Isang video ng insidente sa harap ng SM Megamall sa Mandaluyong City ang naging viral sa social media kamakailan. Sa nasabing video, makikita ang tinaguriang “viral sampaguita girl”, isang babae na nagtitinda ng sampaguita habang suot ang high school uniform at nagkaroon ng komosyon nang sawayin ito ng grawdiya ng mall.
Mababasa sa artikulong ito:
- Viral sampaguita girl hindi pala high school student
- Paano tayo makakatulong sa mga batang lansangan na nais mag-aral?
Viral sampaguita girl hindi pala high school student
Screenshot mula sa viral video na kumakalat sa social media
Isang batang babae na nakasuot ng high school uniform ang nagtitinda ng sampaguita ang pinagsabihan ng isang security guard na umalis sa lugar. Ang video ng pangyayari ay mabilis na kumalat at nagdulot ng iba’t ibang reaksyon mula sa publiko. Makikita kasi na nagkasakitan ang babae at ang gwardiya.
Matapos ang masusing imbestigasyon, natukoy na ang tinaguriang “Sampaguita Girl” ay si Marie, isang 22-taong gulang na first-year medical technology student. Ayon sa kanyang mga magulang, nagtitinda si Marie ng sampaguita upang makatulong sa kanyang pag-aaral at magkaroon ng karagdagang kita. Nilapitan umano siya ng security guard at pinaalis na humantong sa hindi magandang komosyon.
Paano tumugon ang DSWD at PNP?
Agad na kumilos ang Department of Social Welfare and Development (DSWD) upang alamin ang kalagayan ni Marie. Sa kanilang panayam, kinumpirma nilang si Marie ay isang college freshman na kumukuha ng kursong medical technology at nagtitinda ng sampaguita upang matustusan ang kanyang pag-aaral. Nag-alok ang DSWD ng tulong pinansyal at psychosocial support kay Marie at sa kanyang pamilya.
Samantala, ang Philippine National Police (PNP) ay nagsagawa rin ng imbestigasyon at nakipag-ugnayan kay Marie. Kinumpirma nila na si Marie ay isang lehitimong estudyante at walang kaugnayan sa anumang sindikato. Inimbitahan din ng PNP ang security guard na sangkot sa insidente upang magbigay ng kanyang panig at masigurong maayos ang pagresolba sa usapin.
Screenshot mula sa viral video na kumakalat sa social media
Paano natin masusuportahan ang mga batang lansangan?
Ang insidenteng ito ay nagbigay-diin sa kalagayan ng mga batang lansangan sa Pilipinas. Narito ang ilang praktikal na paraan upang makatulong:
- Suportahan ang mga non-governmental organizations (NGOs): Maraming NGOs ang nagbibigay ng edukasyon, pagkain, at tirahan sa mga batang lansangan. Sa pamamagitan ng donasyon o pagboboluntaryo, maaari tayong makatulong sa kanilang mga programa.
- Magboluntaryo sa mga programa: Ang pakikilahok sa mga outreach programs ay nagbibigay ng direktang suporta sa mga bata. Ang pagbibigay ng oras at kaalaman ay malaking tulong sa kanilang pag-unlad.
- Magbigay ng trabaho o pagkakakitaan: Ang pagbibigay ng oportunidad sa mga magulang ng mga batang lansangan na magkaroon ng hanapbuhay ay makakatulong upang hindi na kailanganin ng mga bata na magtrabaho sa lansangan. Ang DSWD ay may mga programa tulad ng Sustainable Livelihood Program (SLP) na maaaring makatulong dito.
- Maging mulat at responsable sa social media: Ang pagbabahagi ng mga kwento ng mga batang lansangan sa social media ay maaaring magdulot ng positibong epekto kung ito ay gagawin nang responsable. Mahalaga ang pag-verify ng impormasyon bago magbahagi upang maiwasan ang maling akusasyon o stigma.
- Patuloy na makiisa sa mga panawagan: Maging boses ng masa na nanawagan sa mas pamahalaan na magbigay ng mas maraming oportunidad sa mga mahihirap na makapagtrabaho at matugunan ang kanilang mga pangangailangan. Pati na rin ang libreng edukasyon para sa lahat.
Ang kwento ni Marie ay isang paalala ng mga pagsubok na kinakaharap ng mga batang lansangan sa Pilipinas. Sa pamamagitan ng sama-samang pagkilos at suporta mula sa pamahalaan, NGOs, at mga indibidwal, maaari tayong makapagbigay ng mas magandang kinabukasan para sa kanila. Ang bawat maliit na tulong ay may malaking epekto sa buhay ng isang bata.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
