Toddler, kailangan ng bagong atay matapos ma-overdose sa paracetamol

lead image

Mahalagang malaman ng mga magulang ang sintomas ng overdose sa gamot upang malaman agad nila kung na-overdose sa gamot ang kanilang anak.

Para siguro sa kahit sinong magulang, ang pag-overdose sa gamot ng kanilang anak ay isa sa mga pinaka-nakakatakot na pangyayari. Minsan nga, hindi agad napapansin ng mga magulang ang sintomas ng overdose sa gamot.

At sa kasamaang palad, ganun na nga ang nangyari sa isang 27-buwan na bata, matapos siyang aksidenteng ma-overdose sa gamot sa lagnat. 

Paano kaya ito nangyari, at ano ang magagawa ng mga magulang upang maiwasan ang ganitong klaseng aksidente?

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan, at napapanahon, ngunit, hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerekomenda naming magpakonsulta sa doktor upang makakuha ng mas malinaw na impormasyon.

27-Buwan na bata, kinakailangan ng bagong atay dahil sa overdose

Nangyari ang insidente sa Vietnam, kung saan nagkaroon ng mataas na lagnat ang isang toddler. Ayon sa kaniyang mga magulang, naisipan nila siyang bigyan ng paracetamol upang bumaba ang kaniyang lagnat.

Ngunit hindi nila alam kung ano ang kinakailangang dami ng gamot na ibibigay, kaya't binigyan raw nila ng 4 na 500mg na tableta ang anak sa loob ng 4 na araw. Dahil dito, nagkaroon ng severe metabolic acidosis ang bata na nagpalala ng kaniyang kondisyon.

Dahil dito, kinailangang kabitan ng ventilator ang bata, at sumailalim pa sa ibang medical procedure upang mabawasan ang paracetamol sa katawan. Ngunit lalong lumala ang kaniyang kalagayan at nagkaroon pa ng coma ang bata. 

Ito raw ay dahil masyado nang kumalat sa katawan at naging matindi ang pagka-overdose niya. Sabi ng mga doktor ay kinakailangang sumailalim sa liver transplant ang bata kung nais nilang masagip ang kaniyang buhay.

Mayroon na rin daw nangyaring ganitong sitwasyon noong nakaraang taon, kung saan isang 3-gulang na bata ang namatay dahil rin sa overdose sa paracetamol.

Anu-ano ang sintomas ng overdose sa gamot?

Upang masigurado na tama ang dosage na iniinom ng iyong anak, heto ang ilang mga guidelines na dapat sundin:

  • Basahing mabuti ang label, at intindihin ang tamang dosage
  • Timbangin ang iyong anak. Ito ay dahil nakabase sa timbang, at hindi sa edad ang dosage ng mga gamot.
  • Sukating mabuti ang gamot na ipapainom sa iyong anak.
  • I-track ang mga gamot na iyong ibinibigay
  • Huwag mahiyang magtanong kung hindi ka sigurado sa dosage

Para naman makaiwas sa overdose, heto ang ilang mga sintomas ng overdose na dapat alam ng mga magulang:

  • Biglaang panghihina
  • Kawalan ng malay
  • Biglaang pagbabago ng kondisyon ng katawan
  • Pagsusuka
  • Pagtatae
  • Pananakit ng dibdib
  • Pagpapawis at paglamig ng balat, o kaya pagtaas ng temperatura ng balat

 

Republished with permission from Kidspot

Basahin: 11-anyos nag-overdose ng gamot dahil diumano sa suicide challenge

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner