Vulvar varicosities: Varicose veins sa ari ng babae kapag buntis

Vulvar varicosities: Varicose veins sa ari ng babae kapag buntis

Mahirap ang magkaraoon ng pamamaga ng mga ugat. Ito ay nagdudulot ng sakit, hirap sa paggalaw at kawalan ng ginhawa. Kapag ito ay naranasan sa bandang ari, ito ang tinatawag na vulvar varicose veins o vulvar varicosities. Alamin ang mga sintomas, sanhi, at paggamot na maaaring gawin para dito.

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan, at napapanahon, ngunit, hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerekomenda naming magpakonsulta sa doktor upang makakuha ng mas malinaw na impormasyon.

Ano ang sintomas ng vulvar varicose veins

Kadalasang nararanasan sa kalagitnaan ng pagbubuntis, maaaring isolated na kondisyon lamang ang pagkakaroon ng vulvar varicosities. Ngunit, maaari rin itong maranasan kasabay ng pagkakaroon ng varicose veins sa mga hita. Kapag mayroon nito, mapapansin na mayroong mga ugat na tila nakabukol sa bandang ari. Ang mga ugat na ito ay tila asul o purple ang kulay.

Mahirap mang makita ang mga ito lalo na kung malaki na ang tiyan, may ilang maaaring maramdaman dahil dito:

  • Pressure o bigat sa ari
  • Pakiramdam na tila puno ang vulva
  • Kawalan ng ginhawa kapag naglalakad
  • Pananakit sa pakikipagtalik
  • Pangangati
Sanhi

Sa isang pag-aaral na isinagawa nuong 2017, tinatayang nasa 18-22% ng mga nagbubuntis ay mayroong vulvar varicosities. Ganunpaman, hindi lamang ang mga buntis ang nagkakaroon nito. Ayon sa parehong pag-aaral, nasa 22-34% ng mga mayroong pelvic varicose veins ay mayroon din nito.

Habang nagbubuntis, ang katawan ay masmalakas magproduce ng dugo. Ang dugong ito ay masmabagal ang daloy sa mga hita at paakyat ng pelvis. Kasabay ng pagrelax ng mga ugat dahil sa pabago-bagong hormones, nagkakaroon ng varicose veins sa ari ng babae.

Paggamot

Kadalasan, ang vulvar varicosities na nakukuha sa pagbubuntis ay kusa ring nawawala matapos manganak. Ito ay dahil sa muling pagbalik sa dating daloy ang dugo. Ngunit, kapag nahihirapan na sa mga sintomas na maaaring idulot nito, may ilan din na maaaring gawin:

  • Gumamit ng ice pack para mabawasan ang sakit.
  • Humiga nang nakataas ang balakang para mas dumaloy ang dugo.
  • Dalasan ang pagpalit ng posisyon upang hindi maipit ang isang bahagi lamang.
  • Gumamit ng mga damit na pang suporta sa bigat o compression stockings.

Kapag hindi nagbubuntis ngunit nakakaranas nito, may ilang procedures na maaaring gawin upang maggamot:

  • Scelerotherapy - Pag-inject ng solution sa varicose veins para magsara ang mga ito.
  • Echoscelerosis - Scelerotherapy na may kasamang paggamit ng ultrasound.
  • Phlebectomy - Minor surgery kung saan tinatanggal ang apektadong varicose veins.
  • Transcatheter embolization - Gumagamit ng isang uri ng X-ray para malagyan ng catheter ang varicose veins.

Source: Mayo Clinic, Healthline

Basahin: Bukol sa mukha ng isang batang babae inaasahang matatanggal ng Sclerotherapy!

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner