse.”
Mahalagang i-consider din daw na tulungan ang mga pamilya patungkol sa security ng pagkain upang makabuo ng healthy diet. Ang pagkakaroon daw kasi magandang diet ay maaaring mas magbigay ng healthy na katawan sa bata na pwedeng maging emotionally at mentally conditioned sila.
“Some symptoms might be more manageable by helping families become more food secure and able to provide a healthier diet.”
Narito ang ilan sa maaaring i-consdier na pagkain para sa mga anak na may ADHD:
- Protein-rich foods – isda, shellfish, itlog, mani, beans, lentils, karne, at poultry products
- Complex carbohydrates foods – mga gulay, brown rice, beans, lentils, whole-grain pasta, tinapay, at prutas
- Iron-rich foods – liver, kidney beans, tofu, at beef
- Magnesium-rich foods – spinach, peanuts, pumpkin seeds, at almonds
- For vitamin B-6 – potatoes at penuts
- For vitamin D – egg yolks, fortified foods, at fatty fish
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
