Happy family ganito kung makikita sina Rachel Carrasco, Victor Consunji kasama ang kanilang baby girl at anak ni Vic kay Maggie Wilson na si Connor. Ito ay matapos mag-share ng larawan si Rachel kasama ang mag-ama at kanilang baby girl.
Mababasa dito ang sumusunod:
- Relasyon ni Vic Consunji at estranged wife niyang si Maggie Wilson.
- Pagsasama nina Rachel Carrasco at Vic Consunji
Relasyon ni Vic Consunji at estranged wife niyang si Maggie Wilson
Larawan mula sa Instagram ni Maggie Wilson
Hanggang ngayon ay patuloy na sinusubaybayan ng marami ang feud sa pagitan ng mag-asawang sina Maggie Wilson at Victor Consunji. Ito ay matapos ang ilang beses nilang parinigan sa Facebook.
Si Vic sinampahan rin ng patong-patong na kaso ang estranged wife niyang si Maggie. Kabilang nga sa kasong kinakaharap ng dating beauty queen ay adultery na ayon kay Maggie ay hindi totoo. At kung mayroon man umanong nagloko sa pagsasama nila ni Victor, walang iba kung hindi ang mister niya mismo.
Sa mga nauna ng post ni Maggie noong nakaraang taon ay naglabas siya ng mga larawan ng third party umano sa pagsasama nila ni Vic. Ito ay ang entrepreneur na si Rachel Carrasco na ayon kay Maggie ay kilala niya rin bilang malapit na kaibigan ng kaniyang mister.
Si Vic unang piniling manahimik at hindi sumagot sa mga tirada ni Maggie sa social media. Pero nang makalakad na ang pangalan ni Rachel ay nagbahagi narin ng pahayg niya si Victor. Bagama’t walang pag-amin na ginawa ito ukol sa totoong relasyon nila.
Hanggang noong Nobyembre ng nakaraang taon, nagsimulang magpost ni Rachel ng larawan nila ni Victor na magkasama. Palatandaan na mayroon talaga silang relasyon.
Pagsasama nina Rachel Carrasco at Vic Consunji
Larawan mula sa Instagram account ni Rachel Carrasco
Nito lang nakaraang buwan, Marso ay nag-post si Rachel sa Instagram ng larawan niya na may kargang sanggol. At nitong nakaraang araw si Vic naman ang nagpost ng larawan kasama si Rachel habang may karga ng isang sanggol.
Base sa caption ng post ay anak ni Vic ang karga niyang baby girl. At ang ina ng bata ay walang iba kung hindi si Rachel.
Nasundan naman ang mga pasabog post na ito ni Rachel at Vic. Dahil si Rachel nag-post ng mga pictures sa kaniyang IG stories ng bonding nila kasama ng kaniyang mag-ama at anak ni Vic kay Maggie Wilson na si Connor.
May isa pang larawan na ibinahagi si Rachel na karga-karga ni Connor ang kaniyang baby sister habang pinapadede ito.
Larawan mula sa Instagram account ni Rachel Carrasco
Hiwalayan nila Maggie Wilson at Victor Consunji
Matapos ang 10 taong pagsasama, isinapubliko ni Maggie Wilson noong September 2021 ang split o paghihiwalay nila ni Victor Consunji.
Noong Hulyo 2022 naman nang pumutok nga ang balita ng pagsasampa ni Victor Consunji ng kasong adultery laban kay Maggie Wilson at Tim Connor.
Agad itong inalmahan ni Maggie Wilson sa pamamagitan din ng pagpo-post ng stories sa kaniyang Instagram. Sa nasabing Instagram stories ay ipinakita ni Maggie na kasama nila ni Victor Consunji si Tim Connor sa Barcelona sa isang video. Makikita rin na masayang nagkukwentuhan ang mga ito.
Samantala, ang supporters ni Maggie nalungkot para sa beauty queen na matagal nang hindi nakikita at nakakasama ang anak. Ayon kay Maggie pinagbabawalan pa rin siya umanong makita ang kaniyang anak na si Connor.