Wedding ni Carla Abellana at Tom Rodriguez naganap na rin sa wakas! Narito ang mga detalye sa kasal nila.
Mababasa sa artikulong ito:
- Wedding ni Carla Abellana at Tom Rodriguez.
- Love story ni Carla Abellana at Tom Rodriguez.
Wedding ni Carla Abellana at Tom Rodriguez
Image from Pat Dy Photography Facebook account
Ilang beses ng naikasal sa kanilang mga karakter sa TV at pelikula ang real-life couple na sina Carla Abellana at Tom Rodriguez. Pero nitong Sabado, October 23, 2021 ito ay naging katotohanan na.
Dahil noong araw na iyon ay ganap ng naikasal at naging mag-asawa na sa totoong buhay ang aktor at aktres. Ang kanilang kasal ay ginanap sa San Juan Nepomuceno Church, sa San Juan, Batangas na dinaluhan ng malalapit nilang kaibigan at pamilya.
Sa mga wedding photographs nina Carla at Tom na kuha ng kanilang official wedding photographer na si Pat Dy makikita kung gaano kasaya ang dalawa sa katuparan ng kanilang pangarap.
Sapagkat matapos ang pitong taon nilang pagsasama bilang mag-nobyo at nobya sa wakas ngayon ay ganap na silang si Mr. and Mrs. Mott. Ang Mott ay ang apelyido ni Tom Rodriguez na si Bartolome Alberto Mott sa totoong buhay.
Carla Abellana on being married to Tom Rodriguez: “Marrying my soulmate.”
Image from Pat Dy Photography Facebook account
Suot ng kaniyang Monique Lhuillier gown ay mas nangibabaw ang ganda ni Carla sa kaniyang special day. Very handsome din si Tom sa kaniyang black suit na disenyo ng Filipino designer na si Francis Libiran.
Classic white ang motif ng kasal nila Tom at Carla na ginawang stunning at memorable ng event designer na si Gideon Hermosa. Ang kanilang wedding reception sa El Jardin de Zaida sa San Juan, Batangas ay napuno ng iba’t ibang bulaklak na kulay puti at maliliwanag na ilaw.
Sa Instagram ni Carla ay masaya niyang ibinahagi ang magandang balita sa kaniyang mga followers at fan. Sa mismong araw ng kanilang kasal ay nag-share siya ng mga pre-photos nila na kuha rin sa Batangas.
“Marrying my soulmate.”
Ito ang caption ng post ng aktres ukol sa pagpapakasal sa long-term boyfriend niyang si Tom. Tampok sa post niya ay mga larawang kuha mula sa prenup shoot nila na isinagawa rin sa Batangas.
View this post on Instagram
Tom Rodriguez on being married to Carla Abellana: “Nabakuran ko na sa wakas!”
Samantala, sa kaniya ring Instagram ay hindi rin pinalampas ni Tom na i-share ang memorable at special event sa buhay niya. Pati na rin siyempre ang kaniyang handsome look bilang groom ni Carla na pabirong sabi ni Tom sa wakas ay nabakuran na niya.
“Wala lang. Flex ko lang na ikinasal ako kagabi sa isang napakagandang binibini. Officially, nabakuran ko na sa wakas! ”
Ito ang post ni Tom tungkol sa pagpapakasal niya sa aktres na si Carla Abellana.
View this post on Instagram
Pagbati sa bagong kasal
Bumaha naman ang pagbati at congratulatory message ng kanilang mga friends at fans sa bagong kasal.
krisbernal
Beautiful and pogi, congratulations!! So happy for you both!! Wishing you lots of love and happiness in your marriage!! ✨
iamgladysreyes
Congrats @akosimangtomas so happy for you and @carlaangeline
Maliban sa pagbati ay may mga celebrities rin ang nagbigay payo sa bagong kasal.
dinabonnevie
Congratulations and wishing you all the best in your marriage, with God always in the center and the only third party in your marriage.
eugenedomingo_official
Best wishes!!! Stay happy & content in love!
BASAHIN:
Kylie Padilla sa hiwalayan nila ni Aljur Abrenica: “Ang alam ko lang parehas kaming hindi masaya.”
Kris Aquino on engagement to Mel Sarmiento: “I am proud to be an Aquino, looking forward na kong maging Sarmiento”
REAL STORIES: It took us 12 years bago kami nag-decide na magpakasal
Carla Abellana at Tom Rodriguez love story
Image from Nelwin Uy Photography Facebook account
Buwan ng Oktubre taong 2020 nag-propose si Tom ng kasal kay Carla. Pero nitong March 21 lang ngayong taon nila inanunsyo na sila ay engaged na.
Sa kaniyang Instagram ay ipinakita ni Carla ang kanilang engagement ring at ang caption niya rito ay ito.
“A million times, YES. 💍”
Nagsimula ang love story ng dalawa ng sila ay magkasama sa telenobelang “My Husband’s Lover” noong 2013 sa GMA. Matapos ang isang taon ay naging totohanan na ang kanilang relasyon.
Ang una nilang pagtatambal ay nasundan pa ng maraming beses na kung saan sila rin ay gumaganap na magkalove-team o mag-asawa.
Source:
GMA News
