STUDY: Pag-inom ng fruit juice at softdrinks, nakaka-cancer
Pag-inom ng matatamis hindi lang nakakapagdulot ng diabetes. Sanhi rin daw ito ng cancer, ayon sa isang bagong pag-aaral.
Mga sanhi ng cancer, kabilang umano ang pag-inom ng 100% fruit juice! Ito ang nakakagulat na findings ng isang bagong pag-aaral.
Pag-inom ng matatamis bilang isang sanhi ng cancer
Ayon sa isang pag-aaral na isinagawa ng mga researchers mula sa Sorbonne Paris Cite University, ang pag-inom ng sugary drinks ay “significantly associated” umano sa pagpapataas ng tiyansa ng pagkakaroon ng cancer sa katawan ng isang tao.
Ang sugary drinks na tinutukoy sa pag-aaral ay mga inumin na nagtataglay ng 5% sugar. Kabilang dito ang 100% fruit juice na walang dagdag na asukal at ang soda o soft drinks. Habang ang mga artificially-sweetened drinks tulad ng diet soda ay wala umanong kaugnayan sa pagpapataas ng tiyansa ng cancer.
Ito ay ang natuklasan ng mga researchers matapos sundan ang 101, 257 adults sa loob ng limang taon. Na kung saan minonitor nila ang sugar-intake at pag-inom ng artificially-sweetened beverages ng mga ito.
Sa kanilang pagsubaysay, ay naitalang may 2,193 cases ng cancer ang na-diagnose sa mga participants. At karamihan sa mga ito ay ang mga taong laging umiinom ng mga sugary drinks.
Image from Freepik
Paliwanag ng mga researchers
Pero para sa mga researchers’ ng ginawang pag-aaral, kailangan pa ng dagdag at mas malaking pag-aaral para masuportahan ang kanilang natuklasan.
“These results need replication in other large scale prospective studies. They suggest that sugary drinks, which are widely consumed in Western countries, might represent a modifiable risk factor for cancer prevention,” sabi nila.
Dagdag pa nila, hindi daw ito nangangahulugang kailangan ng itigil ang pag-inom ng mga sugary drinks para maiwasan ang sanhi ng cancer. Kailangan lang daw itong balansehin at limitahan.
“As usual with nutrition, the idea is not to avoid foods, just to balance the intake,” pahayag ni Dr. Mathilde Touvier na namuno sa ginawang pag-aaral.
“The recommendation from several public health agencies is to consume less than one drink per day. If you consume from time to time a sugary drink it won’t be a problem, but if you drink at least one glass a day it can raise the risk of several diseases – here, maybe cancer, but also with a high level of evidence, cardiometabolic diseases,” dagdag pa niya.
Ayon parin sa mga researchers, ang kanilang natuklasan ay makakatulong para mas ma-isulong ang mga existing recommendations ng pag-lilimit ng pag-inom ng mga sugary drinks. At mas madagdagan pa ang mga policy actions ukol dito tulad ng taxations at marketing restrictions.
Source: CNBC, The Guardian
Photo: Freepik
